તંત્રની ઘોર બેદરકારી! 15 મિનિટ સુધી તરફડતા રહ્યા પણ વીજ વિભાગમાં કોઈએ ફોન ના ઉપાડ્યો, કરંટ લાગવાથી 3 બાળકો સહિત 5નાં કરુણ મોત

ઉત્તરપ્રદેશના ગાઝિયાબાદમાં નહેરુ નગર વિસ્તારમાં રાકેશ માર્ગ સ્થિત એક દુકાનમાં કરંટ લાગવાને કારણે ત્રણ બાળકો અને બે વયસ્કોના મૃત્યુ થયા છે. આ દુર્ઘટના માટે વીજ વિભાગની લાપવાહીને દોષ આપવામાં આવે છે. ત્યાં હાજર લોકોના જણાવ્યા અનુસાર, દુર્ઘટનાની લગભગ 15 મિનિટ સુધી પાંચ લોકો તરફડતા રહ્યા. લોકોએ વીજ વિભાગના અધિકારીઓનો સંપર્ક કરવાનો પ્રયત્ન કર્યો પરંતુ કોઈએ ફોન જ ના ઉપાડ્યો.

ઘટનાસ્થળ પર હાજર બાળકૃષ્ણ અગ્રવાલ જણાવે છે કે, તેમણે જેઈને 2-3 વાર ફોન કર્યો, પરંતુ કોઈએ ફોન પિક ના કર્યો. ત્યારપછી કોઈ પ્રકારે મેઈન લાઈનનો નંબર મેળવીને ત્યાં ફોન કરવામાં આવ્યો અને પછી સપ્લાય બંધ થયો. જો કે, ત્યાં સુધી ઘણું મોડુ થઈ ગયુ હતું અને પાંચ લોકોનાં મોત થઈ ગયા હતા. આ દુર્ઘટના માટે સ્થાનિક લોકોએ વીજ વિભાગને જવાબદાર ઠેકરવ્યું છે. લોકોએ જણાવ્યું કે આ વિસ્તારમાં વીજળીના તાર સારી સ્થિતિમાં નથી. ઠેર ઠેર જર્જરિત તાર લટકી રહ્યા છે. તારના સમારકામના કામ પર કોઈ ધ્યાન નથી આપતું. જ્યાં દુર્ઘટના બની ત્યાં પણ તાર નીચે સુધી લટકેલા હતા.વીજળી વિભાગને સ્થાનિક લોકોએ પ્રશ્ન કર્યો કે, ટીનશેડથી તાર ડેમેજ થયા હોવાની વાત કરી રહ્યા છો પણ ચોમાસુ શરુ થતા પહેલા લાઈનો ચેક કેમ નથી કરતા. જો પહેલા જ ચેક કરવામાં આવે તો કોઈ સમસ્યા હોય તો તેનું નિરાકરણ લાવી શકાય.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

રાકેશ માર્ગની ગલી નંબર 3માં જ્યાં આ દુર્ઘટના બની છે ત્યાં રહેતા સુશીલે અમારા સહયોગી નવભાર ટાઈમ્સને જણાવ્યું કે, વરસાદ શરુ થયા પછી એક 12 વર્ષનું બાળક અહીંથી પસાર થયું. રોડ પર કીચડ હોવાને કારણે તે દુકાનની સામે એટલે કે ટીનશેડની નીચેથી નીકળ્યું. તેણે આ સમયે ટીનશેટને આધાર આપતા થાંભલાને પકડ્યો તો તેને કરંટ લાગ્યો. પરંતુ તે ઝાટકો ધીમો હતો, અને તે ત્યાંથી પસાર થઈ ગયો. આસપાસના લોકોને પણ લાગ્યું કે સામાન્ય અર્થિંગને કારણે કરંટ લાગ્યો હશે. ત્યારપછી એક કલાક પછી જ એવી ઘટના બની જેના કારણે પાંચ લોકોનાં મૃત્યુ થઈ ગયા.

આ દુર્ઘટનાને કારણે રોષે ભરાયેલા લોકોએ જીટી રોડ પર ચક્કાજામ કર્યો હતો. લોકોએ વીજળી વિભાગ પર પણ લાપરવાહીનો આરોપ મૂક્યો અને નારા બોલાવ્યા. લોકોનું કહેવું છે કે જ્યાં સુધી જવાબદારો વિરુદ્ધ કાર્યવાહી કરવામાં નહીં આવે ત્યાં સુધી તે લોકો ત્યાંથી નહીં હટે. ચક્કાજામની સૂચના મળતા જ પોલીસ ઘટનાસ્થળ પર પહોંચી અને લોકોને સમજાવીને શાંત કરાવ્યા.

પ્રાપ્ત જાણકારી અનુસાર, આ ઘટનામાં જીવ ગુમાવનાર લક્ષ્મીનારાયણ પોતાના બાળકની સાથે ઘરની બહાર બેસીને તેને વરસાદ બતાવી રહ્યા હતા. આ દરમિયાન તેમણે ત્રણ બાળકોને કરંટ લાગવાને કારણે ચીસો પાડતા જોયા. તે પોતાના બાળકને ઘરમાં મૂકીને ત્રણ બાળકોને બચાવવા ગયા. બાળકોને બચાવવાનો પ્રયત્ન કરતી વખતે તે પણ કરંટની ચપેટમાં આવી ગયા અને જીવ ગુમાવ્યો. લક્ષ્મીનારાયણના લગ્ન 2019માં થયા હતા અને એક મહિના પહેલા જ ઘરમાં દીકરાનો જન્મ થયો હતો.
ઘટનામાં મૃત્યુ પામેલ ખુશી પણ ત્યાં જ રહેતી હતી. તેના પિતા અખિલેશ પ્રસાદ શાકભાજી વેચે છે. બુધવારે તેમણે દીકરીને વાપરવા માટે પૈસા આપ્યા હતા. તે ભાઈઓને કહ્યા વિના પૈસા વાપરવા દુકાન જતી રહી હતી. પાછી ફરી રહી હતી ત્યારે પાણીમાં પગ પડ્યો અને કરંટની ચપેટમાં આવી ગઈ અને તેનું મૃત્યુ થઈ ગયું. દુર્ઘટના પછી ખુશીના માતા રડી-રડીને બેહાલ થઈ ગયા છે. આ દુર્ઘટના પર મુખ્યમંત્રી યોગી આદિત્યનાથે પણ સંવેદના વ્યક્ત કરી છે અને જિલ્લા પ્રશાસનને આદેશ આપ્યા છે કે મૃતકોના પરિવારને આર્થિક મદદ પહોંચાડવામાં આવે અને ઘટનાની તપાસ કરવામાં આવે. જિલ્લા તંત્ર તરફથી તપાસ માટે એડીએમ સિટી શૈલેન્દ્ર કુમાર સિંહની અધ્યક્ષતામાં કમિટી તૈયાર કરવામાં આવી છે.

ઉલ્લેખનીય છે કે આ ઘટનામાં 3 વર્ષીય સુરભિ, 10 વર્ષીય ખુશી, 11 વર્ષીય સિમરને જીવ ગુમાવ્યો છે. સુરભિના માતા જાનકી મદદ કરવા પહોંચ્યા તો તે પણ કરંટની ચપેટમાં આવી ગયા અને આ લોકોની ચીસો સાંભળીને મદદ કરવા આવેલા લક્ષ્મીનારાયણે પણ પોતાનો જીવ ગુમાવ્યો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..