ગુજરાતમાં કોરોનાનો કહેર યથાવત: છેલ્લા 24 કલાકમાં કોરોના નવા 1329 કેસ નોંધાયા: કુલ કેસનો આંકડો 1,08,295 થયો
ભારતમાં કોરોના વાયરસના કેસ 43 લાખને પાર પહોંચી ચૂક્યા છે ત્યારે હવે ગુજરાતમાં કોરોનાના એક દિવસના અત્યાર સુધીના સૌથી વધુ કોરોનાના કેસ સાથે કુલ આંકડો 1 લાખને પાર પહોંચી ચુક્યો છે. ત્યારે રાજ્યમાં છેલ્લા 24 કલાકમાં કોરોનાના નવા 1329 દર્દીઓ નોંધાયા છે.
ગુજરાત આરોગ્ય વિભાગે જાહેર કરેલ આંકડા અનુસાર રાજ્યમાં છેલ્લા 24 કલાકમાં 1329 નવા કોરોનાના કેસ નોંધાયા છે. આ સાથે જ રાજ્યમાં કુલ કેસનો કુલ આંક 1,08,295 પર પહોંચ્યો છે. તો આજે 1336 દર્દીઓ સાજા થયા છે. રાહતની વાત એ છે કે, રાજ્યમાં રિકવરી રેટ 82.01% પર પહોંચ્યો છે. ગુજરાતમાં હાલ એક્ટિવ કેસ માત્ર 16,328 છે. આજે સંક્રમણથી 16 દર્દીઓના મોત થતાની સાથે મૃત્યુઆંક 3152 પર પહોંચ્યો છે.
આજે મહાનગરો સુરતમાં 266, અમદાવાદમાં 171 કેસ, રાજકોટમાં 154 સૌથી વધુ કેસ નોંધાયા છે. આજે સમગ્ર રાજ્યમાં સૌથી ઓછા કેસ પોરબંદર અને અરવલ્લી જિલ્લામાં નોંધાયા છે.
સૌથી વધુ આ જિલ્લામાં સાજા થયા દર્દી
રાજ્યમાં આજે 1336 દર્દીઓ સાજા થયા છે જેમાં સૌથી વધુ સુરતમાં 276, જામનગરમાં 113, રાજકોટમાં 240 દર્દીઓ સાજા થયા છે.
આપને જણાવી દઇએ કે, છેલ્લા 24 કલાકમાં ગુજરાતમાં 16 દર્દીઓના સારવાર દરમિયાન મોત થયાં છે. જેમાં અમદાવાદમાં 4 દર્દીઓના મોત થયાં છે. ત્યારબાદ સુરતમાં 4, રાજકોટમાં 2, ગાંધીનગર 2, મહિસાગર 1, સુરેન્દ્રનગર 1 અને વડોદરામાં 2 લોકોના મોત થયાં છે.
રાજ્યમાં કોરોના વાયરસના વધતા સંક્રમણના કારણે કોરોનાના ટેસ્ટિંગની સંખ્યામાં પણ વધારો કરવામાં આવી રહ્યો છે. હાલ રાજ્ય કુલ 61 લેબોરેટરી કાર્યરત છે અને છેલ્લા એક મહિનાથી રેપિડ એન્ટીજન કિટનો પણ મોટા પ્રમાણમાં ઉપયોગ કરવામાં આવી રહ્યો છે. જણાવી દઇએ કે, ગત 24 કલાકમાં 75,936 ટેસ્ટ કરવામાં આવ્યા હતા. તો રાજ્યમાં અત્યાર સુધીમાં કુલ 30,01,383 ટેસ્ટ કરવામાં આવ્યા છે. ત્યારે છેલ્લા 24 કલાકમાં ગુજરાતના વિવિધ જિલ્લામાં નોંધાયેલા કેસની વિગતો નીચે મુજબ છે.
| 09/09/2020 | પોઝિટિવ કેસ |
| અમદાવાદ | 171 |
| સુરત | 266 |
| વડોદરા | 126 |
| ગાંધીનગર | 35 |
| ભાવનગર | 46 |
| બનાસકાંઠા | 12 |
| આણંદ | 12 |
| રાજકોટ | 154 |
| અરવલ્લી | 7 |
| મહેસાણા | 22 |
| પંચમહાલ | 29 |
| બોટાદ | 9 |
| મહીસાગર | 16 |
| ખેડા | 11 |
| પાટણ | 25 |
| જામનગર | 113 |
| ભરૂચ | 24 |
| સાબરકાંઠા | 11 |
| ગીર સોમનાથ | 14 |
| દાહોદ | 22 |
| છોટા ઉદેપુર | 11 |
| કચ્છ | 13 |
| નર્મદા | 8 |
| દેવભૂમિ દ્વારકા | 18 |
| વલસાડ | 13 |
| નવસારી | 11 |
| જૂનાગઢ | 37 |
| પોરબંદર | 7 |
| સુરેન્દ્રનગર | 13 |
| મોરબી | 30 |
| તાપી | 14 |
| ડાંગ | 0 |
| અમરેલી | 29 |
| અન્ય રાજ્ય | 0 |
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..