વિશ્વનો શક્તિશાળી દેશ પણ બન્યો લાચાર, અમેરિકાની ભયાનક તસવીરો સામે આવી, રેફ્રિજરેટેડ ટ્રકમાં મૂકવામાં આવે છે મૃતદેહો

વિશ્વનો સૌથી શક્તિશાળી દેશ અમેરિકા કોરોના વાયરસ સામે લાચાર બની ગયો છે. દુનિયો સૌથી વિકસિત અને ટેકનોલોજીથી સજ્જ દેશ અમેરિકામાં કોરોના દર્દીઓ અને તેનો મૃત્યુ આંક ઝડપથી વધી રહ્યો છે. અમેરિકાના એવા ફૂટેજ સામે આવ્યા છે જેમાં ન્યૂયોર્કની બ્રૂકલીન હોસ્પિટલની બહાર મૃતદેહોને રેફ્રિજરેટેડ ટ્રકમાં રાખવામાં આવ્યા છે. ન્યૂયોર્કમાં કોરોનાના 50,000થી વધુ કેસ સામે આવ્યા છે જ્યારે 776 લોકોના મોત નીપજ્યા છે.

ડેઈલી મેલના અહેવાલ પ્રમાણે હોસ્પિટલની બહારથી કાર લઈને જઈ રહેલા વ્યક્તિએ તેનો વિડીયો ઉતાર્યો હતો. જેમાં મૃતદેહોને રેફ્રિજરેટેડ ટ્રકમાં મૂકવામાં આવી રહ્યા હતા. ન્યૂયોર્કની હોસ્પિટલો કોરોનાના દર્દીઓથી ઊભરાઈ રહી છે. અમેરિકામાં ન્યૂયોર્ક આ જીવલેણ વાયરસનું એપિસેન્ટર છે. સોમવારે સવાર સુધી અમેરિકામાં યુએસમાં 1,42,000 કેસ નોંધાયા છે અને 2,500 લોકોના મોત નીપજ્યા છે.

ન્યૂયોર્કમાં આગામી સપ્તાહે કોરોના વાયરસ તેની ટોચ પર પહોંચશે તેવી અપેક્ષા રાખવામાં આવી રહી છે અને તે સમયની પરિસ્થિતિનો સામનો કરવા માટે ન્યૂયોર્ક પાસે ઘણો ઓછો સમય રહ્યો છે.

વિડીયો લઈ રહેલો વ્યક્તિ બોલી રહ્યો છે કે, આ બ્રૂકલીન છે, આ બ્રૂકલીન હોસ્પિટલ છે, આ હકિકત છે. ન્યૂયોર્ક શહેર અને ન્યૂયોર્ક રાજ્ય બંનેમાં પરિસ્થિતિ ઘણી વિકટ છે.

આ ક્લિપ રવિવારે શેર કરવામાં આવી હતી અને આ જ દિવસે મેનહટન હોસ્પિટલના એક હેલ્થ વર્કરે એક ટ્રકની અંદરની તસવીરો શેર કરી હતી જેમાં મૃતદેહો મૂકવામાં આવ્યા હતા.

38 વર્ષીય વર્કરે રવિવારે પોતાની શિફ્ટ પૂરી થયા બાદ લીધો હતો અને તે કોરોનાથી અમેરિકામાં કેવી ભયાનક સ્થિતિ છે તેનો ચિતાર દેખાડવા માટે લીધો હતો.

ન્યૂયોર્ક શહેરની હોસ્પિટલોની બહાર શબઘર બનાવવામાં આવ્યા છે જેમાં મૃતકોને રાખવામાં આવે છે. છેલ્લે ન્યૂયોર્કમાં 11 સપ્ટેમ્બર 2011ના આતંકી હુમલા બાદ આ પ્રકારના શબઘર હોસ્પિટલોની બહાર બનાવવામાં આવ્યા હતા.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..