વલસાડના ભિલાડ નજીક ભયંકર ટ્રિપલ અકસ્માત, બસ, ટ્રક અને ટેમ્પો વચ્ચે અકસ્માત સર્જાતા પતિ-પત્ની સહિત 3ના પ્રાણપંખેરૂં ઉડી ગયા

વલસાડના ભિલાડ નજીક ટ્રિપલ અકસ્માતની ઘટના સામે આવી છે. જેમાં પતિ-પત્ની સહિતના 3 લોકોના કમકમાટીભર્યા મોત થયા છે, જ્યારે 4 ઈજાગ્રસ્ત થયા હોવાની માહિતી મળી છે. અકસ્માતમાં મૃત્યુ પામનારાઓમાં ભાજપના અગ્રણી નેતા અને તેમના પત્ની હોવાનું સામે આવ્યું છે. બનાવની જાણ થતાં આસપાસના લોકો તેમજ પોલીસ ઘટનાસ્થળે દોડી આવી હતી અને બચાવ કામગીરી હાથ ધરવામાં આવી હતી. પોલીસે મૃતદેહોને પોસ્ટમોર્ટમ માટે તેમજ ઘાયલોને હોસ્પિટલ ખસેડીને આગળની કાર્યવાહી હાથ ધરી છે.

પ્રાપ્ત અહેવાલો અનુસાર અમદાવાદ-મુંબઈ નેશનલ હાઈવે પર વલસાડના ભિલાડ નજીક બસ, ટ્રક અને ટેમ્પો વચ્ચે ટ્રિપલ અકસ્માત સર્જાયો હતો, જેમાં ત્રણ લોકોનાં મોત થયાં છે. ભિલાડ નજીક કનાડુ ગામના દંપતી સહિત 3 લોકોના મોત થયા છે, જ્યારે 4થી વધુ લોકો ઈજાગ્રસ્ત થયા છે. તપાસ દરમિયાન મૃતક દંપતી કનાડુ ગામના ભાજપના અગ્રણી મુકેશભાઈ અને તેમની પત્ની હોવાનું સામે આવ્યું છે. તેઓ પત્ની સાથે પરત ઘરે ફરી રહ્યા હતા ત્યારે રસ્તામાં અકસ્માત નડ્યો હતો.

ગમખ્વાર અકસ્માતમાં મૃત્યુ પામનારા મુકેશભાઈ કનાડુ ગામના રહેવાસી છે અને ભાજપના અગ્રણી છે. તેઓ ઉમરગામ તાલુકા પંચાયતના સભ્ય અને કનાડુ બેઠકના સભ્ય હતા. મુકેશભાઈ પોતાની પત્ની સાથે પરત ફરી રહ્યા હતા ત્યારે ત્રિપલ અકસ્માતમાં બંનેના ઘટનાસ્થળે જ મોત નીપજ્યા હતા. આ ઉપરાંત અન્ય એક વ્યક્તિનું મોત થતાં પરિવારમાં શોકનું મોજું ફરી વળ્યું છે. બનાવને પગલે સ્થાનિકો તાત્કાલિક દોડી આવ્યા હતા. બનાવને પગલે ટ્રાફિકજામ પણ સર્જાયો હતો.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..