વાહનમાં 100-200 રૂપિયાનું પેટ્રોલ પુરાવતા હોય તો ખાસ વાંચી લો, ક્યારેય નહીં થાય નુકસાન, આ બાબતોનું રાખો ધ્યાન

પેટ્રોલ અને ડીઝલના ભાવ આસમાને પહોંચ્યા છે અને જો આ સમયે પેટ્રોલ પંપ તમને ચૂનો લગાવી દે તો તમને મોટું નુકસાન થાય છે. ગ્રાહકોને ખબર પણ પડતી નથી અને પેટ્રોલ નાંખનાર તેમની સાથે સતત છેતરપિંડી કરી રહ્યો છે. પરંતુ આ છેતરપિંડીથી બચી શકાય છે અને આ માટે તમારે માત્ર કેટલીક બાબતો પર ધ્યાન આપવું પડશે અને કેટલીક સાવચેતી રાખવી પડશે. આ સમાચાર દ્વારા, અમે તમને પંપ પર વાહનમાં પેટ્રોલ અને ડીઝલ નાખતી વખતે છેતરપિંડીનો ભોગ બનવાથી કેવી રીતે બચી શકાય તે વિશે વિગતવાર જણાવી રહ્યાં છીએ.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

પેટ્રોલ ભરાવતી વખતે આ બાબતોનું રાખો ધ્યાન
મોટાભાગના લોકો પેટ્રોલ પંપ પર જઈને 100, 200 અને 500 રૂપિયાના રાઉન્ડ ફિગરમાં ફ્યૂલ ભરવાનો ઓર્ડર આપે છે. ઘણી વખત પેટ્રોલ પંપ માલિકો મશીન પર રાઉન્ડ ફિગર ફિક્સ રાખે છે અને છેતરપિંડીનો ભોગ બનવાની શક્યતા વધુ રહે છે. એટલા માટે જરૂરી છે કે તમે રાઉન્ડ ફિગરમાં પેટ્રોલ ન ભરો. તમે રાઉન્ડ ફિગર કરતા 10-20 રૂપિયા વધુ પેટ્રોલ લઈ શકો છો.

બાઇક કે કારની ખાલી ટાંકીમાં પેટ્રોલ ભરવાથી ગ્રાહકને નુકસાન થાય છે. તેનું કારણ એ છે કે તમારી કારની ટાંકી જેટલી ખાલી હશે તેટલી જ તેમાં હવા રહેશે. આવી સ્થિતિમાં, પેટ્રોલ ભર્યા પછી, હવાને કારણે પેટ્રોલનું પ્રમાણ ઘટે છે. હંમેશા ઓછામાં ઓછી અડધી ટાંકી ભરેલી રાખો. પેટ્રોલની ચોરી કરવા માટે પંપ માલિકો અવારનવાર અગાઉથી જ મીટરમાં હેરાફેરી કરી નાખે છે. નિષ્ણાતોના મતે, દેશમાં ઘણા પેટ્રોલ પંપ હજુ પણ જૂની ટેક્નોલોજી પર ચાલી રહ્યા છે, જેમાં હેરફેર કરવી ખૂબ જ સરળ છે. તમે અલગ-અલગ પેટ્રોલ પંપ પરથી ફ્યૂલ ભરાવો અને તમારા વાહનનું માઈલેજ સતત ચેક કરતા રહો. પેટ્રોલ હંમેશા ડિજિટલ મીટરવાળા પંપ પર જ ભરવું જોઈએ. તેનું કારણ એ છે કે જૂના પેટ્રોલ પંપ પરના મશીનો પણ જૂના છે અને આ મશીનોમાં ઓછું પેટ્રોલ ભરાવાની ભીતિ વધુ છે.

ઘણા પેટ્રોલ પંપ પરના કર્મચારીઓ તમારી જણાવેલ રકમ કરતા ઓછા ભાવે ફ્યૂલ ભરે છે. ટોકવા પર, ગ્રાહકોને કહેવામાં આવે છે કે મીટર ઝીરો પર રીસેટ કરવામાં આવી રહ્યું છે. પરંતુ જો તમે ચૂકી જાઓ છો, તો ઘણીવાર આ મીટર ઝીરો પર લાવવામાં આવતું નથી. તેથી, તે જરૂરી છે કે ફ્યૂલ ભરાવતી વખતે, ખાતરી કરો કે પેટ્રોલ પંપ મશીનનું મીટર ઝીરો પર સેટ છે. મોટાભાગના લોકો જ્યારે તેમની કારમાં ફ્યૂલ ભરાવે છે ત્યારે કારમાંથી નીચે ઉતરતા નથી. જેનો લાભ પેટ્રોલ પંપના કર્મચારીઓ લે છે. પેટ્રોલ ભરતી વખતે કારમાંથી નીચે ઉતરીને મીટર પાસે ઉભા રહો.

પેટ્રોલ પંપ પર ફ્યૂલ ભરવાની પાઈપ લાંબી રાખવામાં આવે છે. પેટ્રોલ નાખ્યા બાદ ઓટો કટ થતાં જ કર્મચારીઓ તરત જ વાહનમાંથી નોઝલ કાઢી લે છે. આવી સ્થિતિમાં, પાઇપમાં બાકીનું પેટ્રોલ દર વખતે ટાંકીમાં જાય છે. ધ્યાન આપો કે ઓટો કટ થયા પછી પેટ્રોલની નોઝલ તમારા વાહનની ટાંકીમાં થોડીક સેકન્ડ માટે રહેવી જોઈએ જેથી પાઈપમાં રહેલું પેટ્રોલ પણ તેમાં આવી જાય.

ફ્યૂલ નીકળવા લાગે પછી પેટ્રોલ પંપવાળાને નોઝલ પરથી હાથ દૂર કરવા કહો. તેલ નાંખતી વખતે નોઝલનું બટન દબાવવાથી તેની નીકળવાની ગતિ ઓછી થાય છે અને ચોરીને સરળ બની જાય છે. એવું પણ બને છે કે તમે જ્યાં તમારી કારમાં ફ્યૂલ ભરાવા ગયા છો તે પેટ્રોલ પંપનો કર્મચારી તમને તેની વાતોમાં મૂંઝવણમાં મૂકે છે અને તમને વાતમાં મૂકીને પેટ્રોલ પંપના કર્મચારીએ તમને ઝીરો બતાવવું જોઈએ, પરંતુ તમે પૂછેલા પેટ્રોલના ભાવ મીટર સેટ નથી. જો તમે પેટ્રોલ ઓર્ડર કર્યુ છે અને મીટર ખૂબ જ ઝડપથી ચાલી રહ્યું છે, તો કંઈક ખોટું છે. પેટ્રોલ પંપના કર્મચારીને મીટરની સ્પીડ સામાન્ય કરવા સૂચના આપો. કદાચ ઝડપી મીટર ચલાવીને તમને લૂંટી રહ્યા છે. તમે પેટ્રોલ પંપના મશીનમાં ઝીરો જોયો છે, પરંતુ રીડિગ કયા નંબરથી શરૂ થયું તે જોયું નથી. તમારે ધ્યાનમાં રાખવું પડશે કે મીટર રીડિંગ સીધું 10, 15 કે 20 અંકોથી શરૂ થાય છે. મીટર રીડિંગ ઓછામાં ઓછા 3 થી શરૂ થવું જોઈએ.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..