Indian Navyમાં થઈ રહી છે આ પોસ્ટ પર ભરતી, જાણો કઈ રીતે કરશો એપ્લાય

Indian Navyએ Tradesman Mate Recruitment 2019 અંતર્ગત 554 પદ પરની ખાલી જગ્યા ભરવા માટે ભરતી જાહેર કરી છે. જે માટેની અરજી પ્રક્રિયા આગામી 2 માર્ચથી શરૂ થશે. આ પદ માટે અરજી નેવીની વેબસાઈટ joinindiannavy.gov.in પરથી કરી શકાય છે. આ પદ માટે અરજી કરવાની અંતિમ તારીખ 15 માર્ચ છે. આ પદ માટે પહેલા સ્ક્રિનિંગનું આયોજન કરાયું છે. ત્યાર બાદ હિન્દી અથવા અંગ્રેજી ભાષામાં લેખિત પરીક્ષા આપવાની રહેશે.

ટૂંક સમયમાં જાહેર થશે પરીક્ષાની તારીખ

હાલમાં નેવીએ આ પરીક્ષાની કોઈ પ્રકારની તારીખ જાહેર કરી નથી. ટૂંક જ સમયમાં આ પરીક્ષાની તારીખ તથા સમય જાહેર કરવામાં આવશે. ત્યાર બાદ શોર્ટલીસ્ટ કરવામાં આવેલા ઉમેદવારોને ડૉક્યુમેન્ટ વેરિફિકેશન માટે બોલાવવામાં આવશે. આ પદ માટે માત્ર ઓનલાઈન પ્રક્રિયાથી અરજી કરી શકાશે. આ પરીક્ષા ગ્રૂપ સી માટે લેવામાં આવશે. આ ઉપરાંત પાસ થયેલા ઉમેદવારોનું ભારતમાં ગમે ત્યાં નવલ યુનિટમાં પોસ્ટિંગ થઈ શકે છે. જે રીતે જે યુનિટને જરૂરિયાત હશે તે પ્રમાણે પોસ્ટિંગ અપાશે.

આ રીતે ભરી શકો છો ફોર્મ

– નેવીની વેબસાઈટ joinindiannavy.gov.in પર જાવ

– અહીં હોમપેજ પર Join navy ટેબ પર ક્લિક કરો

-Way to join પર ટેબ કરો અને Civilian ટેબ કરી Tradesman Mate પર ક્લિક કરો

– અહીં પહેલા રજીસ્ટ્રેશન કરવું પડશે ત્યાર બાદ અરજી કરી શકાશે.

શૈક્ષણિક લાયકાત

આ પદ માટે માન્યતા પ્રાપ્ત બોર્ડમાંથી ધો.10ની પરીક્ષા પાસ કરેલી હોવી જોઈએ. આ ઉપરાંત ઉંમર વર્ષ 18થી 25ની વચ્ચે હોવી જરૂરી છે. લેખિત પરીક્ષાને આધારે પસંદગી કરવામાં આવશે. જનરલ કેટેગરીના ઉમેદવારોએ રૂ.225 ફી પેટે ભરવાના રહેશે. જ્યારે એસસી-એસટી તથા મહિલાઓ માટે કોઈ ફી ભરવાની નથી.