દેવઉઠી અગિયારસ, શું છે તુલસી વિવાહની પરંપરા, કેવી રીતે કરવી માંગલિક કાર્યની શરૂઆત, જાણો અને શેર કરો

કારતક મહિનાના સુદ પક્ષની અગિયારસને લોકો દેવઉઠની એકાદશીના નામથી ઓળખે છે. માન્યતા છે કે, ક્ષીર સાગરમાં ચાર મહિનાની યોગનિદ્રા બાદ ભગવાન વિષ્ણુજી આ દિવસે જાગે છે. કારતક મહિનાના સુદ પક્ષની અગિયારસ એટલે દેવઉઠની અથવા દેવોત્થાન એકાદશીએ શ્રીવિષ્ણુજીની વિધિ-વિધાન સાથે પૂજા કરવામાં આવે છે.

આ પર્વ કઇ રીતે શરૂ થયોઃ-

ધર્મગ્રંથો પ્રમાણે ભાદરવા મહિનાની સુદ પક્ષની એકાદશીએ ભગવાન વિષ્ણુએ દૈત્ય શંખાસુરને માર્યો હતો. ભગવાન વિષ્ણુ અને દૈત્ય શંખાસુર વચ્ચે યુદ્ધ લાંબા સમય સુધી ચાલ્યું હતું. યુદ્ધ સમાપ્ત થયા બાદ ભગવાન વિષ્ણુ ખૂબ જ થાકી ગયાં હતાં. ત્યારે તેઓ ક્ષીરસાગરમાં આવીને સૂઇ ગયાં અને કારતક મહિનાના સુદ પક્ષની એકાદશીએ જાગ્યાં હતાં. ત્યારે બધા દેવી-દેવતાઓ દ્વારા ભગવાન વિષ્ણુજીનું પૂજન કરવામાં આવ્યું હતું. આ કારણે કારતક મહિનાના સુદ પક્ષની આ એકાદશીને દેવપ્રબોધિની એકાદશી કહેવામાં આવે છે.

તુલસી વિવાહની પરંપરાઃ-
આ દિવસે તુલસી વિવાહની પણ પરંપરા છે. ભગવાન શાલિગ્રામ સાથે તુલસીજીના લગ્ન થાય છે. તેની પાછળ એક પૌરાણિક કથા છે, જેમાં જાલંધર(શંખચૂડ)ને હરાવીને ભગવાન વિષ્ણુએ વૃંદા(તુલસી) નામની વિષ્ણુ ભક્ત સાથે છળ કર્યું હતું. ત્યાર બાદ વૃંદાએ વિષ્ણુજીને શ્રાપ આપીને પત્થર બનાવી દીધા હતાં, પરંતુ લક્ષ્મી માતાની વિનંતી બાદ તેમને ફરી મૂળ સ્વરૂપે લાવીને સતી થઇ ગયાં હતાં. તેમની રાખથી જ તુલસીના છોડનો જન્મ થયો અને તેમની સાથે શાલિગ્રામના લગ્નનું ચલણ શરૂ થયું.

પૂજાનો વિશેષ લાભઃ-
દેવશયની એકાદશી બાદથી બધા જ શુભ કાર્ય બંધ થઇ જાય છે. જે દેવઉઠની એકાદશીથી ફરી શરૂ થાય છે. આ ચાર મહિના દરમિયાન જ દિવાળી ઉજવવામાં આવે છે, જેમાં ભગવાન વિષ્ણુ વિના જ માતા લક્ષ્મીજીની પૂજા કરવામાં આવે છે. પરંતુ દેવઉઠની એકાદશીએ ભગવાન વિષ્ણુજીના જાગ્યા બાદ દેવી-દેવતા ભગવાન વિષ્ણુ અને માતા લક્ષ્મીની એકસાથે પૂજા કરીને દેવ દિવાળી ઉજવવામાં આવે છે. દેવઉઠની એકાદશીના દિવસે ભગવાન વિષ્ણુજીની પજા કરવાથી પરિવાર ઉપર ભગવાનની વિશેષ કૃપા બની રહે છે. તેની સાથે જ, માતા લક્ષ્મી ઘર પર હંમેશાં ધન, સંપદા અને વૈભવની વર્ષા કરે છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..