કહેવાય છે કે ભાગ્ય ઉંટ જેવું છે તેને જોઈને કોઈ અંદાજો ન કરી શકે કે તે કઈ તરફ વળીને બેસશે. આજે જે લોકો બીજાની દુકાનોમાં, કંપનીમાં અને મકાનમાં થોડા રુપિયા માટે જાત ઘસી રહ્યા છે તે કાલે દરેક પ્રકારે પોતાનિ હેસિયતથી અનેક ગણા મોટા બની જઈ શકે છે. આમ તો સમયની ગાડીને કોઈ સ્ટેરિંગ નથી હોતું પરંતુ જે વ્યક્તિ પોતાના પગભર ઉભવા સાથે જ મહેનત વરેલો રહે છે તે હંમેશા તેના પર કાબૂ મેળવી જ લે છે. રાહુલ તનેજાની કહાની પણ એવી જ કંઈ છે. આવો જાણીએ એક સમયે લોકોના એઠા વાસણ ઉપાડનાર છોકરાએ આજે પોતાની કિસ્મતને કઈ હદ સુધી બદલી દીધી છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
મધ્યપ્રદેશના કટલામાં જન્મેલા રાહુલ તનેજા 18 વર્ષ પહેલા એક ઢાબા પર માત્ર 150 રૂપિયામાં કામ કરતા હતા. વિશ્વના અસંખ્ય લોકો તે પરિસ્થિતિમાંથી પસાર થાય છે, જે સ્થિતિમાં રાહુલ હતા, જેમાંના મોટાભાગના લોકોએ આખું જીવન આ સંજોગોમાં જ પસાર કરી દે છે, પરંતુ રાહુલ તનેજાનું ભાગ્ય અન્ય લોકોની જેમ ન હતું. ઢાબા પર કામ કરતા આ વ્યક્તિએ વર્ષ 2018માં દેશભરના અખબારોની હેડલાઇન્સમાં જગ્યા બનાવી હતી. તેમણે પોતાની રુપિયા 1.5 કરોડની કાર માટે 16 લાખના ખર્ચે નંબર પ્લેટ ખરીદી. તેમણે પોતાની લક્ઝરી કાર માટે આરજે 45 સીજી 001 નંબર 16 લાખમાં ખરીદ્યો હતો. આ પહેલી વખત નથી જ્યારે તનેજાએ પોતાના વાહનના નંબર ખરીદવા માટે ચર્ચામાં આવ્યા હોય. પરંતુ તે પહેલાં તેમણે 2011 માં પોતાની BMW 7 સીરીઝ માટે 10 લાખની કિંમતનો વીઆઈપી નંબર 0001 ખરીદ્યો હતો. પરિવહન અધિકારીઓના મતે, તેમના દ્વારા ખરીદવામાં આવેલ 16 લાખનો નંબર તે સમય સુધીનો દેશની સૌથી મોંઘો નંબર હતો. તે અગાઉ 11 લાખ રૂપિયા સુધીમાં વાહનોના નંબર વેચાયા હતા.
સુએઝ ફાર્મ્સમાં રહેતા રાહુલ તનેજા એક ઇવેન્ટ મેનેજમેન્ટ કંપનીના માલિક છે. ટાયરને પંચર કરનારા પિતાના આ પુત્રની નાની આંખોમાં ઘણા સમય પહેલાથી જ મોટા સ્વપ્નો તરવા લાગ્યા હતા. આ જ કારણ હતું કે રાહુલ નાની ઉંમરે ઘર છોડીને મધ્યપ્રદેશથી રાજસ્થાનના જયપુર સ્થળાંતર થયા હતા. પોતાનું પેટ ભરવા માટે તેમણે અહીં આદર્શનગરમાં એક ઢાબા પર કામ કરવાનું શરૂ કર્યું. આખો દિવસ કામ કરવાને બદલે મહિનાના અંતમાં તેને ઢાબામાંથી 150 રૂપિયા મળતા હતા. રાહુલ સાથે એક વાત સારી રહી કે મુશ્કેલ સંજોગોમાં પણ તેમણે અભ્યાસ છોડ્યો નહીં.
