ઘરે એકલી છું.. કહીને 19 વર્ષના પ્રેમીને પ્રેમિકાએ ઘરે બોલાવ્યો, પછી હચમચાવી દેનારો અંત આવ્યો, 8 દિવસ પછી ભાંડો ફૂટ્યો

ઉત્તરપ્રદેશના ગાઝિયાબાદમાં વધુ એક હચમચાવી દેનારી ઘટના બની છે. આ કેસમાં પ્રેમિકા તેના પ્રેમીથી એટલી હદે કંટાળી ગઈ હતી કે તેની હત્યા કરાવીને ઘરમાં જ લાશ દાટી દીધી હતી. હત્યાના બનાવના 8 દિવસ બાદ પોલીસને યુવકની લાશ મળી આવી છે અને પોલીસે આ હત્યાકાંડમાં સંડોવાયેલી મૃતકની પ્રેમિકા સહિત અન્ય બે યુવકની ધરપકડ કરી લીધી છે. આ સિવાય અન્ય લોકો ફરાર છે તેમની શોધખોળ કરવામાં આવી રહી છે. પોલીસે આ કેસમાં મૃતકની પ્રેમિકાની પૂછપરછ કરી તેમાં ચોંકાવનારા ખુવાસા થયા છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

ગાઝિયાબાદના મુરાદનગરના ખૈરાજપુર ગામમાં પ્રેમિકાના ઘરમાંથી જ તેના પ્રેમી મુરસલીમ (19)ની લાશ મળી આવી છે. આયશાએ ગામના બે યુવકોની મદદથી તેના પ્રેમીની પોતાના જ ઘરમાં હત્યા કરી નાખી હતી. જોકે, આ પછી તેને એ ના સમજાયું કે આ લાશનું શું કરવું તો તેણે પ્રેમી મુરસલીમની લાશને પોતાના જ ઘરમાં ખાડો ખોદીને તેને જમીનમાં દાટી દીધી હતી. પોલીસે આ કેસમાં આયશા, આરિફ અને ઉસ્માનની ધરપકડ કરી લીધી છે. તેમની પાસેથી મૃતકનો મોબાઈલ ફોન પણ મળી આવ્યો છે. આ કેસમાં ઝુબેર સહિત અન્ય લોકોની શોધખોળ કરવામાં આવી રહી છે.

ખૈરાજપુર ગામનો મુરસલીમ 10 ઓગસ્ટથી અચાનક ગાયબ થઈ ગયો હતો, આ પછી તપાસ કરતા પોલીસને તેનો મૃતદેહ 17 ઓગસ્ટના રોજ મળી આવ્યો હતો. જે તેની પ્રેમિકા આયશાના ઘરમાંથી મળી આવ્યો હતો. આયશાએ પહેલા તો પોલીસને ગોળગોળ ફરાવવાનાં ઘણાં પેંતરા કર્યા હતા પરંતુ પોલીસે ટેક્નોલોજી તથા પૂછપરછ દ્વારા કેસના અંત સુધી પહોંચી ગઈ હતી. ગુમ થયેલા મુરસલીમની લાશ મળ્યા બાદ પોલીસે આયશાની આકરી પૂછપરછ કરી હતી.

મુરસલીમના ફોનથી પ્રેમિકા કંટાળી ગઈ હતી
આ પૂછપરછ દરમિયાન આયશાએ પોતાનો ગુનો કબૂલી લીધો હતો અને તેમાં સંડોવાયેલા લોકોના પણ નામ આપી દીધા હતા. આયશાના પરિવારે તેના લગ્ન અલગ જગ્યાએ કરી દીધા હતા. આ પછી તેણે મુરસલીમ સાથે વાત કરવાનું બંધ કરી દીધું હતું. જોકે, મુરસલીમ સતત તેને ફોન કરીને લગ્ન માટે દબાણ કરતો હતો. આયશા પ્રેમીના વારંવાર આવતા ફોન અને લગ્ન માટેના દબાણને કારણે કંટાળી ગઈ હતી. આયશાએ મુરસલીમને તેના જીવનનો કાંટો સમજી લીધો અને તેને હટાવવાનો નિર્ણય કરી લીધો.

આયશાએ તેના પ્રેમી મુરસલીમને મોતને ઘાટ ઉતારી દેવાનો પ્લાન બનાવી નાખ્યો હતો, આ માટે તેણે ગામના જ ઝુબેર અને ઉસ્માનને જણાવી, આ પછી તેમણે કઈ રીતે મુરસલીમની હત્યા કરવી તે અંગે પ્લાન બનાવી નાખ્યો હતો.

એકલી હોવાનું કહીને પ્રેમીને ઘરે બોલાવી લીધો હતો
પ્લાન પ્રમાણે આયશાએ પ્રેમીને મળવા માટે પોતાના ઘરે બોલાવી લીધો હતો, આ પછી તેણે પ્રેમીને અંદર રૂમમાં જવા માટે કહ્યું હતું. આ દરમિયાન રૂમમાં ઝુબેર, આરિફ અને ઉસ્માન પહેલેથી પહોંચી ગયા હતા. આયશા બહાર ઉભી રહીને એ જોતી હતી કે અચાનક કોઈ આવી ના જાય.

ઘરમાં કોઈ નથી અને પ્રેમિકાએ મળવા બોલાવ્યો છે તો કંઈક ખાસ હશે તેમ માનીને પહોંચી ગયેલા પ્રેમી મુરસલીમને ખબર નહોતી કે આજે તેનો જિંદગીનો અંતિમ દિવસ બની જશે. ઉસ્માન, આરિફ અને ઝુબેરે મુરસલીમને ટૂંપો દઈને તેની હત્યા કરી નાખી હતી. પહેલા તેમણે મુરસલીમે આત્મહત્યા કરી હોય તેવો પ્લાન બનાવ્યો પરંતુ પછી પુરાવાનો નાશ કરવા માટે તેની લાશને ઘરમાં જ દાટી દીધી હતી. મુરસલીમના પરિવારે આયશા સહિત સાત લોકો સામે પોતાના દીકરાની હત્યાની ફરિયાદ નોંધાવી હતી. આ કેસમાં ઝુબેર સહિત અન્યોની શોધખોળ ચાલી રહી છે. આ સિવાય આયશા, આરિફ અને ઉસ્માનની ધરપકડ કરીને તેમને જેલના સળિયા પાછળ ધકેલી દેવામાં આવ્યા છે.

પોલીસને તપાસ દરમિયાન આ સિવાય એવી પણ વિગતો જાણવા મળી છે કે, પ્રેમિકા અને પાછલા દોઢ વર્ષથી પ્રેમમાં હતી બન્ને એક બીજાને પસંદ કરતા હતા પરંતુ યુવતીના લગ્ન નક્કી થઈ જતા તેને પ્રેમી નડતરરૂપ લાગવા લાગ્યો હતો અને તે પ્રેમી દ્વારા કરાતી બળજબરીથી કંટાળી ગઈ હતી.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..