સુરતમાં 11 વર્ષની વિદ્યાર્થિનીને અડપલા કરનારા શિક્ષક વિરુદ્ધ પોલીસ ફરિયાદ, સગીરાએ સ્કૂલ જવાનો ઈન્કાર કરતા શિક્ષકની કરતૂતનો પર્દાફાશ થયો

સુરત શહેરના (Surat) કાપોદ્રા વિસ્તારમાં આવેલી જગદગુરુ શ્રી વલ્લભાચાર્ય શાળાના શિક્ષકે (teacher tease girl student in classroom) ૧૧ વર્ષની વિદ્યાર્થિનીની છેડતી કરી હોવાનો કિસ્સો પ્રકાશમાં આવતાં હોબાળો મચ્યો છે. વિદ્યાર્થીની ક્લાસમાં અભ્યાસ કરતી હતી ત્યારે વર્ગ શિક્ષકે આવીને સગીરના (minor girl) વક્ષસ્થળ અને સાથળ અને પીઠના ભાગે હાથ ફેરવી છેલ્લાં એક મહિનાથી રોજ છેડતી કરતો હોવાના ગંભીર આક્ષેપ લાગ્યા છે. જેના પગલે દોડતી થયેલી કાપોદ્રા પોલીસે (Kapodra Police station) આ શિક્ષક વિરુદ્ધ ગુનો નોંધીને તેની ધરપકડ કરી હતી.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

શિક્ષકની ધરપકડ થઇ
આપણને પહેલાથી જ શિખવવામાં આવે છે કે, શિક્ષકને ભગવાનના સ્થાને મૂકવામાં આવે. પરંતુ શહેરના એ.કે.રોડ ઉપર આવેલી એક શાળામાં વર્ગ શિક્ષક દ્વારા કરવામાં આવેલી હરકતે આ શિષ્ય અને ગુરૂના પવિત્ર સંબંધ ઉપર લાંછન લગાવ્યું છે. ધોરણ સાતમાં અભ્યાસ કરતી વિદ્યાર્થીનીની તેના શિક્ષકે છેડતી કરતા કાપોદ્રા પોલીસે ફરિયાદ દાખલ કરી તેની ધરપકડ કરી હતી.

સગીરાએ દાદીને કરી હતી વાત
કાપોદ્રા એ.કે.રોડ પર આવેલી જગદ્ગુરુ વલ્લભાચાર્ય વિદ્યાધામ સ્કૂલમાં અભ્યાસ કરતી ૧૧ વર્ષીય વિદ્યાર્થિનીએ એક મહિના પહેલાં શાળાએ જવાનો ઇન્કાર કરતી હતી, ત્યારે દાદીએ પૂછપરછ કરી હતી. તે વખતે તેણે વર્ગ શિક્ષક નિરવ વૈષ્ણવ સામે ગંભીર આક્ષેપો કર્યા હતા. ચાલુ ક્લાસ દરમ્યાન આ શિક્ષક તેની પાસે આવતો હતો અને વક્ષસ્થળ, પાછળ અને સાથળના ભાગે હાથ ફેરવતો હોવાનું જણાવ્યું હતું. પૌત્રી કદાચ શાળામાં જવાનો કંટાળો કરતી હોવાની શંકામાં દાદીએ ધ્યાન આપ્યું ન હતું.

પિતાને વાત કરતા પોલીસ ફરિયાદ કરી
જોકે, થોડાંક દિવસ બાદ પરત આ જ સમસ્યા પૌત્રીએ જણાવી હતી, પરંતુ દાદી વતન શ્રાદ્ધની વિધિમાં હાજરી આપવા રાજકોટ ગઇ તે દરમ્યાન મંગળવારે ફરી આ તરુણી સાથે શિક્ષકે બદઇરાદે અશ્લીલ હરકત કરતાં ડરી ગયેલી આ તક્ષ્ણીએ ઘરે જઇ પિતાને સઘળી વાત કરી દીધી હતી. પૌત્રી સાથે વર્ગ શિક્ષક દ્વારા કરાઈ રહેલી છેડતીને લઇને બુધવારે દાદી શાળામાં દોડી આવી હતી અને શાળાના આચાર્યને સમગ્ર વાત કરતાં કાપોદ્રા પોલીસને જાણ કરાઇ હતી.

કાપોદ્રા પોલીસ મથકમાં પીડીતા વિદ્યાર્થિની ચાઇલ્ડ વેલ્ફર અધિકારીની હાજરીમાં આ શિક્ષકની હરકતોનો પર્દાફાશ કરી તેની હરકતોનો ભાંડાફોડ કર્યો હતો. જેથી પોલીસે આ શિક્ષક વિરુદ્ધ પોસ્કોની કલમ હેઠળ ગુનો નોંધી ધરપકડ કરી હતી.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..