સૂરજ ભુવાજી પર લાગ્યો દુષ્કર્મ અને ગર્ભપાત કરાવવાનો આરોપ, યુવતીએ દવા પીને કર્યો આપઘાતનો પ્રયાસ

તાજેતરમાં જ અ થર્સ ડે (thursday) કરીને એક ફિલ્મ આવી છે. જેમાં યામી ગૌતમ (Yami Gautam) લીડ રોલમાં જોવા મળી રહી છે. ફિલ્મ ની શરૂઆતમાં યામી ગૌતમ ને એક ટીચર તરીકે દર્શાવવામાં આવી છે. ટીચર (teacher) તરીકે દર્શાવવામાં આવેલી યામી ગૌતમ 16 જેટલા બાળકોને કિડનેપ કરે છે. ત્યાર બાદ ફિલ્મની કહાની (filmy story) શરૂ થાય છે. ફિલ્મના અંત સુધીમાં દર્શકો સુધી એક સંદેશ પહોંચે છે કે કઇ રીતે આપણા દેશમાં અનેક બળાત્કાર પીડિત બાળકી, યુવતી, મહિલાઓને ન્યાય નથી મળી રહ્યો. ત્યારે ન્યાય મેળવવા માટે પીડિતોને અનેક પાપડ વણવા પડે છે. ત્યારે આજ પ્રકારની સામ્યતા ધરાવતો કિસ્સો સામે આવ્યો છે. રાજકોટ શહેરમાં એક અજીબોગરીબ ચોંકાવનારો (Rajkot OMG case) કિસ્સો સામે આવ્યો છે. રાજકોટ શહેરના (Rajkot news) મહિલા પોલીસ સ્ટેશનને પહોંચી એક મહિલાએ ઝેરી દવા પી આપઘાતનો પ્રયાસ કર્યો હોવાનું સામે આવ્યું છે.

યુવતી દ્વારા ઝેરી દવા પી આપઘાતનો પ્રયાસ કરવામાં આવતા યુવતીને તાત્કાલિક અસરથી સારવાર માટે સિવિલ હોસ્પિટલ (civil hospital) ખાતે ખસેડવામાં આવી છે.

પ્રાપ્ત માહિતી અનુસાર સોશિયલ મીડિયામાં સુસાઈડ નોટ પણ મૂકી છે. યુવતીએ મુકેલી સુસાઈડ નોટમાં સુરજ સોલંકી નામના ભુવાએ તેને ગર્ભવતી બનાવી ગર્ભપાત કરાવ્યો હોવાનું ઉલ્લેખ કર્યો છે.

તો સાથે જ સુરજ સોલંકીના બે મિત્રો સંજય અને ગુંજન જોશી તેને વારંવાર પરેશાન કરતા હોવાનો પણ ઉલ્લેખ સુસાઇડ નોટમાં જોવા મળી રહ્યો છે. સુસાઈડ નોટમાં સંજય સોહલિયાએ અમદાવાદ આશ્રમ રોડ પર સર્કલ નજીક ગાડીમાં બેસાડી મારી ગાડીમાંથી ફેંકી દીધા હોવાનું પણ ઉલ્લેખ જોવા મળી રહ્યો છે.

ઉલ્લેખનીય છે કે સુરજ ભુવાજી મા મસાણી મેલડીના હોવાનો સમાજમાં દાવો કરે છે. સોશિયલ મીડિયામાં પણ તે મોટા પ્રમાણમાં એક્ટિવ જોવા મળે છે. તો સાથે જ અનેક સંતો-મહંતો સાથે તેના બેસણા હોવાનું પણ સોશિયલ મીડિયાના માધ્યમથી ફલિત થાય છે.

સોશિયલ મીડિયામાં પોતે કાચની પથારી પર સુતા હોવાના વીડિયો પણ દર્શાવવામાં આવી રહ્યા છે. ત્યારે હાલ તો પીડિત યુવતીને સારવાર અર્થે રાજકોટ શહેરની સિવિલ હોસ્પિટલ ખાતે ખસેડવામાં આવી છે.

મહિલા પોલીસ દ્વારા તેનું નિવેદન નોંધી આગળની કાર્યવાહી હાથ ધરવામાં આવી છે. ત્યારે આગામી સમયમાં સુરજ ભુવાજી અને તેના મિત્રો વિરુદ્ધ કયા પ્રકારનો ગુનો દાખલ કરવામાં આવે છે. તેમજ ક્યારે તમામ શખ્સોની ધરપકડ થાય છે તે જોવું અતિ મહત્ત્વનું બની રહેશે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..