પાણીપુરી વેચતા યુવકના પ્રેમમાં ફસાઈ નર્સિંગ સ્ટુડન્ટ, ઈન્સ્ટાગ્રામ પર મિત્રતા કરી હોટલમાં લઈ જઈને દુષ્કર્મ કરીને અશ્લીલ વિડીયો બનાવ્યો અને યુવતીના પરિવારજનોને મોકલ્યો, પોલીસે કરી ધરપકડ

મહારાષ્ટ્રના નાગપુરમાં એક ખાનગી હોસ્પિટલની બહાર પાણીપુરી વેચનાર યુવકે સોશિયલ મીડિયા દ્વારા એક યુવતી સાથે મિત્રતા કરી હતી. મૂળ મધ્યપ્રદેશની આ યુવતી જયપુરની પ્રતિષ્ઠિત મેડિકલ કોલેજમાં નર્સિંગનો અભ્યાસ કરી રહી છે. મિત્રતા પછી બંને એકબીજાને મળવા લાગ્યા. આ દરમિયાન યુવકે યુવતી સાથે બળાત્કાર કર્યો અને અશ્લીલ વિડીયો બનાવી લીધો હતો.

પહેલા મધ્યપ્રદેશની અને પછી જયપુરની હોટલમાં બળાત્કાર ગુજાર્યો
મધ્યપ્રદેશના દેવાસના રહેવાસી અમિતેશ કુમાર વિશ્વકર્માએ ઈન્સ્ટાગ્રામ દ્વારા જયપુરની મેડિકલ કોલેજની નર્સિંગની વિદ્યાર્થીની સાથે મિત્રતા કરી હતી. મિત્રતા બાદ અમિતેશે વિદ્યાર્થિનીને દેવાસ બોલાવી અને એક હોટલમાં લઈ જઈ તેના પર બળાત્કાર ગુજાર્યો હતો. થોડા દિવસો પછી તે જયપુર આવ્યો અને જયપુરના સિંધી કેમ્પ સ્થિત એક હોટલમાં તેની સાથે 4 દિવસ સુધી શારીરિક સંબંધ બાધ્યા હતા. આ દરમિયાન આરોપીએ યુવતી સાથે બળાત્કાર પણ કર્યો હતો.

Insta એકાઉન્ટ સ્કેન કરીને કોન્ટેક્ટ નંબર શેર કરી લીધા
આરોપી યુવક અમિતેશ કુમારે પીડિતાના સોશિયલ મીડિયા એકાઉન્ટનો બારકોડ સ્કેન કર્યો હતો. બાદમાં વિદ્યાર્થીના મોબાઈલમાં સેવ કરેલા તમામ કોન્ટેક્ટ નંબર તેને પોતાના એકાઉન્ટ પર શેર કરી લીધા હતા. આ પછી આરોપી યુવક અને વિદ્યાર્થિની વચ્ચે બોલાચાલી થઈ હતી, ત્યારબાદ યુવતીને બદનામ કરવા માટે આરોપીએ અશ્લીલ વિડીયો વાયરલ કર્યો હતો.

પીડિત વિદ્યાર્થીના પરિચિતોને મોકલ્યો અશ્લીલ વિડીયો
વિદ્યાર્થીનો કોન્ટેક્ટ નંબર શેર કર્યા બાદ આરોપી અમિતેશે પીડિતાના કોન્ટેક્ટનું વોટ્સએપ ગ્રુપ બનાવ્યું હતું. તે ગ્રુપમાં વિદ્યાર્થિનીનો અશ્લીલ વિડીયો વાયરલ કરવામાં આવ્યો હતો. આ પછી પીડિત યુવતીએ ચંદવાજી પોલીસ સ્ટેશનમાં કેસ નોંધાવ્યો હતો. મહારાષ્ટ્રના નાગપુરમાં એક ખાનગી હોસ્પિટલની બહાર કાર્ટ ચલાવતા અમિતેશની પોલીસ સ્ટેશનના ઈન્ચાર્જ જિતેન્દ્ર ગંગવાણીએ ધરપકડ કરીને કાયદેસરની કાર્યવાહી હાથ ધરી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..