કોરોનાથી દીકરાનું મોત થતાં સાસરિયાઓએ રિવાજોને નેવે મુકી વિધવા વહુના બીજા લગ્ન કરાવીને સમાજ માટે ઉદાહરણ પૂરુ પાડ્યું

મધ્ય પ્રદેશના શિવપુરી જિલ્લામાં એક પરિવારે સામાજિક પરંપરાઓની સાંકળ તોડીને સુધરતા સમાજનું ઉદાહરણ પૂરુ પાડ્યું છે. પરિવારે એક વર્ષની પૌત્રીને એના પહેલા જન્મદિવસે ગિફ્ટ અદભૂત ભેટ આપી છે. બાળકી જ્યારે પાંચ મહિનાની હતી ત્યારે કોરોનાને લીધે એના પિતાનું નિધન થયું હતું. વહુ અને દીકરી સામે આખુ જીવન પડ્યું હતું. પરિવારને ચિંતા કોરી રહી હતી કે એમની કાળજી કોણ લેશે. સાથે-સાથે સાસુ સસરા નહોતા ઇચ્છતા કે વિધવા વહુ એમનાથી દૂર જાય. આથી તેમણે વહુને પોતાના બીજા પુત્ર સાથે પરણાવી દેવાનો નિર્ણય લીધો.

આ કહાણી મધ્ય પ્રદેશના શિવપુરી ખાતે રહેતા એક પરિવારની છે. જેમના મોટા પુત્રના લગ્ન 2018માં થયા હતા અને 2020ના અંતમાં વહુએ પૌત્રીને જન્મ આપ્યો હતો. પરંતુ એપ્રિલ 2021માં કોરોનાને લીધે મોટા દીકરાનું નિધન થયું હતું. જે પછી તેમને પૌત્રી અને વિધવા વહુની ચિંતા કોરી ખાતી હતી.

દીકરાની મોતથી એની પત્નીની સ્થિતિ પણ ખરાબ બની ચૂકી હતી. પરિવાર નહોતો ઇચ્છતો કે વિધવા વહુ અને પૌત્રી એમનાથી દૂર જાય આથી તેમણે પરિવારના નાના દીકરા સાથે વિધવા વહુના લગ્ન કરાવી દેવાનો નિર્ણય કર્યો. આ મુદ્દે ઘરના બધા સભ્યો મળીને ચર્ચા કરી અને લગ્ન માટે તૈયાર થયા. આ મુદ્દે વિધવા વહુ અને એના દિયરે પણ લગ્ન માટે હા પાડી હતી.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..