Patel News Network
Patel News Network

જંગલમાં સિંહે હંસને પોતાનો મંત્રી બનાવ્યો હતો, એકવાર બ્રાહ્મણ જંગલમાંથી જતો હતો તેને હંસ મળ્યો, બ્રાહ્મણે હંસને પોતાની પરેશાનીઓ જણાવી. હંસ તેને સિંહ પાસે લય ગયો, સિંહે તેને ધન આપીને મદદ કરી. થોડા સમય પછી જ્યારે બ્રાહ્મણ ફરી ધનની મદદ માટે જંગલમાં આવ્યો ત્યારે શું થયું? જાણો

By admin on 6th September 2019

એક જાણીતી લોકકથા પ્રમાણે જંગલમાં સિંહે હંસને પોતાનો મંત્રી બનાવ્યો હતો. હંસના વિચારો ખૂબ જ ધાર્મિક હતાં અને તે બીજાની મદદ કરવા માટે હંમેશાં તૈયાર રહેતો હતો. એ જંગલની પાસે જ એક ગામ હતું. આ ગામમાં એક ગરીબ બ્રાહ્મણ રહેતો હતો. એક દિવસ બ્રાહ્મણે વિચાર્યું કે બીજા ગામમાં જઈને થોડું ધન કમાવું જોઈએ, આ ગામમાં તો કંઈ થવાનું નથી.

બ્રાહ્મણ બીજા ગામમાં જવા માટે નિકળ્યો, રસ્તામાં જંગલ આવતું હતું. જંગલમાં બ્રાહ્મણને હંસ મળ્યો તો તેને બ્રાહ્મણને કહ્યું કે અહીં મોટા-મોટા ભયાનક જંગલી પ્રાણી છે, તમે અહીંથી જલદી-જલદી નિકળી જાઓ, નહીંતર તમારો જીવ સંકટમાં પડશે. બ્રાહ્મણે હંસને પોતાની પરેશાનીઓ જણાવી. હંસે દયા આવી ગઈ અને તે જંગલના રાજા સિંહની પાસે પહોંચ્યો અને બ્રાહ્મણની મદદ કરવાની વાત કરી.

સિંહે પણ પોતાના મંત્રીની વાત યોગ્ય લાગી. તેને બ્રાહ્મણ માટે ઘણાં સોનાંના ઘરેણાં મોકલાવ્યાં. બ્રાહ્મણ આટલું સોનું જોઈને ખુશ થઈ ગયો અને પોતાના ગામમાં પાછો ચાલ્યો ગચો. થોડાં સમય પછી બ્રાહ્મણનું ધન પૂરું થઈ ગયું. તે ફરીથી એ જંગલમાં પહોંચી ગયો, પરંતુ આ વખતે જંગલમાં ઘણી બધી વસ્તુઓ બદલાઈ ગઈ હતી.

હંસનું મૃત્યુ થઈ ચૂક્યું હતું અને સિંહે એક કાગડાને પોતાનો મંત્રી બનાવી દીધો હતો. કાગડાએ જેવો બ્રાહ્મણને જોયો તો કા-કા કરીને સિંહને શિકાર કરવાનો ઈશારો કરી દીધો. સિંહ પણ કાગડાનો અવાજ સાંભળી બ્રાહ્મણની પાસે પહોંચી ગયો અને તેને ઓળખી લીધો.

સિંહે બ્રાહ્મણને કહ્યું કે તમે એજ છો, જેને અમે થોડાં સમય પહેલાં સોનું આપ્યું હતું. કાગડાએ કહ્યું મહારાજ આનો શિકાર કરી લો, ગયા વખતે તેની મદદ કરી હતી, પરંતુ વારંવાર મદદ કરવાથી તેની આદત બગડી જશે. અત્યારે મદદ કરશો તો આવતીકાલે આ ફરીથી આવી જશે. સિંહે કાગડાની વાત માની અને તેને બ્રાહ્મણનો શિકાર કરી દીધો.

બોધપાઠ

આ કથાની શીખ એ છે કે આપણે જેવા લોકોની સાથે રહીએ છીએ, આપણા વિચારો પણ એવા જ થઈ જાય છે. જ્યારે સિંહ હંસની સાથે હતો તો તેની વિચાસરણી સારી હતી, પરંતુ કાગડાને લીધે તેના વિચારો ભ્રષ્ટ થઈ ગયાં. એટલા માટે આપણે સારાં લોકોની સાથે જ રહેવું જોઈએ. ખોટી સોબતમાં ન ફસાવું જોઈએ.