નોકરી કરવાની સાથે સાથે તેમણે રાજા પાર્ક સ્થિત આદર્શ વિદ્યા મંદિરમાં પ્રવેશ લીધો અને પોતાના દમ પર જ અભ્યાસ શરૂ કર્યો. અહેવાલો સૂચવે છે કે રાહુલે મિત્રોનું પુસ્તક, કોપી અને ગાઈડ માગીને પોતાનો અભ્યાસ ચાલુ રાખ્યો હતો અને 92 ટકા ગુણ મેળવ્યા હતા. રાહુલે પોતાના એક ઇન્ટરવ્યુમાં કહ્યું હતું કે તેણે બે વર્ષ સુધી એક ઢાબા પર કામ કર્યું હતું, ત્યારબાદ તેણે દિવાળી પર ફટાકડા વેચવા અને હોળી પર રંગ વેચવા જેવા અનેક પ્રકારનાં કામ કર્યા હતા. તેમજ તેમણે રક્ષાબંધન દરમિયાન રાખડીઓ અને મકરસંક્રાંતિ પર પતંગ વેચવાનું કામ પણ કર્યું હતું. પોતાની જરૂરિયાત અને પેટની ભૂખ માટે તેમણે ઘરે ઘરે સમાચારપત્ર વહેંચવાનું કામ પણ કર્યું અને કેટલીકવાર ઓટો રિક્ષા પણ ચલાવી.
એ જ રીતે રાહુલ પોતાની જરૂરિયાતો પૂરી કરવા માટે વિવિધ કામ કરતા રહ્યા. પછી 1998 માં તેમને એક રસ્તો જોયો, જે તેમને ખૂબ આગળ લઈ ગયો. મહેનતુ હોવા સાથે રાહુલે પોતાની ફિટનેસ ઉપર પણ પૂરું ધ્યાન આપતા હતા. તેમના સારા દેખાવને જોઈને તેના મિત્રોએ તેમને મોડેલિંગ કરવાની સલાહ આપી. રાહુલે તેમની સલાહને અનુસરીને મોડેલિંગ પણ શરૂ કરી દીધું અને પછી તેમને મોડેલિંગનો ચસ્કો લાગી ગયો. આ સમય દરમિયાન તેમણે એક ફેશન શોમાં ભાગ લીધો હતો. ભાગ્ય સારું હતું અને 1998માં રાહુલને જયપુર ક્લબ દ્વારા આયોજિત એક ફેશન શોમાં વિજેતા પસંદ કરવામાં આવ્યો હતો. આ પછી તેમણે 8 મહિના ફેશન શો કર્યા. ફેશન શો કરવા સાથે રાહુલ આ શોનું આયોજન કેવી રીતે કરવામાં આવે છે તેના પર પણ નજર રાખતા હતા.
આ શોના આયોજન વિશે માહિતી મળ્યા પછી તેમણે નક્કી કર્યું કે હવે તે સ્ટેજ પર નહીં પરંતુ બેક સ્ટેજ પર પરફોર્મ કરશે. એટલે કે હવે રાહુલે શોમાં ભાગ ન લેતા આવા શોની આખી ઇવેન્ટને હેન્ડલ કરવાનું કામ શરૂ કર્યું હતું. આ પછી તેમણે ઇવેન્ટ મેનેજમેન્ટ કંપની ખોલી. રાહુલ આ કંપનીને પોતાની રીતે આગળ વધારતા ગયા અને ત્યાર બાદ તેમણે ક્યારેય જીવનમાં પાછું વળીને જોયું નહીં.
જે 001 નંબર જેના માટે રાહુલ ચર્ચામાં આવ્યા હતા તેની પણ એક અલગ કહાની છે. ખરેખર તો રાહુલને નંબર 1 સાથે ખૂબ પ્રેમ છે. તેમના વાહનો માટે નંબર 1 ખરીદવા ઉપરાંત, તેમના ફોન નંબર પર પણ દસમાંથી સાત અંકોમાં 1 નંબર આવે છે. તેમની બધી કારના નંબરમાં પણ 1 અંક છે. રાહુલે દેશના સૌથી મોંઘા કાર નંબર ખરીદ્યા તે પહેલા ચંદીગઢમાં રુ 11.83 લાખમાં એક નંબર વેચાયો હતો. રાહુલ તનેજાએ પોતાની પ્રથમ નંબરની ઇચ્છા વિશે જણાવ્યું હતું કે તેમણે દોઢસો રુપિયા પગારમાં ઢાબામાં નોકરી કરી, ફૂટપાથ પર જેકેટ વેચ્યા, અખબારો વહેંચ્યા, ઓટો ચલાવીને પેટ ભર્યું છે. તો હું જાણું છું કે ગરીબી એ શું હોય છે. અને તેમાંથી જ મને હંમેશા નંબર 1 પર રહેવાની ઇચ્છા જાગી છે આ જ કારણે જ આ નંબર ખરીદ્યો હતો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..