અમદાવાદમાં ડોસાએ ત્રણ વર્ષની બાળકી સાથે દુષ્કર્મ આચર્યું, રમાડવાના બહાને ઘરે લઈ ગયો અને પીંખી નાખી

અમદાવાદ શહેરના વાડજ પોલીસ સ્ટેશન વિસ્તારમાં વૃદ્ધે બાળકી સાથે દુષ્કર્મ આચર્યું હોવાની ઘટના સામે આવી છે. મીડિયા રિપોર્ટ મુજબ એક આધેડે પૌત્રી સમાન બાળકી સાથે દુષ્કર્મ આચર્યુ હોવાનો બનાવ બનતા પોલીસ દોડતી થઈ હતી. બાળકીને રમાડવાના બહાને વૃદ્ધ તેને ઘરે લઈ ગયો હતો અને દુષ્કર્મ આચર્યું હતું અને ત્યારબાદ તે ફરાર થઈ ગયો હતો. જો કે, પોલીસે વૃદ્ધને ગણતરીના કલાકોમાં રેલવે સ્ટેશનથી ઝડપીને કાચદેસરની કાર્યવાહી હાથ ધરી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

મીડિયા રિપોર્ટ મુજબ બનાવની જાણ થતાં વાડજ પોલીસે ફરાર આરોપીને પકડવા સહિતની તજવીજ હાથ ધરી હતી. દરમિયાન પોલીસે આરોપી આધેડ રામશરણ ચૌહાણની ગણતરીના કલાકોમાં જ ઝડપી પાડ્યો હતો. બાળકીની હાલત જોઈને માતા-પિતાને તેની સાથે દુષ્કર્મ થયું હોવાની જાણ થઈ હતી. ત્યારબાદ પરિવાર બાળકીને લઇ પોલીસ સ્ટેશન પહોંચ્યો હતો. ત્યારે પોલીસે ગુનો દાખલ કરીને અલગ અલગ ટીમ બનાવી આરોપીની શોધખોળ હાથ ધરી હતી.

પોલીસે અલગ-અલગ ટીમ બનાવી આરોપીને ઝડપી પાડ્યો
વાડજ પોલીસ સ્ટેશનના એક અધિકારીના જણાવ્યા અનુસાર બનાવ અંગે અલગ-અલગ ટીમો બનાવીને આધેડની શોધખોળ શરૂ કરવામાં આવી હતી. દરમિયાન આધેડ રેલવે સ્ટેશન હોવાની બાતમી મળતા પોલીસે આરોપી વતન જાય તે પહેલા જ તેણે ઝડપીને કસ્ટડીમાં લીધો હતો. તપાસ દરમિયાન આરોપી રામશરણ ચૌહાણ મૂળ ઉત્તરપ્રદેશ રહેવાસી છે અને તેના પરિવારમાં પત્ની અને બે દીકરીઓ છે.

ધરપકડ બાદ રિમાન્ડ સહિતની તજવીજ હાથ ધરી
પોલીસ સૂત્રો પાસેથી પ્રાપ્ત માહિતી પ્રમાણે આરોપી રોજગારી માટે અમદાવાદ આવ્યો હતો અને વાડજ વિસ્તારમાં રહીને છૂટક મજૂરી કરતો હતો. દરમિયાન પાડોશી સાથે સંપર્કમાં આવ્યો હતો અને એક દિવસ બાળકીને રમાડવાના બહાને ઘરે લઈ જઈ તેની સાથે ગંદુ કામ કર્યું હતું. હાલ પોલીસે આરોપીની ધરપકડ કરીને રિમાન્ડ મેળવવા માટેની કાર્યવાહી હાથ ધરી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..