શું તમને પણ ત્વચા પર ખંજવાળ અને રેશિસ થવાની સમસ્યા છે? તો કરો આ ઘરેલુ ઉપાય અચૂક મળશે રાહત

શરીર પર રેશિસ કોઈપણ ભાગ પર થઈ શકે છે, જેનાથી ત્વચા પર બળતરા અને સોજો આવી શકે છે. કેટલાક રેશિસના કારણે ખંજવાળ, લાલાશ, દુઃખાવો, બળતરા અને ફોલ્લાંઓ પણ થઇ શકે છે. નિષ્ણાતો માને છે કે રેશિસ ઘણી સ્વાસ્થ્ય સમસ્યાઓને કારણે પણ થઇ શકે છે.

કેટલાક ચોક્કસ જીન્સના લોકોને વધુ રેશિસ થવાની સમસ્યાનો સામનો કરવો પડી શકે છે. નિષ્ણાતોના મતે, કેટલાક ઘરેલું ઉપાયો આ સમસ્યાને ઘટાડવામાં ફાયદાકારક હોય છે.

કપૂર અને નાળિયેર તેલ: સ્કિન એક્સપર્ટ્સનું માનવું છે કે એલર્જીને કારણે ત્વચા પર ખૂબ જ ખંજવાળ આવે છે. આવી સ્થિતિમાં, લોકોએ પ્રભાવિત જગ્યાને સ્પર્શ કરવાનું ટાળવું જોઈએ. વળી, કપૂર અને નાળિયેર તેલનો ઉપયોગ પણ ફાયદાકારક છે. તેના ઉપયોગ માટે કપૂર પીસીને નાળિયેર તેલમાં મિક્સ કરો. પછી આ મિશ્રણને એલર્જીવાળી જગ્યા પર લગાવો. આ પેસ્ટ દિવસમાં ઓછામાં ઓછી બે વાર લગાવવી જોઈએ.

એલોવેરા જેલ: ત્વચામાં એલર્જીને કારણે લોકોને ખંજવાળ, ફોલ્લીઓ, બળતરા જેવી સમસ્યાઓ થઈ શકે છે. લોકો આ સમસ્યાઓને દૂર કરવા માટે એલોવેરાનો ઉપયોગ પણ કરી શકે છે. નિષ્ણાતોના મતે, એલોવેરામાં એન્ટી બેક્ટેરિયલ અને એન્ટી ફંગલ ગુણ જોવા મળે છે જે ત્વચાની સમસ્યાઓ દૂર કરે છે.

ફટકડી: ફટકડીમાં હાજર ગુણધર્મો ત્વચાના ફોલ્લીઓ અને ખંજવાળ દૂર કરવામાં મદદ કરે છે. તેનો ઉપયોગ કરવા માટે, ફટકડીને થોડા સમય માટે પાણીમાં રાખો, પછી જ્યાં ખંજવાળ કે સોજો હોય ત્યાં આ મિશ્રણ લગાવો. આ પછી, ફોલ્લીઓના વિસ્તાર પર કપૂર અને સરસવ મિક્સ કરીને લગાવો. તેનાથી ત્વચાની આ સમસ્યા ઓછી થશે.

લીમડાના પાન: લીમડામાં એન્ટિ-બેક્ટેરિયલ, એન્ટી-ફંગલ અને એન્ટી-વાયરલ તત્વો જોવા મળે છે, જે સ્કિન ઇન્ફેક્શનનું જોખમ ઘટાડે છે. ઉપરાંત, લીમડાના પાનમાં રહેલા ગુણધર્મો ત્વચાને ડીપકલીન કરવામાં મદદ કરે છે.

એપલ સાઈડર વિનેગર: એપલ સાઈડર વિનેગર ત્વચાની ગુણવત્તા સુધારવામાં પણ અસરકારક સાબિત થાય છે, તેથી જ તેને એક સ્કિનકૅર એજન્ટ પણ માનવામાં આવે છે. ખંજવાળ અને એલર્જીની અસર ઘટાડવા માટે, એક કપ ગરમ પાણીમાં એક ચમચી એપલ સાઈડર વિનેગર નાખીને લગાવવું જોઈએ અને સુકાયા બાદ ઠંડા પાણીથી ધોઈ લેવું જોઈએ.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..