ચોમાસામાં પેટમાં ભારેપણું, ગેસ, અપચો અને બ્લોટિંગને તરત જ દૂર કરી દેશે આ 6 દેશી ઉપચાર, અચૂક કરો ટ્રાય, જાણો અને શેર કરો

ચોમાસામાં ખાસ પેટ સંબંધી સમસ્યાઓ વધી જતી હોય છે. જેના કારણે ઘણાં લોકોને ખૂબ જ પરેશાની થાય છે. આજે અમે તમને ગેસ, આફરો, બ્લોટિંગ, પેટમાં ભારેપણું દૂર કરવાના બેસ્ટ ઉપાય જણાવીશું.

ભારે ખોરાક અને બેઠાડું જીવનની દેન છે ગેસ, આફરો અને અપચો. પણ અત્યારે ચોમાસાની સીઝન પણ શરૂ થઈ ગઈ છે અને આ સીઝનમાં પાચનશક્તિ નબળી થઈ જાય છે. બફારો પણ આપણાં પાચન પર અસર કરે છે. જેના કારણે માથું દુખવા લાગે છે અને ખાટાં ઓડકાર પણ આવે છે. પેટ દુખવા લાગે છે. જેથી આજે અમે તમને કેટલાક કારગર નુસખા જણાવીશું, જે તમારી આ બધી સમસ્યાઓ દૂર કરશે.

જીરું
1 ગ્લાસ છાશમાં 1 ચમચી શેકેલા જીરાનો પાઉડર મિક્સ કરીને પીવાથી ગેસ અને કબજિયાતમાં રાહત મળે છે.

ફુદીનાના પાન
જો ભોજન કર્યા બાદ પેટ ભારે લાગે તો ફુદીના તાજા પાન ચાવીને ખાઈ લેવા, તરત આરામ મળશે

મેથીના દાણા
વધુ ખાઈ લેવાને કારણે ગેસની સમસ્યા થાય છે, જેમાં અડધી ચમચી મેથી દાણાની સાથે થોડું સિંધવ મીઠું મિક્સ કરીને ખાવાથી તરત રાહત મળશે, કબજિયાત માટે પણ આ રામબાણ ઉપાય છે

આદુ
ગેસ થયો હોય તો આદુના કટકાને ધીરે-ધીરે ચાવીને તેનો રસ ચૂસવાથી 15 મિનિટમાં જ ગેસની સમસ્યામાં રાહત મળે છે, નિયમિત પ્રયોગથી ગેસની તકલીફ દૂર રહે છે

અળસી
દરરોજ એક ચમચી અડસી કે તેનો પાઉડર ખાવાથી ગેસ અને કબજિયાતની સમસ્યા દૂર થાય છે.

બેકિંગ સોડા
1 ગ્લાસ પાણીમાં અડધી ચમચી બેકિંગ સોડા મિક્સ કરીને પીવાથી ગેસ અને અપચાની સમસ્યામાં રાહત મળે છે.

હર્બલ ટી
પેટમાં બ્લોટિંગ અને આફરો દૂર કરવો હોય તો 1 ગ્લાસ પાણીમાં અડધી ચમચી જીરું, અડધી ચમચી વરિયાળી અને અડધી ચમચી અજમો લઈને અડધું રહે ત્યાં સુધી પાણી ઉકાળી લો. પછી તેને ગાળીને તેમાં 1 ચમચી લીંબુનો રસ નાખીને પીવો. આ ઉપાય જમ્યાના 1 કલાક પછી કરવો.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..