મહિલા કોનસ્ટેબલના પ્રેમમાં પાગલ યુવકે પત્ની અને બાળકોની હત્યા કરીને ઘરમાં જ દાટી દીધા હતા, 3 વર્ષે ભેદ ખુલ્યો

લગ્ન પછી પણ પ્રેમ સંબંધના કારણે બે પરિવારોને મુશ્કેલી ભોગવવાનો વારો આવતો હોય છે. આવી ઘટનાઓ વારંવાર બને છે છતાં અટકવાનું નામ નથી લેતી. ઉત્તર પ્રદેશમાં બનેલી આવી જ એક ઘટનાનો ભાંડો ત્રણ વર્ષ પછી ખુલ્યો છે. યુપી મહિલા પોલીસના પ્રેમમાં પડેલા શખ્સે તેની પત્ની તથા બે નાના-નાના બાળકોને મોતને ઘાટ ઉતારી દીધા હતા. હત્યા બાદ આરોપીએ પત્ની તથા બાળકોના મૃતદેહને બેસમેન્ટની અંદર દાટી દીધા હતા. આરોપીએ આખી ઘટનાને છૂપાવવા માટે મૃતદેહોને દાટ્યા પછી તેના પર મજૂરને બોલાવીને દિવાલ બનાવી દીધી અને મકાન ભાડે આપી દીધું હતું. આ પછી યુવક પોતાના માતા-પિતા સાથે રહેવા લાગ્યો હતો.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

રાકેશના લગ્ન વર્ષ 2012માં એટાની રહેવાસી રત્નેશ સાથે થયા હતા. રાકેશે પરિવારના દબાણમાં આવીને લગ્ન કર્યા હતા. આરોપ છે કે રાકેશનો પ્રેમ પ્રસંગ ગામમાં જ રહેતી યુવતી સાથે ચાલતો હતો. યુવતીની ભરતી 2015માં પોલીસમાં થઈ હતી. તે રાકેશ પર લગ્ન માટે દબાણ કરી રહી હતી, આ પછી પત્ની અને પ્રેમિકાની વચ્ચે અટવાયેલા રાકેશે તકલીફોનું સમાધાન લાવવા માટે પોતાની પત્ની અને બાળકોને મોતને ઘાટ ઉતારીને તેમના મૃતદેહને ઘરમાં જ દાટી દીધા હતા.

પત્ની અને બાળકો ગુમ થયાની પોલીસ ફરિયાદ કરી
રાકેશની દીકરીની અવનીની ઉંર બે વર્ષ અને દીકરા અર્પિતની ઉંમર ત્રણ વર્ષ હતી. આરોપ છે કે આ કેસમાં રાકેશના પિતા બનવારીલાલ, માતા ઈન્દ્રવતી અને ભાઈ રાજીવ તથા પ્રવેશનો સાથ હતો. આરોપી ચિપિયાના બુઝુર્ગ ગામની પંચવિહાર કોલોનીમાં રહેતો હતો.

પરિવારના લોકોએ પત્ની અને બાળકોના મૃતદેહને ઠેકાણે કરવા માટે બેઝમેન્ટમાં દાટી દીધા હતા. આ પછી તેમની ગુમ થયાની ફરિયાદ નોંધાવી હતી. 6 મહિના પછી સ્થિતિ શાંત થતા રાકેશે મકાન ભાડે આપી દીધું અને પરિવાર સાથે ઘર છોડીને જતો રહ્યો.

ત્રણ વર્ષ પછી થયો હત્યાનો ખુલાસો
આરોપી રાકેશે 25 એપ્રિલ 2021એ પોતાના મિત્રની હત્યા કરી નાખી હતી. તેના મૃતદેહ પાસે પોતાનું આધારકાર્ડ અને એલઆઈસીના પેપર મૂકી દીધા હતા. જેથી પોલીસને એવું લાગે કે તેની હત્યા થઈ ગઈ છે. આ પછી આરોપી ઓળખ છુપાવીને રહેવા લાગ્યો હતો. આ પછી તેની ધરપકડ થઈ તો તપાસ દરમિયાન તેની પત્ની અને બે બાળકોની હત્યાનો પણ ભેદ ઉકેલાયો હતો.

હાડપિંજર સહિત હત્યાના અવશેષોની તપાસ માટે પોલીસ પહોંચી ગઈ છે. આરોપી રાકેશને લઈને કાસગંજ પોલીસ ગ્રેટર નોઈડા વેસ્ટ પહોંચી છે. અધિકારીઓ સાથેની ટીમ પણ ઘટના સ્થળ પર પહોંચી છે. ઘટના સ્થળ પર ખોદકામ કરાઈ રહ્યું છે. જેથી હાડપિંજરને બહાર કાઢી શકાય. મહિલા પોલીસકર્મીની પણ પૂછપરછ કરવામાં આવી રહી છે. આરોપી રાકેશના પિતા બનવારીલાલ પણ આ કેસમાં આરોપી છે, તે નિવૃત્ત પોલીસકર્મી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..