કપડવંજના ઘડિયા ગામના આર્મી જવાનનું સિક્કિમ ખાતે નિધન થતાં પરિવાર શોકમગ્ન, માદરે વતનમાં યાત્રા પસાર થતાં જવાનના પાર્થિવ દેહને લોકોએ શ્રદ્ધાંજલિ આપી

ખેડા જિલ્લાના કપડવંજ તાલુકાના ઘડીયાના વતની અને દેશ પ્રેમી આર્મી જવાનનું સિક્કિમ ખાતે નિધન થયું છે. આર્મી જવાનના પાર્થિવદેહને આજે ગુરૂવારે માદરે વતન લાવવામાં આવતાં પુરેપુરુ ગામ સહિત પંથક હિબકે ચઢ્યું છે.

ખેડા જિલ્લાના કપડવંજ તાલુકાના ઘડિયા ગામના 32 વર્ષીય આર્મી જવાન હિતેશ પરમારનું તાજેતરમાં સિક્કિમ ખાતે હાર્ટએટેક આવતાં અવસાન થયું છે. ગઈકાલે મોડી રાત્રે જવાનના પાર્થિવ દેહને અમદાવાદ એરપોર્ટ ખાતે લાવવામાં આવ્યો હતો. જ્યાંથી બીજા દિવસે એટલે કે આજે ગુરુવારની સવારે આર્મી જવાન હિતેશ પરમારના પાર્થિવ દેહને તેમના માદરે વતન કપડવંજ તાલુકાના ઘડિયા ગામે લવાયો છે.

આ પહેલા તાલુકા મથક કપડવંજ શહેરમાંથી યાત્રા પસાર થતાં તેમના પાર્થિવદેહને લોકોએ શ્રદ્ધાંજલિ અર્પી હતી. ચુસ્ત પોલીસ બંદોબસ્ત સાથે આર્મી જવાનના પાર્થિવદેહને માદરે વતન લાવવામાં આવ્યો છે. આ ઘટનાના પગલે પરિવાર શોકમગ્ન બન્યો છે તો ગામ અને પુરેપુરા પંથકમાં શોકની લાગણી પ્રસરી ગઈ છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..