28 વર્ષની સ્નેહા શર્મા છે દેશની સૌથી ઝડપી મોટર રેસર, સાથે એરલાઇન્સની પાઈલટ પણ છે

સ્નેહા શર્માને ભારતની સૌથી ઝડપી મહિલા મોટર રેસર માનવામાં આવે છે. સ્નેહાએ ગત મહિને મલેશિયામાં યોજાયેલી લેડિસ કપ ઇન્ટરનેશલ સીરિઝમાં બીજા ક્રમે આવી હતી. સ્નેહાનો આ ઇન્ટરનેશનલ લેવર પર પહેલો મેડલ છે. ટુર્નામેન્ટમાં રમનારી તે એકમાત્ર ભારતીય ખેલાડી હતી. 28 વર્ષની સ્નેહા રેસિંગ સિવાય ઈન્ડિગો એરલાઇન્સમાં પણ પાઈલટ છે. તે મહિનાના પંદર દિવસ ગાડી ચલાવે છે અને 15 દિવસ પ્લેન ચલાવે છે. સ્નેહાએ કહ્યું કે તે મલેશિયામાં યોજાનારી ઇન્ટરનેશનલ ઇવેન્ટ પહેલાં પ્રેક્ટિસ કરી શકી ન હતી. તેમણે રવિવારે મુબઇ-પૂણે રેલી ટૂ ધ વેલીમાં ભાગ લીધો. તે 14 એપ્રિલે ઇન્ટરનેશનલ સીરિઝના બીજા રાઉન્ડમાં ઉતરશે.

સ્નેહાએ જુનિયર કેટેગરીમાં ઘણી રેસ જીતી છે

મુંબઇમાં રહેનારી સ્નેહાએ 2004થી ગો-કાર્ટ રેસમાં ભાગ લેવાનું શરૂ કર્યું હતું. તે સ્કૂલ પછી આખો સમય આમાં પસાર કરે છે. સ્નેહા કહે છે કે જ્યારે તે 10માં ધોરણમાં હતી, ત્યારે નેશનલ ચેમ્પિયનશિપના બે રેસરોને પ્રેક્ટિસ કરતાં જોયા. મેં તે રેસર પાસેથી ટ્રેનિંગ લેવાની શરૂઆત કરી અને પોતાની પોકેટ મનીના રૂપિયા તેમને આપ્યા. અહીં રેસિંગ સ્કિલ્સની સાથે બ્રેકિંગ સ્કિલ્સ પણ શીખી. હું કલાકો સુધી ટ્રેક પર પ્રેક્ટિસ કરતી હતી. આ પછી સ્નેહાએ નાની-નાની ચેમ્પિયનશિપમાં ઉતરવાનું શરૂ કર્યું.

એક રેસ દરમિયાન પૂર્વ રેસર રાયોમંડે સ્નેહાની રેસિંગ કરાને જોઇને તેમને નેશનલ કર્ટિંગ ચેમ્પિયનશિપમાં ઉતરવા વિષે કહ્યું હતું. આ વચ્ચે પાઈલટના કોર્સ માટે તે 11 મહિના માટે અમેરિકા જતી રહી. સ્નેહાએ કહ્યું ‘જ્યારે હું 17 વર્ષની હતી, ત્યારે ફ્લાઇંગ કોર્સ માટે કેલેફોર્નિયા જતી રહી. આ પછી મેં વિચાર્યું કે મારું સ્પોર્ટિંગ કરિયર પૂર્ણ થઇ જશે. ત્યારે મેં વિચાર્યું ન હતું કે હું અહીં સુધી પહોંચી શકીશ. પરંતુ હું રેસિંગમાં પરત આવવા માંગતી હતી. નોકરી પછી સ્નેહાએ ફરીથી રેસિંગની શરૂઆત કરી.

2009માં સ્નેહા નેશનલ કર્ટિંગ ચેમ્પિયનશિપમાં રનર્સ અપ રહી. આ પછી સ્નેહા સિંગલ રેસમાં રમવા લાગી. 2010માં તે નેશનલ કાર રેસિંગમાં ઉતરી અને ટોપ-5માં રહી. 2014માં મોટી ટુર્નામેન્ટમાં ઉતરવા લાગી. જોબમાંથી મળેલાં રૂપિયા અહીં ખર્ચે છે. ફોર્મ્યૂલા રેસ-3માં પણ ઉતરી.

સ્નાયુની રિકવરી માટે ટ્રેનર રાખ્યા, પછી ઘૂંટણમાં ઇજા પહોંચી હતી

સ્નેહાએ કહ્યું કે ફ્લાઇંગ-રેસિંગની વચ્ચે સંતુલન બનાવવા માટે ઘણી તકલીફ થતી હતી. સ્નાયૂઓ રીકવર થતા ન હતા. આ કારણે મેં એક ટ્રેનર રાખ્યો, પરંતુ તેની ઉંધી અસર થઇ. આ કારણે મારા બંને ઘુંટણો ઇજાગ્રસ્ત થયા હતા. આના પછી મારે ઘણી ફિઝિયોથેરાપી અને રિહેબમાંથી પસાર થવું પડ્યું હતું.

એરબસ 302 ઉડાડવા ગત વર્ષે કમાન મળ‌ી

સ્નેહાએ કહ્યું કે હું 20 વર્ષની ઉંમરથી ઇન્ડિગોમાં શામેલ થઇ. 21 વર્ષની ઉંમરથી એરબસ 320 ઉડાડી રહી છું. મે 2018માં આની પર કમાન મેળવી. એક એરબસની કિંમત લગભગ 700 કરોડ રૂપિયાની છે. એ દુનિયાની સૌથી ઝડપથી વેચાયેલું પ્લેન છે. આ એરબસ ફેમિલીનું બીજું સૌથી મોંઘુ પ્લેન છે.