ચાટ એક એવી ડિશ છે જે દરેકને ભાવે. આજે અમે તમને બાસ્કેટ ચાટ બનાવતા શીખવીશું. આ ચાટ બનાવવા માટે તમારે બહારથી બાસ્કેટ લાવવાની જરૂર નથી, કારણ કે અમે તમને અહીંયા તેની રેસિપી પણ શીખવી રહ્યા છે.
સામગ્રી
- 2 નંગ બાફેલા અને સમારેલા બટાકા
- 1 નંગ સમારેલી ડુંગળી
- 3 નંગ સમારેલા લીલા મરચા
- 1 નંગ સમારેલા ટામેટા
- 1 ચમચી ચાટ મસાલો
- 1 નાની ચમચી લાલ મરચું પાઉડર
- 1/2 કપ જીણી સેવ
- 3 ચમચી સમારેલી કોથમીર
- 1 કપ ખજૂર-આંબલીની ગળી ચટણી
- 1/2 કપ કોથમીર-મરચાની તીખી ચટણી
બાસ્કેટ બનાવવા માટે
1 કપ મેદો
2 ચમચી તેલ
સ્વાદાનુંસાર મીઠું
જરૂર મુજબ પાણી
તળવા માટે તેલ
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
કણક બાંધવા માટે
એક બાઉલમાં મેદો લો. તેમાં મીઠું ઉમેરીને તેલનું મોણ આપો. હવે તેમાં થોડું-થોડું પાણી રેડતા જઈને પરાઠાની કણક બાંધીએ તેવી કણક બાંધી લો. બાદમાં તેને ઢાંકીને 10-15 મિનિટનો રેસ્ટ આપો.
બનાવવાની રીત
આ કણકમાંથી નાના-નાના લૂવા બનાવી લો. હવે તેમાંથી એકદમ પાતળી પૂરી વણી લો. આ પૂરીને બાસ્કેટ બનાવવા માટેના મોલ્ડની ઉંધી બાજુએ ચોંટાડી દો અને પૂરી પર કાણા પાડી દો. જો તમારી પાસે બાસ્કેટ બનાવવા માટેનું મોલ્ડ નથી તો તમે ઘરમાં રહેલી નાની-નાની વાટકીઓના ઉપયોગથી પણ તે બનાવી શકો છો.
પેનમાં તેલ ગરમ કરવા મૂકો. મોલ્ડ સહિત પૂરીને તેમાં તળી લો. પૂરી થોડી તળાશે એટલે મોલ્ડ આપોઆપ અલગ થઈ જશે, તેને કાઢી લો અને પૂરીને ગોલ્ડન બ્રાઉનની થાય ત્યાં સુધી તળાવા દો. તો તૈયાર છે બાસ્કેટ ચાટ માટેની બાસ્કેટ.
બાસ્કેટને સર્વિગ પ્લેટમાં લઈ લો. તેમાં બાફેલા બટાકા, સમારેલી ડુંગળી, સમારેલા ટામેટા અને સમારેલા લીલા મરચા થોડા-થોડા મૂકી દો. હવે ઉપરથી તેમાં ચાટ મસાલો અને લાલ મરચું પાઉડર ભભરાવો. ત્યારબાદ તેના પણ જીણી સેવ, ખજૂર-આંબલીની ગળી ચટણી અને કોથમીર-મરચાની ચટણી મૂકો. તેને સમારેલી કોથમીરથી ગાર્નિશ કરીને સર્વ કરો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..