સુરેન્દ્રનગરમાં એન્કાઉન્ટર કરનાર PSI કોણ છે? ચારેય બાજુ થઈ રહી છે બહાદુરીની ચર્ચા, જાણો વિગતે..

રાજ્યના સુરેન્દ્રનગર જિલ્લાના માલવણ નજીક પોલીસ એન્કાઉન્ટરમાં ગેડિયા ગેંગના વોન્ટેડ આરોપી મુન્નો અને તેના પુત્ર મદીનનું મોત થયું છે. મળતી માહિતી અનુસાર, સુરેન્દ્રનગર જિલ્લાની માલવણ ચોકડી નજીક પોલીસ પેટ્રોલિંગ કરી રહી હતી. દરમિયાન વોન્ટેડ હનીફ ખાન ઉર્ફે કાળો મુન્નો અને તેના પુત્ર મદીને પોલીસ પર હુમલો કરી ભાગવાનો પ્રયાસ કર્યો હતો. દરમિયાન પોલીસ દ્વારા કરવામાં આવેલા ફાયરિંગમાં હનીફ ખાન ઉર્ફે કાળો મુન્નો અને તેના પુત્ર મદીનનું મોત થયું હતું.

બંને મૃતક લૂંટ માટે કુખ્યાત ગેડિયા ગેંગના સભ્યો હોવાનું જાણવા મળ્યું છે. ઉલ્લેખનીય છે કે આરોપી હનીફ ખાન સામે અત્યાર સુધીમાં કુલ 86 જેટલા ગુના નોંધાયા હતા, જેમાંથી તે 59 ગુનામાં પોલીસના હાથે પકડાયો જ નહોતો! પોલીસે બંનેના મૃતદેહનો કબજો લઇ કાયદેસરની કાર્યવાહી શરૂ કરી છે. એક ન્યૂઝ વેબસાઈટના જણાવ્યા મુજબ, માલવણના PSI વી.એન. જાડેજા અને તેમની ટીમ આરોપીને પકડવા ગેડિયા ગામ ગઈ હતી. જ્યાં આ ઘટના બની હતી. પોલીસ ટીમ ત્યાં પહોંચતા જ હનીફ ખાને ત્રણ રાઉન્ડ ફાયરિંગ PSI જાડેજા ઉપર કર્યા હતા. બાદમાં PSIએ પોતાની સર્વિસ રિવોલ્વરમાંથી સ્વબચાવમાં ફાયરિંગ કરતા પિતા હનીફ અને પુત્ર મદિનને ગોળીઓ વાગતા ઘટનાસ્થળે જ તેમનું મોત નીપજ્યું હતું.

કોણ છે PSI વી.એન. જાડેજા?
એક સ્થાનિક ન્યૂઝ વેબસાઈટના જણાવ્યા મુજબ, PSI વી.એન. જાડેજાનું પુરૂ નામ વિરેન્દ્રસિંહ નવલસિંહ જાડેજા છે. તેઓ વર્ષ 2017ની બેચના PSI છે. તેઓનું મૂળ વતન કચ્છ છે અને તેમની ઉંમર 34 વર્ષ છે. અત્યાર સુધીમાં તેઓ ગાંધીનગર જિલ્લામાં ગાંધીનગર RR સેલમાં ફરજ બજાવી ચૂક્યા છે. સુરેન્દ્રનગર જિલ્લામાં પહેલા તેમણે સીટી A ડિવિઝન પોલીસ સ્ટેશનમાં ફરજ બજાવી હતી. આજે રાજ્યભરમાં તેમની બહાદુરીની ચર્ચા થઈ રહી છે. લોકો તેમની બહાદુરીના વખાણ કરી રહ્યા છે, કેટલાંક લોકો દ્વારા PSI જાડેજાના સમર્થનમાં પોસ્ટરો તૈયાર કરી શેર કરી રહ્યા છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..