પતિના જન્મ દિવસે ફલેટ આપવાની સરપ્રાઇઝ પત્નીને ભારે પડી ગઇ, લાખો રૂપિયાનો ચૂનો લાગ્યો

પતિના જન્મ દિવેસ ફલેટ આપવાની સરપ્રાઇઝ પત્નીને ભારે પડી ગઇ હતી. પત્ની ફલેટ ખરીદીમાં છેતરપિંડીનો ભોગ બની અને સરપ્રાઇઝ તો પુરુ ન થઇ શક્યું, પરંતુ લાખો રૂપિયાની નુકશાની વેઠવાનો વારો આવ્યો. ઘટના રાજસ્થાનના જોધપુરની છે. આખરે મામલો પોલીસમાં પહોંચ્યો છે અને પોલીસ હવે તપાસ કરી રહી છે.

પોલીસ અધિકારી દિનેશ લખાવતે કહ્યું કે,અભિષેક જૈન અને પ્રિયંકા જૈનએ નિતિન સિંહ સિસોદિયા અને મનસુખ સોની સામે પોલીસમાં ફરિયાદ નોંધાવી છે. ફરિયાદમાં કહેવામાં આવ્યું છે કે પ્રિયંકા જૈન પોતાના પતિ અભિષેકને 17 ડિસેમ્બર 2021ના દિવસે સરપ્રાઇઝ આવી શકે તેની તૈયારી કરી રહી હતી. આ બાબતે તેમના પારિવારિક મિત્ર નિતિન સિંહને પ્રિયંકાએ જાણ કરી હતી કે પતિને જન્મ દિવસ પર એક ફલેટ સરપ્રાઇઝ ગિફ્ટ આપવો છે.

નિતિન સિંહે તે પછી પ્રિયંકાની મુલાકાત મનસુખ સોની સાથે કરાવી હતી. નિતિને પ્રિંયકાને કહ્યું હતું કે મનસુખ સોનીને રૂપિયાની જરૂરત છે, જો તમે એનો ફલેટ લઇ લો, તો તમને ફાયદો થશે. પ્રિયંકાએ નિતિનનની વાત માનીને 5 ડિસેમ્બર 2019ના દિવસે પતિને જાણ કર્યા વગર વકીલની સાક્ષીમાં નિતિનને 9 લાખ રૂપિયા આપ્યા હતા અને એગ્રીમેન્ટ પણ કર્યો હતો.

નિતિને, ફેબ્રુઆરી 2020માં પ્રિયંકાને કહ્યું હતું કે ફલેટનું કામ ઝડપથી ચાલી રહ્યું છે અને ટુંક સમયમાં તેમને ફલેટનો કબ્જો મળી જશે.જો તમે દર મહિને 20,000નો હપ્તો ભરતા જાવ તો ફાયનલ પેમેન્ટમાં મુશ્કેલી નહી આવે. નિતિનના કહેવા પર પ્રિયંકાએ ઓગસ્ટ 2021 સુધી દર મહિને રોકડા 20,000 રૂપિયાનો હપ્તો નિતિનને આપ્યો હતો. એ પછી પોલ ત્યારે ખુલી જયારે પ્રિયંકાએ નિતિન પાસે દસ્તાવેજ માંગ્યો હતો. નિતિન પાસે જેટલી વખત પ્રિયંકા દસ્તાવેજ માંગતી હતી તેટલી વખત તે વાતને ટાળતો હતો.

પ્રિયંકાએ જયારે નિતિન પર દબાણ વધાર્યું તો, નિતિને પ્રિયંકાને બાળકનું અપહરણ કરી લેવાની ધમકી આપી હતી. પ્રિયંકાને ખબર પડી ગઇ કે હવે વાતનું વતેસર થઇ ગયું છે તો એ પછી તેણે પતિ અભિષેકને આખી વાત કરી હતી. પ્રિયંકાના પતિએ નિતિન અને મનસુખ પાસે દસ્તાવેજ માંગ્યા, પણ તેમણે આપ્યા નહીં. જયારે ફલેટ વિશે માહિતી મેળવવામાં આવી તો ખબર પડી કે મનસુખ સોનીએ વર્ષ 2020માં આ ફલેટ પર બેંકમાંથી લોન લીધેલી છે. મતલબ કે ફલેટ પ્રિયંકાના નામ પર હતો જ નહી.

આ વાત પરથ સ્પષ્ટ થઇ ગયું કે પ્રિયંકા સાથે છેતરપિંડી કરવામાં આવી છે. આખરે પ્રિયંકાએ સદરપરા પોલીસ સ્ટેશનમાં નિતિન અને મનસુખ સામે ફરિયાદ નોંધાવી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..