શિયાળાની ઋતુ ખૂબ જ આનંદદાયક હોય છે પરંતુ તે પોતાની સાથે ઘણી બીમારીઓ પણ લઈને આવે છે. ખાસ કરીને શિયાળાની ઋતુ હૃદયના દર્દીઓ માટે ખતરનાક માનવામાં આવે છે. અભ્યાસ મુજબ આ સિઝનમાં હાર્ટ એટેક, હાર્ટ ફેલ્યર થવાની શક્યતાઓ વધી જાય છે. આ ઋતુમાં શરીરનું યોગ્ય તાપમાન જાળવી રાખવા માટે આપણા શરીર અને હૃદયને વધુ મહેનત કરવી પડે છે. આના કારણે આપણા હૃદય પર વધુ દબાણ આવે છે અને નબળા હૃદયવાળા લોકોમાં હાર્ટ ફેલ્યરનું જોખમ વધી જાય છે.
હૃદયના દર્દીઓ માટે શિયાળાની ઋતુ કેમ ખતરનાક છે
હેલ્થ એક્સપર્ટના મતે શિયાળામાં તાપમાનમાં ઘટાડો થાય છે અને મનોવૈજ્ઞાનિક રીતે શરીરને ગરમ રાખવાનો સંકેત મળે છે. નીચું તાપમાન નર્વસ સિસ્ટમને સક્રિય કરે છે, જે કેટેકોલામાઇન્સનું સ્તર વધી જાય છે. તે રક્તવાહિનીઓને સંકુચિત કરે છે, જેનાથી હૃદયની ગતિ, બ્લડ પ્રેશર અને કોલેસ્ટ્રોલનું સ્તર વધી જાય છે. રક્ત વાહિનીઓ સંકોચાવા પર લોહી ગંઠાવા લાગે છે. આ બધી વસ્તુઓ હાર્ટ એટેકનું જોખમ વધારે છે.
વાયુ પ્રદૂષણ, શારીરિક પ્રવૃત્તિની કમી, માનસિક દબાણ, ખાવાપીવાની ખરાબ આદતો અને આ ઋતુમાં થતા વાયરલ ઈન્ફેક્શનના કારણે પણ હાર્ટ એટેક અને ફેલ્યરની શક્યતા વધી જાય છે. જે લોકોનું હૃદય નબળું છે અથવા જેમને પહેલાથી જ કોઈ બીમારી છે તેઓને આ સિઝનમાં સૌથી વધુ જોખમ રહેલું છે કારણ કે આ સમયે તેમને શ્વાસ લેવામાં તકલીફ પડી શકે છે. આ સિવાય આ સિઝનમાં ફ્લૂ અને ન્યુમોનિયા જેવી બીમારીઓ થવાની શક્યતાઓ પણ વધી જાય છે.
શિયાળામાં આ રીતે રાખો હૃદયની સંભાળ
સ્વાસ્થ્ય નિષ્ણાતોના મતે ઠંડીની ઋતુમાં ગરમ કપડા, મોજા અને ટોપી પહેરીને શરીરને ગરમ રાખવું જોઈએ. વધુ પડતું ધુમ્રપાન અને આલ્કોહોલનું સેવન ટાળવું જોઈએ, યોગ કે ધ્યાન કરવું જોઈએ, શારીરિક પ્રવૃત્તિ વધારવી જોઈએ અને સારી અને પૂરતી ઊંઘથી અને યોગ્ય આહારથી હૃદયને સ્વસ્થ રાખી શકાય છે. સમયાંતરે હેલ્થ ચેકઅપ કરાવતા રહો અને જો તમને કોઈ પણ પ્રકારની સમસ્યા જણાય તો તરત જ ડૉક્ટરનો સંપર્ક કરો.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..