કચ્છના તુંબડી ગામમાં પતિના વિયોગમાં પત્નીની આત્મહત્યા: પતિનું મોત થતા પત્નીએ એસિડ પી લઈ આત્મહત્યા કરી, બે સંતાનોએ માતા-પિતાની છત્રછાયા ગુમાવી

કચ્છ જિલ્લાના મુન્દ્રા તાલુકાના મોટી તુંબડી ગામમાં રહેતો એક જાડેજા પરિવાર બે જ દિવસમાં વેરવિખેર થઈ ગયો. પતિના કુદરતી મોતના વિયોગમાં પત્નીએ એસિડ પી લઈ આત્મહત્યા કરી લેતા બે વર્ષના બાળક અને 5 વર્ષની બાળકીએ માતા-પિતાની છત્રછાયા ગુમાવવાનો વારો આવ્યો છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

કચ્છ જિલ્લાના મુન્દ્રા તાલુકાના મોટી તુંબડી ગામમાં રહેતા સવુભા નવુભા જાડેજા ગાર્ડનનું કામ સંભાળતી કંપનીમાં ફરજ બજાવતા હતા. સવારે 30 વર્ષીય સવુભા કંપનીમાં ફરજ બજાવી રહ્યા હતા ત્યારે જ હ્રદયરોગનો હુમલો આવતા તેને પ્રાથમિક સારવાર આપ્યા બાદ ભુજની જીકે જનરલ હોસ્પિટલમાં ખસેડવામા આવ્યા હતા. જ્યાં સારવાર દરમિયાન તેમનું મોત નિપજ્યું હતું. યુવાનના નિધન બાદ તેના નશ્વર દેહને તેના ગામમાં લઈ જઈ સમાજના રીતિ રિવાજ મુજબ અંતિમવિધિ કરવામા આવી હતી.

પતિના નિધનના વિયોગમાં પત્નીએ આત્મહત્યા કરી
પતિના નિધન બાદ અંતિમવિધિ પૂર્ણ થયાને હજી તો ચોવીસ કલાક પણ પૂર્ણ થયા ન હતા ત્યાં જ સવુભાના પત્ની લીલાબાએ પતિના નિધનના વિયોગમાં એસિડ પી લેતા સૌ પહેલા ભુજની ખાનગી હોસ્પિટલમાં અને ત્યારબાદ ભુજની જીકે જનરલ હોસ્પિટલમાં સારવાર માટે ખસેડવામા આવ્યા હતા. જ્યાં સવારે પોણા આઠ વાગ્યે તેમણે અંતિમ શ્વાસ લીધા હતા.

બે સંતાનોએ માતાપિતાની છત્રછાયા ગુમાવી
સવુભા અને લીલાબાના અંદાજિત સાત વર્ષ પહેલા લગ્ન થયા હતા. લગ્નજીવન દરમિયાન દંપતીને સંતાનમાં પાંચ વર્ષની પુત્રી અને 2 વર્ષનો પુત્ર છે. બે દિવસમાં માતા-પિતાના નિધન થતા બંને સંતાનોએ માતા-પિતાની છત્રછાયા ગુમાવી છે. દંપતીના નિધનના પગલે નાના એવા તુંબડી ગામમાં શોકનો માહોલ છવાયો છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..