ગુજરાતમાં કોરોનાનું સંક્રમણ યથાવત: છેલ્લા 24 કલાકમાં કોરોનાના નવા 1124 કેસ નોંધાયા: કુલ કેસનો આંકડો 1,87,240 થયો
ગુજરાત (Gujarat)માં કોરોના મહામારીની (Corona Epidemic) સ્થિતિ ચિંતાજનક સ્તરે પહોંચી ગઇ છે. ગત કેટલાક દિવસથી રાજ્યમાં કોરોના વાયરસ (CoronaVirus)ના દૈનિક નોંધાતા કેસની સંખ્યામાં ઘટાડો થયો હતો. પરંતુ હવે જેમ-જેમ દિવાળીનો તહેવાર સામે આવી રહ્યો છે અને લોકો બેફીકર બની ખરીદી માટે બજારોમાં ઉભરાય રહ્યા છે તેમ-તેમ રાજ્યમાં કોરોનાના કેસનો રાફડો ફાટી રહ્યો છે. હવે તો રાજ્યમાં કોરોનાનાં કેસની સંખ્યા 1100ને પાર પહોંચી ગઇ છે. આજે કોરોનાનાના ચેપના ફેલાવાના ગ્રાફમાં આજે 1124 પોઝિટિવ કેસ આવ્યા છે (Today 1124 Corona Positive Case In Gujarat). ગુજરાતમાં કોવિડ-19 (Covid-19)ના કુલ કેસોની સંખ્યા વધીને 1,87,240એ પહોંચી છે. જ્યારે રાજ્યમાં વધુ 6 દર્દીઓએ દમ તોડતા ગુજરાતમાં કૂલ મૃત્યુઆંક વધીને 3797એ પહોંચ્યો છે. જ્યારે 995 લોકોએ છેલ્લા 24 કલાકમાં કોરોનાને મ્હાત આપી છે. ગુજરાત માટે સૌથી મોટા ખુશ ખબર એ છે કે રાજ્યમાં સાજા થવાનો દર 91.29 ટકા છે. ત્યાં જ આજે રાજ્યમાં 52,973 ટેસ્ટ કરવામાં આવ્યા હતા.
કોરોનાનાના ચેપના ફેલાવાના ગ્રાફમાં અમદાવાદ કોર્પોરેશન 198, સુરત કોર્પોરેશન 143, વડોદરા કોર્પોરેશન 100, રાજકોટ કોર્પોરેશન 96, બનાસકાંઠા 60, મહેસાણા 55, રાજકોટ 48, સુરત 42, વડોદરા 35, સુરેન્દ્રનગર 33, ગાંધીનગર કોર્પોરેશન 32, પાટણ 30, સાબરકાંઠા 22, ખેડા 19, ગાંધીનગર 18, અમદાવાદ 17, મોરબી 17, પંચમહાલ 15, અમરેલી 14, દાહોદ 12, જામનગર કોર્પોરેશન 12, મહીસાગર 12, જામનગર 11, ભરૂચ 10, કચ્છ 10, આણંદ 9, ભાવનગર કોર્પોરેશન 8, ગીર સોમનાથ 7, જુનાગઢ કોર્પોરેશન 7, જુનાગઢ 6, તાપી 6, અરવલ્લી 5, બોટાદ 4, દેવભૂમિ દ્વારકા 3, વલસાડ 3, ભાવનગર 2, છોટા ઉદેપુર 1, ડાંગ 1, પોરબંદર 1 કેસ સામે આવ્યા છે.
આરોગ્ય વિભાગની અખબારી યાદીમાં વિતેલા 24 કલાકમાં ગુજરાતમાં મોતનો આંકડો વધ્યો છે. આજે રાજ્યમાં 6 દર્દીના મોત નિપજ્યા છે. આજે અમદાવાદ કોર્પોરેશન 2, અમરેલી 1, બનાસકાંઠા 1, ગાંધીનગર કોર્પોરેશન 1, સુરત કોર્પોરેશન 1 વ્યક્તિએ દમ તોડયો હતો. આમ આજે વિતેલા 24 કલાકમાં કુલ 6 લોકોના મોત નિપજ્યા છે. ગુજરાતમાં કૂલ મૃત્યુઆંક વધીને 3797એ પહોંચ્યો છે.
ગુજરાતમાં અત્યાર સુધીમાં કુલ 1,70,931 નાગરીકો સાજા થઈ ગયા છે. 3797ના અવસાન થયા છે. જ્યારે આજે છેલ્લી સ્થિતિ મુજબ 12,512 સારવાર હેઠળના દર્દીઓ પૈકી 71 વેન્ટિલેટર ઉપર રાખવામાં આવ્યા છે અને 12,441 સ્ટેબલ છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..