16 વર્ષ પછી બરફ પીગળવાથી ભારતીય સેનાના જવાનનું પાર્થિવ શરીર મળી આવ્યું, પરિવારે દીકરા માટે રાહ જોયા બાદ ફરી દુઃખનો પહાડ તૂટી પડ્યો

જ્યારે સેનાના જવાન દેશ માટે પોતાના પ્રાણોની આહુતિ આપે ત્યારે દેશની જનતાને તેનાથી ભારે દુઃખ થતું હોય છે. આ સાથે જવાનના પરિવાર માટે તે ઘણું જ પીડાદાયક બની જતું હોય છે. ઉત્તરપ્રદેશના મુરાદનગરના હિસાલી ગામમાં રહેતા જવાન અમરીશ ત્યાગીનું શબ 16 વર્ષ બાદ બરફમાં દટાયેલું મળ્યું છે.

તેઓ 23 ઓક્ટોબર, 2005માં સિયાચીનથી પરત ફરથી વખતે ઉત્તરાખંડના હરશીલની ખાઈમાં પડી ગયા હતા. તેમની સાથે શહીદ થયેલા અન્ય ત્રણ જવાનોના શબ મળી ગયા હતા, પરંતુ તેમના વિશે કોઈ જાણકારી મળતી નહોતી. 2 દિવસ પહેલા બરફ પીગળવાના લીધે એક શબ દેખાયું, અને કેટલાક પેપર્સના આધારે આ શબ અમરીશનું હોવાનું માલુમ પડ્યું.

‘આશાઓ જીવતી હતી, માટે નહોતું કર્યું શ્રાદ્ધ’
પરિવારે જણાવ્યું કે સેના તરફથી અને સગાઓ દ્વારા કહેવામાં આવતું હતું કે અમરીશ હવે નથી, પરંતુ તેમની આશા હજુ પણ જીવતી હતી અને તેઓ દુશ્મનના કબજામાં ફસાયા હશે, માટે અમરીશના નામે શ્રાદ્ધ કરવામાં નહોતું આવ્યું અને અંતિમ વિધિ પણ કરવામાં નહોતી આવી. હવે સેના અમરીશનું શબ લઈને આવી છે ત્યારે અંતિમ સંસ્કાર કરવામાં આવશે.

‘આજ સુધી આશા નહોતી છોડી’
મોટાભાઈ રામકુમાર ત્યાગીએ જણાવ્યું કે તેમણે આજ સુધી અમરીશ જીવતો હોવાની આશા છોડી નહોતી, તેમને વિશ્વાસ હતો કે અમરીશ પોતાનો જીવ બચાવવા આમથી તેમ રહી રહ્યો છે. 24 સપ્ટેમ્બરે મોડી સાંજે દિલ્હી સેના હેડક્વાર્ટરથી 3 અધિકારીઓ આવ્યા અને અમરીશનો પાર્થિવ દેહ ઉત્તરાખંડમાં મળ્યાની સૂચના આપી. સૂચના મળતા ફરી એકવાર પરિવારમાં પહાડ તૂટી પડ્યો.

અમરીશ ત્યાગી વર્ષ 1995-96માં મેરઠમાં સેનામાં જોડાયા હતા. ઘણી જગ્યાઓ બદલાયા બાદ તેઓ 1999માં કારગિલ યુદ્ધ દરમિયાન લેહ લદ્દાખમાં પોસ્ટિંગ થયું હતું. અમરીશનું પ્લેનમાંથી સૌથી ઊંચાઈએથી કૂદવાના મામલે દેશભરમાં નામ કમાયું હતું.

ભાઈ રામકુમાર ત્યાગીનું કહેવું છે કે અમરીશ વર્ષ 2005માં સિયાચિન પર ઝંડો ફરકાવ્યો હતો. પાછા ફરતી વખતે 23 ઓક્ટોબર, 2005એ હરશીલ વિસ્તારમાં દુર્ઘટના બની હતી જેમાં 3 અન્ય જવાનો સાથે તેઓ ખાઈમાં પડ્યા હતા. ત્રણેના પાર્થિવ શરીર મળ્યા હતા, પરંતુ ખાઈ ઊંડી હોવાથી અમરીશનો પત્તો નહોતો લાગ્યો. જોકે, સેનાએ તેમની શોધખોળ માટે અનેક પ્રયાસ કર્યા હતા.

દુર્ઘટના બાદ પત્નીએ દીકરીને જન્મ આપ્યો
અમરીશે લગ્ન 2005માં મેરઠના ગણેશપુરમાં કર્યા હતા, જે સમયે તેઓ ગુમ થયા હતા ત્યાર તેમના પત્ની પ્રગનેન્ટ હતા અને 5 મહિના પછી તેમણે દીકરીને જન્મ આપ્યો હતો. પુત્ર વિયોગમાં માતાનું નિધન થઈ ગયું. તેઓ દીકરાને જોવા માગતા હતા પરંતુ તેમનું 4 વર્ષ અગાઉ નિધન થઈ ગયું હતું.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..