રાજકોટમાં પૂર્વ CM રૂપાણીએ દિવંગત પુત્રના જન્મદિવસની ઉજવણી ગરીબ બાળકો સાથે કરી, કહ્યું – દરેક બાળકોમાં મારા પુત્રના દર્શન કરીએ છીએ

પૂર્વ મુખ્યમંત્રી વિજય રૂપાણી કાલે રાજકોટ શહેરની મુલાકાતે આવ્યા હતા. હાલ વિજયભાઇ રૂપાણી પ્રત્યે અહોભાવ વ્યક્ત કરવા અને ઋણ સ્વીકારનો ગરિમાપૂર્ણ કાર્યક્રમ કાલાવડ રોડ પર આવેલ અક્ષર પુરૂષોત્તમ સ્વામીનારાયણ મંદિરમાં યોજાયો હતો. જ્યાં શહેરના તમામ સમાજના લોકો, વિવિધ સંસ્થાઓ, સંગઠનો ઉમળકાભેર કાર્યક્રમમાં જોડાયા હતા. ઉલ્લેખનીય છે કે રાજકોટમાં નવરાત્રિને લઇને કોર્પોરેશન અને પોલીસ ટીમે માગ્દર્શિકા જાહેર કરી છે. જેને અનુસંધાને 400 વ્યકિતઓની મર્યાદામાં ગરબાનુ આયોજન કરી શકાશે. આ ઉપરાંત દરેક વ્યકિતઓએ કોરોના વેક્સિનના બે ડોઝ લીધેલા હોવા જોઇએ. જયારે ઋણ સ્વીકાર સમારોહમાં 1500થી વધુ લોકો હાજર રહ્યા હતા. જ્યાં ઉપસ્થિત લોકોના વેક્સિનેશનના સર્ટીફીકેટનું ચેકીંગ પણ કરવામાં આવ્યું ન હતું. લોકોમાં નહીં ‘નેતા માટે બધી છૂટ’ની હોય તેવી ચર્ચા શરુ થઈ હતી.

દિવંગત પુત્રના જન્મદિવસની ઉજવણી ગરીબ બાળકો સાથે કરી
કાલે તેમના દિવંગત પુત્ર પુજીત રૂપાણીનો 25મોં જન્મદિવસ હતો. તેના ઊપલક્ષમાં પુજીત રૂપાણી ટ્રસ્ટ દ્વારા કચરો વિણતા બાળકોને ફનવર્ડમાં રાઈડ અને ભોજન કરાવવામાં આવ્યું હતું. આ અંગે વિજયભાઈ રૂપાણીએ જણાવ્યું હતું કે,મારા પુત્ર સ્વ.પુજીતના જન્મ દિવસે ટ્રસ્ટ દ્વારા ઝુંપડપટ્ટી વિસ્તારમાં કચરો વીણતા બાળકો એક દિવસ કિલ્લોલ કરે, આનંદ માણે તે માટે છેલ્લા 25 વર્ષથી આજના દિવસને બાળ સંગમ દિવસ તરીકે ઉજવીએ છીએ. અમે દરેક બાળકોમાં પુજીતના દર્શન કરીએ છીએ. દર વર્ષની જેમ આ વર્ષે પણ સ્વ. પુજીતના જન્મદિને કચરો વીણતા બાળકો ફનવર્લ્ડ ખાતે વિવિધ રાઇડ્સમાં બેસાડવામાં આવ્યા હતા. જેમાં તારક મહેતા સિરિયલના કલાકાર અંજલીભાભી ઉર્ફે નેહા મહેતા પણ ઉપસ્થિત રહ્યા છે.

આ કાર્યક્રમમાં તારક મહેતા સિરિયલના કલાકાર અંજલીભાભી ઉર્ફે નેહા મહેતા પણ ઉપસ્થિત રહ્યા હતા. આ અંગે તેમણે મીડિયાને જણાવ્યું હતું કે, હું ઘણું બધું શીખી રહી છું. વિજય અંકલ અને અંજલીમેમ દ્વારા પુજીતના જન્મદિન પર આટલું સારું કામ કરવામાં આવે છે. તો પુજીતનું પદાર્પણ કેટલા બાળકોમાં થયું હશે. અહીં ઉપસ્થિત બાળકોના આનંદ-ખુશીએ સ્વ પુજિતભાઇને ખરા અર્થમાં સ્મરણાંજલી મળી છે.

કચરો વીણતાં બાળકો સાથે ભોજન લીધું
ઉલ્લેખનીય છે કે દર વર્ષે વિજય રૂપાણી સ્વ.પુજીતના જન્મ દિવસ નિમિતે ગરીબ બાળકો સાથે જમીન પર બેસી ભોજન કરે છે. ત્યારે આજે પણ ફનવર્લ્ડ ખાતે વિજય રૂપાણી અને તેમના પત્ની તથા પુજીત રૂપાણી ટ્રસ્ટના ટ્રસ્ટી અંજલીબેન રૂપાણી કચરો વીણતાં બાળકો સાથે પંગતમાં બેસી ભારતીય બેઠકમાં ભોજન લીધું હતું.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..