જૂનાગઢની જેલમાં નિયમોના ઉડ્યા લીરેલીરા: કેદીઓએ ફટાકડા ફોડી જન્મદિવસની ઉજવણી કરી, સોશિયલ મીડિયામાં વીડિયો વાયરલ

ગુજરાતની જેલો ગેંગસ્ટરો અને ખૂંખાર કેદીઓ માટે અય્યાશીનો અડ્ડો બની ગઈ છે. જેલોમાં કેદીઓના જાપ્તામાંથી મોબાઈલ સહિતના સાધનો મળવાની ઘટનાઓ અવારનવાર સામે આવતી રહે છે, ત્યારે જૂનાગઢની જેલ તો જાણે કેદીઓ માટે સ્વર્ગ બની ગઈ હોય તેવો મામલો સામે આવ્યો છે. હકીકતમાં જૂનાગઢની જેલમાં બંધ કેદીઓ ઠાઠમાઠથી બર્થ ડે પાર્ટીની ઉજવણી કરતાં હોય તેવો વીડિયો સામે આવ્યો છે. જો કે અહેવાલ બાદ જૂનાગઢ પોલીસ હરકતમાં આવી હતી અને વીડિયોની ખરાઈ કરવા માટે LCBની ટીમ જૂનાગઢ જેલમાં પહોંચી હતી.

હકીકતમાં કેદીઓને જેલના અનેક નિયમોનું ચુસ્ત પાલન કરવાનું હોય છે, પરંતુ જૂનાગઢની જેલમાં કેદીઓ ફટાકડા ફોડી રહ્યાં છે અને બર્થ ડે પાર્ટી ઉજવી રહ્યાં છે.

જેલમાં ઉજવાયેલી આ બર્થ ડે પાર્ટીનો વીડિયો જાન્યુઆરીનો હોવાનું કહેવાય રહ્યું છે. આ ઉજવણીમાં બર્થ ડે કેક પર ગન અને બિયર પણ જોવા મળી રહી છે. આટલું જ નહીં, આ બર્થ ડે પાર્ટીની ઉજવણી માટે બહારથી પણ કેટલાક લોકો જેલની અંદર પ્રવેશ્યા હોવાની ચર્ચા થઈ રહી છે. બર્થ ડે પાર્ટીની ઉજવણીની ઈન્સ્ટાગ્રામ સ્ટોરી પોસ્ટ કરવામાં આવી છે. જેમાં બેક ગ્રાઉન્ડમાં અપને ભાઈ કા બર્થ ડે અને ગુજરાતી ગીતો સંભળાઈ રહ્યાં છે.

આ બાબતના અહેવાલ ન્યૂઝમાં પ્રસારિત થતાં જૂનાગઢ પોલીસ હરકતમાં આવી હતી. જૂનાગઢ LCBની ટીમે જેલમાં પહોંચી તપાસ હાથ ધરી હતી. સોશિયલ મીડિયામાં વાયરલ થઈ રહેલા વીડિયોની ખારાઈ દરમિયાન બે અલગ-અલગ પ્રકારના વીડિયો હોવાનું સામે આવ્યું હતું. જેમાં એક વીડિયો જૂનાગઢની જેલનો હોવાની માહિતી મળી છે, જ્યારે બીજો વીડિયો ગોંડલની જેલનો હોવાની શક્યતા છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..