હોટેલના બાથરૂમમાં ગીઝરનો ઉપયોગ કરો છો તો ચેતી જજો, ગેસ ગીઝરના કારણે એક યુવાને જીવ ગુમાવવાનો વારો આવ્યો

હોટેલના બાથરૂમમાં સ્નાન માટે ગીઝરનો ઉપયોગ કરતાં હોવ તો સાવધાની રાખવાની ખુબ જ જરૂર છે. એક યુવાનને હોટેલના બાથરૂમમાં ગીઝરનો ઉપયોગ કરતાં જીવ ગુમાવવાનો વારો આવ્યો છે. સોમવારે પોલીસે જણાવ્યું કે, ગીઝરને કારણે ગેસ શ્વાસમાં લઈ લીધો હોવાને કારણે યુવાનનું મોત નિપજ્યું હતું. પોલીસે જણાવ્યું કે, હોટેલના માલિક અને મેનેજર સામે એફઆઈઆર નોંધવામાં આવી છે.
રાજસ્થાનના ઝુનઝુનુના રહેવાસી અને આર્મી મેડિકલ કોર્પ્સમાં કામ કરતાં પંકજ કુમારે પોતાની ફરિયાદમાં જણાવ્યું હતું કે, તેઓ પોતાના મિત્રો સાથે ઉત્તરાખંડની ટુર પર ગયા હતા. 14 ફેબ્રુઆરીના રોજ તેઓ દેહરાદૂન પહોંચ્યા બાદ તેઓએ મસૂરી અને રૂદ્રપ્રયાગ, સોનપ્રયાગ, ઋષિકેશ, હરિવદ્વાર અને દિલ્હીની મુલાકાત લીધી હતી. જે બાદ તેઓ 19 ફેબ્રુઆરીના રોજ ગુરુગ્રામ ખાતે આવ્યા હતા. ફરિયાદમાં જણાવ્યા અનુસાર, પંકજ અને તેના બે મિત્રોએ એક હોટેલમાં બે રૂમ બુક કરાવ્યા હતા. તેનો મિત્ર સતદેવ બાથરૂમમાં ગયો હતો. પણ 25 મિનિટ બાદ પણ તે બાથરૂમમાંથી બહાર આવ્યો ન હતો, જે બાદ પંકજ દ્વારા હોટેલના મેનેજરનો સંપર્ક કરવામાં આવ્યો હતો.

પંકજે પોતાની ફરિયાદમાં જણાવ્યું હતું કે, બાથરૂમના દરવાજાને તોડી દેવામાં આવ્યો હતો, જે બાદ અમે જોયું કે, બાથરૂમમાં ચારે બાજુ ધુમાડો હતો અને પંકજ નીચે બેભાન અવસ્થામાં પડ્યો હતો. જે બાદ અમે તાત્કાલિક તેને હોસ્પિટલ લઈ ગયા હતા. જો કે ડોક્ટર્સે તેને મૃત જાહેર કર્યો હતો. પંકજે આરોપ લગાવ્યો હતો કે, ગેસને કારણે તેના મિત્રનું મોત નિપજ્યું છે. પંકજે પોલીસને જણાવ્યું હતું કે, હોટેલના માલિક અને મેનેજરની ભૂલને કારણે આ દુર્ઘટના સર્જાઈ છે, અને આ લોકો સામે કડક કાર્યવાહી કરવાની માગ પણ પંકજે કરી હતી.

પોલીસ દ્વારા મૃતકના નશ્વર દેહને તેના પરિવારને સોંપી દેવામાં આવ્યો છે. ગુરુગ્રામ સિટી પોલીસ સ્ટેશનમાં હોટેલ માલિક અને મેનેજર સામે આઈપીસીની કલમ 285, 304-એ, 34 હેઠળ ગુનો દાખલ કરવામાં આવ્યો છે. સિટી પોલીસ સ્ટેશનના એસએચઓ ઈન્સ્પેક્ટર વેદપાલે જણાવ્યું કે, આ મામલે ફરિયાદ નોંધીને તપાસ શરૂ કરવામાં આવી છે અને કાયદા પ્રમાણે કાર્યવાહી કરવામાં આવશે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..