દહેગામના બારીયા ગામમાં રહેતા પિતા અને પુત્રએ આર્થિક સંકડામણથી કંટાળી નર્મદા કેનાલમાં ઝંપલાવતા મોત

દહેગામઃ ગાંધીનગરના બારીયા ગામમાં રહેતા એક વૃદ્ધ પિતા અને પુત્રએ કેનાલમાં ઝંપલાવી જીંદગીનો અંત આણ્યો હતો. સોમવારે પિતા-પુત્રના મૃતદેહ રાયપુર નર્મદા કેનાલમાંથી મળી આવી હતી. ત્યારબાદ ડભોડા પોલીસને જાણ થતા તે ઘટના સ્થળે પહોંચી હતી. બાદમાં પોલીસે ગુનો નોંધીને આગળની કાર્યવાહી હાથ ધરી છે. પોલીસ તપાસમાં સામે આવ્યું કે, આર્થિક સંકડામણથી કંટાળીને પિતા-પુત્રએ કેનાલમાં ઝંપલાવ્યુ હોવાનું સામે આવ્યું છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

પોલીસના જણાવ્યા મુજબ, દહેગામ તાલુકાના બારીયા ગામમાં 65 વર્ષીય લક્ષ્મણજી અમરાજી ઠાકોર અને 35 વર્ષીય પુત્ર મુકેશ રહેતા હતા. પિતા વર્ષોથી અમદાવાદમાં ડુંગળી-બટાટાનો વ્યવસાય કરતા હતા. તો પુત્ર પણ શાકભાજી વેચવાનો વ્યવસાય કરતો હતો અને તેના લગ્ન થયા નહોતા. કોરોનાના કારણે તેઓેનો ધંધો પડી ભાગ્યો હતો. જેના કારણે તેઓ સતત ચિંતામાં રહેતા હતા. આ દરમિયાન બે દિવસ પહેલાં ઘરેથી નીકળ્યા હતા અને પછી રાયપુર નર્મદા કેનાલમાં ઝંપલાવી આત્મહત્યા કરી હતી.

પિતા-પુત્રએ કેનાલમાં ઝંપલાવ્યુ હોવાની જાણ તેઓના પરિવારને થતા તેઓએ ડભોડા પોલીસનો સંપર્ક કર્યો હતો. જે બાદ પોલીસ તરવૈયાઓની ટીમ સાથે ઘટના સ્થળે પહોંચી હતી. રવિવારે તેઓેનો પત્તો જડ્યો નહોતો. એ પછી સોમવારે ફરીથી બંનેની શોધખોળ શરૂ કરી હતી. ત્યારે લક્ષ્મણજી અને મુકેશની લાશ સાયફન પાસેથી મળી આવી હતી. એટલે પોલીસે બંનેના મૃતદેહને પોસ્ટમોર્ટમ માટે હોસ્પિટલ ખસેડીને આગળની કાર્યવાહી હાથ ધરી છે.

પોલીસની પ્રાથમિક તપાસમાં સામે આવ્યું કે, તેઓેનો વ્યવસાય પડી ભાગ્યો હતો. એટલે આર્થિક સંકડામણ અનુભવી રહ્યા હતા. એના કારણે તેઓએ આપઘાત કર્યો હોવાની શક્યતા છે. સ્થાનિકોનું માનીએ તો મુકેશની માનસિક સ્થિતિ પણ સારી નહોતી અને લક્ષ્મણજી પણ સતત ચિંતામાં રહેતા હતા. આર્થિક સંકડામણ અને માનસિક તણાવના કારણે આ પગલુ ભર્યુ હશે. ત્યારે આપઘાત પાછળ ચોક્કસ કારણ જાણવા માટે ડભોડા પોલીસે આગળની કાર્યવાહી હાથ ધરી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..