વલસાડની હોટલમાંથી પતિ પ્રેમિકા સાથે કંઢગી હાલતમાં ઝડપાયો, પત્નીએ બંનેની ધોલાઈ કરી: પ્રેમિકાને અર્ધનગ્ન હાલતમાં ઢસડીને બહાર કાઢી

વલસાડમાં એક પુરુષને પરસ્ત્રી સાથે સંબંધ રાખવો ભારે પડી ગયો હતો. પોતાનો પતિ અન્ય સ્ત્રી સાથે હોટલમાં ગયો હોવાની જાણ પત્નીને થતાં જ તે પોતાનાં અન્ય પરિવારજનો સાથે હોટલ પર પહોંચી હતી. અહીં પોતાના પતિને પરસ્ત્રી સાથે કઢંગી હાલતમાં ઝડપી પાડી બરાબરનો મેથીપાક ચખાડ્યો હતો. બાદમાં આ સમગ્ર મામલો પોલીસ સ્ટેશન સુધી પહોંચ્યો હતો. મારામારીનો આ વીડિયો હાલ સોશિયલ મીડિયામાં ચર્ચાનું કેન્દ્ર બન્યો છે.

વલસાડ-ધરમપુર વચ્ચે આવેલી વાંકલની હોટલની ઘટના
સોશિયલ મીડિયામાં જે વીડિયો વાઈરલ થઈ રહ્યો છે એ વલસાડ-ધરમપુર રોડ પર વાંકલની એક હોટલનો હોવાનું જાણવા મળ્યું છે. એક પુરુષ અહીં તેની પ્રેમિકા સાથે એકાંત માણવા પહોંચ્યા હતો. બંને હોટલના રુમમાં એકાંત માણી રહ્યાં હતાં ત્યારે પુરુષની પત્ની સહિતનાં પરિવારજનો હોટલ પર પહોંચ્યાં હતાં. હોટલના રૂમમાં તપાસ કરતાં પોતાનો પતિ કઢંગી હાલતમાં મળી આવતાં જ પત્નીએ રૌદ્ર સ્વરૂપ ધારણ કર્યું હતું અને પોતાના પતિ અને તેની પ્રેમિકાને હોટલના રૂમમાં જ મેથીપાક ચખાડ્યો હતો. પત્નીની સાથે આવેલાં અન્ય પરિવારજનોએ પણ બંનેને મેથીપાક ચખાડ્યો હતો.

પતિ-પત્ની ઔર વોનો મામલો પોલીસ સ્ટેશન પહોંચ્યો
વાંકલની હોટલમાં પતિ અને તેની પ્રેમિકાને મેથીપાક ચખાડ્યા બાદ પુરુષનાં પરિવારજનો મહિલાને અર્ધનગ્ન હાલતમાં હોટલની બહાર ઢસેડી લાવ્યાં હતાં, જેની જાણ પોલીસ કંટ્રોલને થતાં વલસાડ રૂરલ પોલીસની ટીમ મહિલાની મદદે પહોંચી હતી અને પ્રેમી-પ્રેમિકાને પોલીસ મથકે લાવી હતી. જોકે અહીં બંને પરિવાર વચ્ચે સમાધાન થઈ જતાં પોલીસ ચોપડે કોઈ નોંધ થઈ ન હતી. જોકે હોટલમાં થયેલી મારામારીનો વીડિયો હાલ સોશિયલ મીડિયામાં ચર્ચાનું કેન્દ્ર બન્યો છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..