ગુજરાતમાં કોરોનાનું સંક્રમણ યથાવત: છેલ્લા 24 કલાકમાં કોરોનાના નવા 1335 કેસ નોંધાયા: કુલ કેસનો આંકડો 1,45,362 થયો

કોરોના મહામારીમાં ગુજરાતની સ્થિતિ ખુબ જ ચિંતાજનક સ્તરે પહોંચી ગઇ છે. રાજ્યમાં ગત થોડા દિવસો પહેલા 1400થી વધુ પોઝિટિવ કેસ આવતા હતા તેમા છેલ્લા કેટલાક દિવસથી ઘટાડો થયો છે. રોજેરોજ ઊંચે જતા કોરોનાનાના ચેપના ફેલાવાના ગ્રાફમાં આજે 1335 પોઝિટિવ કેસ આવ્યા છે. ગુજરાતમાં કોવિડ-19ના કુલ કેસોની સંખ્યા વધીને 1,45,362એ પહોંચી છે. જ્યારે રાજ્યમાં વધુ 10 દર્દીઓએ દમ તોડતા ગુજરાતમાં કૂલ મૃત્યુઆંક વધીને 3522એ પહોંચ્યો છે. જ્યારે 1473 લોકોએ છેલ્લા 24 કલાકમાં કોરોનાને મ્હાત આપી છે. ગુજરાત માટે સૌથી મોટા ખુશ ખબર એ છે કે રાજ્યમાં સાજા થવાનો દર 86.16 ટકા છે. ત્યાં જ આજે રાજ્યમાં 51,879 ટેસ્ટ કરવામાં આવ્યા હતા.

કોરોનાનાના ચેપના ફેલાવાના ગ્રાફમાં આજે સુરત 281, અમદાવાદ 187, રાજકોટ 147, વડોદરા 126, જામનગર 94, મહેસાણા 49, પાટણ 37, અમરેલી 33, ભરૂચ 32, બનાસકાંઠા 31, ભાવનગર 34, ગાંધીનગર 48, પંચમહાલ 24, જુનાગઢ 35, મોરબી 19, કચ્છ 18, સુરેન્દ્રનગર 18, સાબરકાંઠા 14, આણંદ 13, ગીર સોમનાથ 13, નર્મદા 13, મહીસાગર 12, તાપી 11, નવસારી 8, ખેડા 7, અરવલ્લી 6, દાહોદ 6, છોટા ઉદેપુર 5, દેવભૂમિ દ્વારકા 5, બોટાદ 4, પોરબંદર 2, વલસાડ 2, ડાંગ 1 મળી કુલ 1335 કેસો મળ્યા છે.

આરોગ્ય વિભાગની અખબારી યાદીમાં વિતેલા 24 કલાકમાં અમદાવાદ કોર્પોરેશન 3, સુરત 3, ગાંધીનગર 1, રાજકોટ 1, સુરત કોર્પોરેશન 1, વડોદરા કોર્પોરેશન 1 વ્યક્તિએ દમ તોડયો હતો. આમ આજે વિતેલા 24 કલાકમાં કુલ 10 લોકોના મોત નિપજ્યા છે. ગુજરાતમાં કૂલ મૃત્યુઆંક વધીને 3522એ પહોંચ્યો છે.

ગુજરાતમાં અત્યાર સુધીમાં કુલ 125243 નાગરીકો સાજા થઈ ગયા છે. 3522ના અવસાન થયા છે. જ્યારે આજે છેલ્લી સ્થિતિ મુજબ 16,597 સારવાર હેઠળના દર્દીઓ પૈકી 91 વેન્ટિલેટર ઉપર રાખવામાં આવ્યા છે અને 16,506 સ્ટેબલ છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..