રાજસ્થાનના ડોક્ટર દંપતિનો ખોવાયો પોપટ, શોધનારને 1 લાખનું ઇનામની કરી જાહેરાત

રાજસ્થાનના સીકરના ડોક્ટર દંપતીનો પોપટ ખોવાયો છે. આ પોપટને શોધી આપનારને એક લાખ રૂપિયા આપવામાં આવશે તેવી જાહેરાત ડોક્ટર તરફથી કરવામાં આવી છે.આ મામલો સીકરનો છે. અને આ પોપટનું નામ ‘કોકો’ છે. નામની જેમ આ પોપટની કિંમત પણ એટલી જ મહત્વની છે. પરિવારના જણાવ્યા અનુસાર કોકોને 2 વર્ષ પહેલા 80 હજાર રૂપિયામાં ખરીદ્યો હતો. માત્ર કિંમત જ નહીં, પણ કોકોના ગુણો પણ આશ્ચર્યજનક છે. ડૉક્ટર દંપતીના જણાવ્યા અનુસાર તેમનો કોકો 5 ડઝનથી વધુ શબ્દો બોલવામાં નિષ્ણાત હતો. આ જ કારણ હતું કે કોકો પરિવાર સાથે એક સભ્યની જેમ ભળી ગયો હતો.

સમાચાર પત્રોમાં કોકોની જાહેરાત 
બે દિવસ પહેલા ડો. વી.કે. જૈન અને તેમની પત્ની ડો. અર્ચનાનો આ પ્રિય કોકો તેમના ઘરેથી ઉડી ગયો હતો એટલે કે લાપતા બન્યો હતો. કોકોના અચાનક ગાયબ થવાથી ડૉક્ટર દંપતીની ઊંઘ હરામ થઈ ગઈ. આખો પરિવાર અને કર્મચારીઓ તેની શોધમાં લાગી ગયા. જો કે તેમ છતાં જ્યારે પોપટની કોઈ ભાળ ના મળી તો તેઓએ સમાચાર પત્રોમાં પોપટ કોકોનો ફોટો છપાવ્યો અને લોકોને માહિતી આપવા જણાવ્યું..લાખો રૂપિયા જાહેરાતો પાછળ ખર્ચ કરવા છતાં પોપટ વિશે કોઈ ખબર ના મળી આખરે ડોક્ટર દંપતીએ પોપટ ગુમના પેમ્ફલેટ છપાવ્યા અને આખા શહેરમાં વિતરણ કરાવ્યા

શોધનારને 1 લાખનું ઈનામ
છેવટે, તેણે પોપટને શોધી કાઢનાર વ્યક્તિને 1 લાખ રૂપિયાનું મોટું ઇનામ આપવાની પણ જાહેરાત કરી. હવે આ કોકો સમગ્ર વિસ્તારમાં ચર્ચાનો વિષય બન્યો છે. જેમ દરેકની જીભ પર કોકો હોય છે.. તેવી જ રીતે આંખ પણ કોકોને શોધતી હોય છે.. ત્યારે જોવું રહ્યું કે આ કોકો નામનો પોપટ કોને મળે છે

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..