જો તમારા હાથ અથવા પગમાં વારંવાર ખાલી ચઢી જતી હોય તો આ અચૂક વાંચજો અને શેર કરજો

આપણે ઘણીવખત એક જ સ્થિતિમાં બેસી રહીએ તો હાથ અથવા પગમાં ખાલી ચઢી જતી હોય છે. જ્યારે-જ્યારે શરીરના કોઈ ભાગમાં ખાલી ચઢી જાય તો એવું લાગતું હોય છે કે જાણે શરીરનું તે અંગ સુન્ન પડી ગયું છે. હાથ અથવા પગમાં ખાલી ચઢી જાય ત્યારે એવો અનુભવ થાય છે કે જાણે આપણા હાથ અને પગ છે જ નહીં.

થોડો સમય હાથ અને પગ ફેરવ્યા બાદ ત્યાંથી ખાલી ઓછી થાય છે. તો ચાલો જાણીએ શરીરમાં ખાલી કેમ ચઢી જાય છે. વ્યક્તિ એક જ સ્થિતિમાં વધુ વખત બેસી રહે તો તેની અમુક નસો દબાઈ જતી હોય છે તેના કારણે હાથ અથવા પગમાં યોગ્ય માત્રામાં ઓક્સિજન મળી શકતો નથી. ઓક્સિજનના અભાવના કારણે હાથ અથવા પગમાં ખાલી ચઢી જાય છે.

જેના કારણે શરીરનું તે અંગ કોઈ કાર્ય કરી શકતું નથી. જો હાથ અથવા પગમાં વધુ ખાલી ચઢી હોય તો ડૉક્ટરની સલાહ લેવી જરૂરી છે.
જો વ્યક્તિના બંને હાથમાં ખાલી ચઢી જતી હોય તો તેના શરીરમાં વિટામિન B12ની ઉણપ હોઈ શકે છે. આ સિવાય ડાયાબિટીસનો રોગ હોય, અથવા તો વધારે પડતું સ્મોકિંગ અને દારૂ પીવાની આદતના કારણે પણ શરીરમાં ખાલી ચઢી જાય છે.

જો તમે આખો દિવસ કોમ્પ્યુટર સ્ક્રીનની સામે બેસી રહો છો અથવા તો પછી સતત બેઠા-બેઠા ટાઈપિંગ કરો છો તો આંગળીની નસ દબાવાના કારણે હાથમાં ખાલી ચઢી જતી હોય છે. આ માટે કાર્ય કરતી વખતે થોડા-થોડા સમયે બ્રેક લેવો ખૂબ જ જરૂરી છે.

જો તમને શરીરમાં નબળાઈનો અનુભવ થતો હોય અને વધારે પ્રમાણમાં ખાલી ચઢી જતી હોય અને તે સાથે જો આસપાસની બધી વસ્તુ ડબલ દેખાતી હોય તો તમને મલ્ટિપલ સ્ક્લેરોસિસ (Multiple sclerosis) હોઈ શકે છે. MRIની તપાસથી આ બીમારીને જાણી શકાય છે અને તેનો ઈલાજ પણ કરી શકાય છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..