પ્રેમમાં અંધ બનેલી બેવફા પત્નીએ પતિને રસ્તામાંથી હટાવી દેવા નશાની ગોળીઓ ખવડાવી પછી પ્રેમીને બોલાવીને હત્યા કરી નાખી

બિહારના અરરિયા જિલ્લાના મહલગામના ચૈનપુર ગામમાં બેવફા પત્નીએ તેના પ્રેમી સાથે મળીને 5 ઓગસ્ટે પતિની હત્યા કરી હતી અને લાશને દફનાવીને ઘટના સ્થળેથી ફરાર થઈ હતી. પોલીસે આ મામલે હત્યાની આરોપી બેવફા પત્ની શમાને તેના પ્રેમી એબાદુલ્લાહ ઉર્ફ મુન્ના સાથે ઝડપી પાડી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

શું હતો હત્યાકાંડનો મામલો
વાત એવી છે કે, ચૈનપુર ગામમાં પાંચમી ઓગસ્ટની રાતે પત્ની શમાએ તેના પ્રેમી એબાદુલ્લાહ ઉર્ફ મુન્ના સાથે મળીને તેના 35 વર્ષીય પતિ નૌશાદ આલમની હત્યા કરી હતી. ગામના યુવક સાથે જ પત્નીનો પ્રેમ સંબંધ હતો. જ્યારે ગામના લોકોને વાતની ખબર પડી તો મામલો ઉકેલવા માટે પંચાયત બોલાવવામાં આવી.

પંચાયતમાં સ્થાનિક સરપંચ સહિત ગામના લોકોએ પંચાયતની વાત માનીને આ મામલાને રફા દફા કરવા માટે હત્યા બદલ દંડની રકમ નક્કી કરી. પરંતુ દંડની રકમ ભરવામાં ન આવતા મૃતકની મા બીબી શાબરાએ પોતાની વહુ સહિત અન્ય સાત લોકો સામે ફરિયાદ નોંધાવી. મૃતકની માએ તેની વહુ શમાની સાથે તેના પ્રેમી એબાદુલ્લાહ સહિત સાત લોકો સામે ફરિયાદ નોંધાવી હતી. ફરિયાદ દાખલ થયા બાદ પોલીસે મૃતદેહ કબજે કર્યો અને પછી પોસ્ટમોર્ટમ માટે મોકલી દીધો.

પોસ્ટમોર્ટમમાં ગળાનું હાડકુ તૂટવાનો રિપોર્ટ
આ મામલે એસડીપીઓ પુષ્કર કુમારે જણાવ્યું કે, ઘટનાની જાણ થયા બાદ મૃતદેહને કબરમાંથી બહાર કાઢવામાં આવ્યો અને પછી પોસ્ટમોર્ટમ કરવામાં આવ્યું. પોસ્ટમોર્ટમ રિપોર્ટમાં સામે આવ્યું કે, હત્યાનો પ્રયાસ કરવા સમયે ગળાનુ હાડકુ તૂટી ગયુ હતું. એ પછી પોલીસે મૃતદેહને પરિવારજનોને સોંપ્યો.

પ્રેમ સિવાય જમીન પણ હતુ હત્યાનું કારણ
એસડીઓપી પુષ્કરે ઘટનાનો ખુલાસો કરતા કહ્યું કે, હત્યા પાછળ ગેરકાયદેસર પ્રેમ સંબંધ જવાબદાર છે. સાથે જ 55 ડિસમિલ જમીનનો પણ વિવાદ હતો. મૃતક નૌશાદે તેની પત્નીને 55 ડિસમિલ જમીન પોતાના બે દીકરાના ઉછેર માટે આપવાની હતી અને તે જમીન આપવામાં આવી નહોતી. જેના કારણે પ્રેમીની સાથે મળીને પત્નીએ યોજનાબદ્ધ કાવતરૂ રચીને હત્યાને અંજામ આપ્યો.

હત્યા પહેલાં મૃતકને ખવડાવી હતી નશાની ગોળીઓ
નૌશાદ આલમની હત્યા પહેલા તેની પત્ની શમાએ તેને નશાની ગોળીઓ ખવડાવી હતી. જે બાદ તે સેન્સલેસ થઈ ગયો. એ પછી પત્નીએ તેના પ્રેમીને ફોન કરીને બોલાવ્યો અને પછી હત્યા કરી નાખી. આ કબૂલાત આરોપીઓએ પોલીસ સમક્ષ કરી હતી. જો કે, હાલ તો પોલીસે આરોપી પત્ની અને તેના પ્રેમીને ઝડપી પાડી વધુ તપાસ હાથ ધરી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..