સુરતના ગોડાદરા વિસ્તારમાં નાઈટ શિફ્ટમાં કામ પર ગયેલા પતિની ગેરહાજરીમાં ભૂતપૂર્વ પાડોશીએ મહિલા પર બળાત્કાર ગુજાર્યો હતો. પતિ નાઈટ શિફ્ટમાં કામ પર ગયો હતો ત્યારે તેનો લાભ લઈને પાડોશી ઘરમાં ઘૂસી ગયો હતો અને પતિ તથા દીકરીઓને મારી નાંખવાની ધમકી આપી હતી અને દુષ્કર્મ ગુજાર્યું હતું. તેની સામે લિંબાયત પોલીસ સ્ટેશનમાં ફરિયાદ નોંધવામાં આવી છે.
ગોડાદરા વિસ્તારમાં રહેતી મહારાષ્ટ્રીય પરિવારની મહિલાને પાડોશી સાથે મિત્રતા કરવી ભારે પડી હતી. આ મહિલાને ત્રણ સંતાનો છે અને તેને અગાઉ પાડોશમાં રહેતા ધર્મેન્દ્ર ચંદ્રભાન સાથે ઓળખાણ થઈ હતી. ધર્મેન્દ્ર મૂળ બિહારનો છે અને તે વરેલીમાં રહે છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
મહિલાનો પતિ એમ્બ્રોઈડરી કારખાનામાં કામ કરે છે. ત્રણ વર્ષ અગાઉ મહિલાનો પતિ નાઈટ શિફ્ટમાં કામ પર ગયો હતો. આ તકનો લાભ લઈને રાત્રે 11 વાગ્યે ધર્મેન્દ્ર મહિલાના રૂમમાં ઘૂસી ગયો હતો. તેણે તેને કહ્યું હતું કે હું તને તારા પતિ કરતા સારી રીતે રાખીશ, હરવા ફરવા લઈ જઈશ.
આવું કહ્યા બાદ તેણે મહિલા સાથે શારીરિક સંબંધ બાંધવાનું કહ્યું હતું. જોકે મહિલાઓ તેનો વિરોધ કર્યો હતો અને શારીરિક સંબંધ બાંધવાની ના પાડી દીધી હતી. મહિલાએ ના પાડતા ધર્મેન્દ્રએ તેને ધમકી આપી હતી.
ધર્મેન્દ્રએ મહિલાને કહ્યું હતું કે જો તું મારી સાથે સંબંધ નહીં બાંધે તો હું તારા પતિ અને દીકરીને મારી નાંખીશ. ધમકી આપ્યા બાદ તેણે બળજબરીથી મહિલા સાથે શરીર સંબંધ બાંધ્યો હતો. થોડા સમય બાદ મહિલા પતિ સાથે સોસાયટીમાં જ અન્ય રૂમમાં રહેવા જતી રહી હતી. જ્યારે ધર્મેન્દ્રએ તેની પત્નીને વતન મોકલી દીધી હતી અને પોતે વરેલી ખાતે રહેવા ગયો હતો.
જોકે, ત્યારે પણ તેણે મહિલાનો પીછો છોડ્યો ન હતો. તે પોતાના સંબંધીઓને મળવાના બહાને ત્યાં આવતો હતો. બાદમાં મહિલાનો પતિ ઘરે ના હોય ત્યારે ત્યાં જઈને મહિલાને બદનામ કરવાની ધમકી આપીને શરીર સંબંધ બાંધતો હતો. અંતે મહિલાના પતિને આ વાતની જાણ થતાં તેણે લિંબાયત પોલીસ સ્ટેશનમાં ફરિયાદ નોંધાવી હતી.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..