લોકડાઉનમાં ઘર કંકાસનો કિસ્સો આવ્યો સામે: જમવા બાબતે પતિ-પત્ની વચ્ચે ઝઘડો થતાં માતાએ બે બાળકોને કૂવામાં ફેંકી દીધા

લોકડાઉનને કારણે લોકો ઘરમાં બંધ છે. અને રોજનું કમાતાં લોકોને કોઈ કમાણી ન હોવાથી ઘરમાં અવારનવાર કંકાસના કિસ્સાઓ બહાર આવી રહ્યા છે. તેવામાં હાલોલમાંથી એક ચોંકાવનારો કિસ્સો સામે આવ્યો છે. હાલોલ તાલુકાના રાયણવાડીયા ગામમાં પતિ-પત્ની વચ્ચે જમવા બાબતે ઝઘડો થતાં માતાએ પોતાને બે બાળકોને કૂવામાં ફેંકી દેતાં બંનેનાં મોત નિપજ્યા હતા.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

પંચમહાલના હાલોલ તાલુકાના રાયણવાડીયા ગામે કડિયાકામ કરીને પરિવારનું ગુજરાન ચલાવતાં રાઠવા પરિવારમાં હાલ કમાણીનું કોઈ સાધન ન હતું. પ્રતાપ રાઠવા છેલ્લા બે મહિનાથી ઘરે જ હતો. આ દરમિયાન પતિ-પત્ની વચ્ચે અવારનવાર ઝઘડાઓ થતા હતા. જેમાં જમવાની બાબતે ઝઘડો થયો હતો. જે બાદ પત્નીએ આવેશમાં આવી જઈને પોતાના બે બાળકો પ્રતિક રાઠવા (ઉં-5) અને પ્રદીપ રાઠવા (ઉં-7)ને ઘરથી થોડે દૂર ખેતરમાં આવેલાં કૂવામાં ફેંકી દીધા હતા.

કૂવામાં ડૂબી જવાને કારણે બંને બાળકોનાં કમકમાટીભર્યાં મોત નિપજ્યા હતા. આ બનાવને લઈને સમગ્ર પંથકમાં ચકચાર મચી જવા પામી હતી. ફાયરબ્રિગેડની ટીમે બંને બાળકોનાં મૃતદેહને કૂવામાંથી બહાર કાઢ્યા હતા. આ મામલે પોલીસે આરોપી માતા સામે બે હત્યાનો ગુનો નોંધીને આગળની તપાસ હાથ ધરી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..