દરેક વ્યક્તિને સૂવાની અમુક પ્રકારની વિશેષ આદતો હોય છે. તેમાંય ઓશીકુ તમારી ઊંઘની કમ્ફર્ટમાં મોટો ભાગ ભજવે છે. અમુક લોકોને તો તેમના ઓશીકા સિવાય ઊંઘ પણ નથી આવતી.
ઓશીકાની જાડાઈ, સોફ્ટનેસ, મટિરિયલ દરેક અંગે માણસની પોતપોતાની ચોઈસ હોય છે. આવામાં કોઈ તમને ઓશીકા વિના ઊંઘવાનું કહે તો શું થાય? પહેલા તો તમે ના જ પાડી દેશો. પરંતુ ઓશીકા વિના સૂવાથી તમારા શરીરને થતા ફાયદા અંગે જાણીને તમને આ પ્રયોગ કરવાનું મન ચોક્કસ થશે. શક્ય છે થોડા જ દિવસમાં તમારુ શરીર પણ ઓશીકા વિના સૂવા ટેવાઈ જાય? એ પણ શક્ય છે કે ઓશીકા વિના તમને વધુ સારી ઊંઘ આવે. વાંચો ઓશીકા વિના ઊંઘો તો તમારા શરીરમાં કેવા કેવા ફેરફાર આવે છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
ઊઠો ત્યારે ગરદનમાં દુઃખાવો રહે છે? આપણામાંથી ઘણા લોકોએ પૂરતી ઊંઘ ન મળે તો બીજો દિવસ કેવો જાય તેનો અનુભવ કર્યો જ હશે. ઊંઘ સારી અને પૂરતી ન થાય તો બીજા દિવસે સાદા કામ કરવામાં પણ જીવ નથી લાગતો. ઘણીવાર ઊઠીએ ત્યારે ડોક પણ રહી જાય છે કે ગરદન જકડાઈ જાય છે.
ઘણીવાર ઊઠવા સાથે માથુ દુઃખતુ હોવાનો અહેસાસ થાય છે. તમને નવાઈ લાગશે આ બધાનો સંબંધ ઓશીકા સાથે છે. જો તમારે સારી, સ્વસ્થ ઊંઘ લેવી હોય તો તમારે ઓશીકા વિના સૂવાની આદત પડવી જોઈએ. સોફ્ટ ઓશીકુ વાપરવાના ગેરફાયદાઃ ઓશીકા વિના સૂઓ ત તમારી પીઠ લંબાઈ શકે છે અને તે કુદરતી રીતે આરામ કરી શકે છે.
તકિયો અને ખાસ કરીને સોફ્ટ તકિયો વાપરો તો તમારી ડોકના મસલ્સ પર જોર આવે છે. તેને કારણે માથામાં પહોંચતા લોહીનો સપ્લાય પણ ખોરવાઈ શકે છે. સોફ્ટ પિલોમાં તમારુ માથુ ખૂંપી જતુ હોય તો તમારા માથાને પણ પૂરતો સપોર્ટ નથી મળતો. આ કારણે શ્વસનતંત્રમાં એર ફ્લોમાં પણ બાધા ઊભી થાય છે.
આ કારણે તમે બીજા દિવસે ઊઠો ત્યારે તમને માથુ દુઃખતુ હોય તેવો અહેસાસ થાય છે. કડક ઓશીકાના પણ છે ગેરફાયદાઃ બીજી બાજુ તમે માથા નીચે કડક તકિયુ રાખો અથવા તો એક કરતા વધુ તકિયા રાખો તો તમારી કરોડરજ્જુની પોઝિશન બગડે છે, આ કારણે કમરમાં દુઃખાવો થવાની શક્યતા રહે છે. લાંબો સમય આ સ્થિતિમાં સૂવાથી તમને ક્રોનિક બેક પેઈનની સમસ્યા થઈ શકે છે. તમારી પીઠના મસલ પર પણ ઘણું જોર પડે છે.
જો તમને આવો અહેસાસ થતો હોય તો તાત્કાલિક તકિયા બદલી નાંખો. એક રાત હેડ કે નેક સપોર્ટ વિના સૂવાનું ચાલુ કરો, તમને મહેસૂસ થશે કે તમારી ડોક અને કમરનો દુઃખાવો ગાયબ થઈ ગયો છે. શરીરને મળે છે રાહતઃ તકિયા વિના સૂવાથી શરીરને મહત્તમ આરામદાયક પોઝિશન મળે છે. જો વ્યવસ્થિત સપોર્ટ ન આપતા તકિયા વાપરીએ ત્યારે શરીરે ડોક અને કમરના મસલ્સને સપોર્ટ આપવા મહેનત કરવી પડે છે.
આથી તમારા શરીરને રોજબરોજના સ્ટ્રેસ સામે લડવા માટે પૂરતો આરામ નથી મળતો. તમે ઓવરટાઈમ કામ કરો ત્યારે મસલ્સ પર દબાણ વધે છે, લાંબો સમય આ પરિસ્થિતિ ચાલે તો તે દુઃખાવામાં પરિણમે છે. આવુ થાય તો ડોક્ટરને બતાવોઃ જો તમારા મસલ્સને લાંબો સમય સુધી તણાવ પડ્યો હોય તો તમારો દુઃખાવો ક્રોનિક બની જાય છે. તમને સરખી ઊંઘ ન આવતી હોય, વારંવાર ઊંઘમાંથી ઊઠી જતા હોવ, પલંગમાં પડખા બદલ્યા કરતા હોવ તો આ બધા જ લક્ષણો જણાવે છે કે તમારે ડોક્ટરની મદદની જરૂર છે.
આ આદતોને કારણે પૂરતી ઊંઘ નથી થતી અને વ્યગ્રતા તથા સ્ટ્રેસ વધે છે. તમે સવારે ઊઠો ત્યારે હળવેથી શરીર સ્ટ્રેચ કરવાની આદત પાડો. આમ કરવાથી તમારા શરીરને ફાયદો થશે. ચહેરા પર પણ દેખાશે ચમકઃ તમે ઓશીકુ લઈ સૂવો ત્યારે તમારી સ્કિન સતત કલાકો સુધી ઓશીકા સાથે ઘસાયેલી રહે છે.
ઓશીકા વિના સૂવાથી ત્વચાને હવા મળશે અને તે રીતસર શ્વાસ લઈ શકશે. આમ કરવાથી તમને પરસેવો પણ વધારે થશે અને તમારી સ્કિન પરનો કચરો, ઓઈલ વગેરે નીકળી જશે. નાક કે ચહેરા પરના બ્લેકહેડ્સ દૂર થશે અને ત્વચા ચમકવા માંડશે. કેવી રીતે આદત પાડવી? તમે એક વાર તકિયા વિના સૂવાની આદત પાડશો પછી તમને જીવનમાં ક્યારેય ફરી તકિયાની જરૂર નહિ પડે.
શરૂઆતમાં એક કપડુ વાળીને તકિયાની જગ્યાએ મૂકો. આમ કરવાથી તમને માથાની સાઈડ થોડી હાઈટ મળશે. તેનાથી તમારુ શરીર ટેવાય એટલે આ કપડાની જાડાઈ ઘટાડતાજાવ. થોડા અઠવાડિયામાં તમારુ શરીર અને ગરદન તકિયા વિના સૂવા ટેવાઈ જશે અને આખુ શરીર એક લાઈનમાં આરામ કરી શકશે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends…