પ્રેમાળ પતિ મોટો લફરાબાજ નીકળ્યો! પત્નીએ કબાટ સાફ કરતાં મેરેજ સર્ટિફિકેટ મળ્યું, જોયું તો નામ બીજાનું હતું અને પતિનો ભાંડો ફૂટ્યો

પતિ, પત્ની ઔર વોનો એક વિચિત્ર કિસ્સો અમદાવાદ શહેરના પૂર્વ વિસ્તારમાં સામે આવ્યો છે. જેમાં પતિએ બીજા લગ્ન કર્યા અને ઓફિસ કામના નામે બીજી પત્ની સાથે રહવા જતો રહેતો હતો. પીડિત યુવતીના લગ્ન 2013માં યુવક સાથે થયા હતા, લગ્નજીવન દરમિયાન તેણે બે સંતાનને જન્મ આપ્યો. પરંતુ પતિએ તેની સાથે બેવફાઈ કરી જાણ બહાર લગ્નના આઠ વર્ષે બીજી સ્ત્રી સાથે લગ્ન કરી લીધા હતાં. આટલું જ નહીં પતિ બીજી પત્ની સાથે રહેવા લાગ્યો હતો. યુવતી પાસે પતિના બીજા મેરેજનું સર્ટિફિકેટ આવતા જ પાઠ ભણાવવા તેણે ફરિયાદ નોંધાવતા પોલીસે તપાસ શરુ કરી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

બનાવની વિગત મુજબ શહેરના મેઘાણીનગરમાં રહેતી 26 વર્ષીય યુવતી મૂળ મધ્યપ્રદેશની રહેવાસી છે. આ યુવતીના લગ્ન વર્ષ 2013માં થયા હતા. લગ્ન બાદથી જ પોતાના સાસરે યુવતી પતિના સંયુક્ત પરિવારમાં જેઠ, જેઠાણી, દિયર, દેરાણી અને સાસુ સાથે રહેતી હતી. લગ્ન જીવનના 8 વર્ષમાં આ યુવતીએ એક દીકરી અને એક દીકરાને જન્મ આપ્યો હતો. ગત જુલાઈ માસથી યુવતીનો પતિ કામે બહાર જવાનું કહીને ઘરેથી નીકળતો અને ઘણા દિવસ સુધી પાછો દેખાતો નહોતો. જોકે આ દરમિયાન પતિ પોતાની બીજી પત્ની સાથે રહેતો બતો જેની જાણ આ યુવતીને નહોતી. યુવતી અવાર નવાર તેના પતિના ફોન નંબર પર ફોન કરે તો તેનો પતિ ફોન ઉપાડતો નહીં અને પત્નીનો નંબર બ્લોક લિસ્ટમાં નાખી દીધો હતો.

તેવામાં એક દિવસ પત્ની ઘરમાં સફાઈ કરી રહી હતી ત્યારે પતિના ખાનમાં સંતાડીને રાખેલું કોઈ સર્ટિફિકેટ જોવા મળ્યું. જેને જોતા ખબર પડી કે આ મેરેજ સર્ટિફિકેટ છે પરંતુ પત્નીના પગ નીચેથી જમીન ત્યારે સરકી ગઈ જ્યારે આ મેરેજ સર્ટિફિકેટમાં પતિની સાથે તેનું નામ નહીં પરંતુ બીજી કોઈ મહિલાનું નામ હતું. બાદમાં આ યુવતીએ તપાસ કરી તો તેને જાણવા મળ્યું કે, પૂજા નામની કોઈ સ્ત્રી સાથે જાણ બહાર પતિએ વર્ષ 2021માં લગ્ન કરી લીધા છે અને તેની સાથે રહેવા લાગ્યો છે. બાદમાં તેણે પોતાના સગા-સબંધીઓને આ અંગે જાણ કરી હતી.

પોતાના સાસરામાં જાણ કર્યા બાદ યુવતીએ પતિ સાથે પણ આ મામલે વાત કરી હતી જોકે પતિ તરફથી કોઈ રિસ્પોન્સ ન મળતા યુવતીએ પોતાની જાણ બહાર તેના પતિએ બીજા લગ્ન કરી તે સ્ત્રી સાથે રહેવા લાગ્યો હોવાની રજુઆત પોલીસને કરતા પોલીસે આ મામલે યુવતીના પતિ સામે ગુનો નોંધી તપાસ હાથ ધરી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..