આ પણ વાંચજો – એક દિવસ રાજા અને સંત બંને જંગલમાં ફરવાં માટે ગયાં. જંગલમાં બંને ભુલા પડ્યા. ત્યારે રાજાને ઝાડ પર એક ફળ દેખાયું. તેને તે ફળના 6 ટુકડાં કર્યાં. પહેલો ટુકડો તેને સંતને ખાવા માટે આપ્યો. પછી સંતે કહ્યું મને હજી આપો. એક પછી એક રાજા પાસેથી સંતે 5 ટુકડાં લઈને ખાઈ લીધાં. જાણો પછી શું થયું

અમારી પોસ્ટ મેળવવા સબસ્ક્રાઈબ કરો

Related Posts

એક ડાકૂ લોકોને લૂટીને પોતાનું ઘર ચલાવતો હતો, એક દિવસ જંગલમાંથી નારદ મુનિ પસાર થતાં હતાં, તે નારદ મુનિને મારવા માટે આગળ વધ્યો ત્યારે નારદ મુનિએ તેને પૂછ્યું કે તું આ પાપ કોના માટે કરી રહ્યો છે. તેણે કહ્યું મારી પત્ની અને બાળકનું પેટ ભરવા માટે, તો જા પહેલાં તેમને પૂછીને આવ કે તે તારા પાપમાં તારા ભાગીદાર બનશે? જાણો પછી શું થયું?

એક શિષ્ય હતો. તેણે ગુરુને પુછ્યું સંસારમાં જીવન જીવવાની સાચી રીત કઈ છે? ગુરુએ કહ્યું કે એક બે દિવસમાં તને આનો જવાબ આપીશ. બીજા દિવસે ગુરુ પાસે એક વ્યક્તિ થોડાક ફળો અને મીઠાઈ લઈને આવ્યો. તેણે પ્રણામ કરી બધી વસ્તુઓ ગુરુ સામે રાખી. ગુરુએ તે વ્યક્તિ સાથે વાત પણ કરી નહીં. પીઠ ફેરવી બધા ફળ અને મીઠાઈ ખાઈ ગયા. આ જોઈને વ્યક્તિ આશ્ચર્યમાં પડી ગયો. જાણો પછી શું થયું?

એક વ્યક્તિ તેનું મહત્વનું કામ કરી કરી રહ્યો હતો પણ તેનું બાળક કામ નહોતું કરવા દેતું, ત્યારે પિતાએ વિચાર્યું આને વર્લ્ડ મેપના ટુકડા કરીને આપું, જોડવામાં 2-3 કલાક તો લાગશે, ત્યાં સુધી મારું કામ પૂરું થઈ જ જશે, પરંતુ બાળકે માત્ર 5 જ મિનિટમાં જોડી દીધો આખો મેપ, જાણો બાળકે કઈ રીતે આવું કર્યું?

એક વૃદ્ધા પાસે જે પણ હતું એ બધું જ ભગવાનને ચઢાવી દેતી, રોજ સવારે ઘરનો કચરો પણ ભગવાનને ધરાવી દેતી હતી અને કહેતી, તારું તને જ અર્પણ. ગામના લોકોએ જ્યારે આ જોયું ત્યારે કહ્યું, આ તો હદ જ કહેવાય. ફૂલ ચઢાવો, મિઠાઇ ચઢાવો, પરંતુ ભગવાનને કચરો કેવી રીતે ચઢાવાય? જાણો પછી શું થયું?

દેવતાઓની રક્ષા માટે મહર્ષિ દધિચીએ પોતાના શરીરનું બલિદાન આપી વજ્ર બનાવ્યું હતું જેનાથી ઈન્દ્રએ વૃત્રાસુરને મારી ફરી સ્વર્ગ મેળવ્યું હતું, દધિચીના પુત્ર પિપ્લાદ તેના માટે દેવતાઓને દોષિત માનતો હતો, તેણે ભોળાનાથની આકરી તપસ્યા કરીને વરદાન માંગ્યું કે તમે તમારું ત્રીજું નેત્ર ખોલી દેવતાઓને ભસ્મ કરી દો. જાણો પછી શું થયું?

એક દરજીને બાદશાહે પોતાના માટે તકિયા બનાવવા કાપડ આપ્યું, દરજીએ તે કાપડમાંથી ખોળ તૈયાર કરી અને તેમાં રૂ ભર્યું, અત્તર પણ ઉમર્યું અને ખૂબ જ સુંદર બે તકિયા બનાવ્યાં, એક તકીયું તેણે ભગવાનના રથમાં આપી દીધું અને બીજું તકીયું બાદશાહને આપ્યું જેથી બાદશાહે ક્રોધિત થઈને દરજીને જેલમાં પુરી દીધો, જાણો પછી શું થયું?

જંગલમાં એક સસલું રહેતું હતું. તે એવું માનતું હતું કે જંગલની અંદર બધા પ્રાણીઓ તેના મિત્ર છે અને બધા તેને સંકટ સમયે મદદ કરશે. એક દિવસ જંગલી કુતરું તેની પાછળ પડ્યું. તે હાથી, ઘોડા અને બકરા પાસે મદદ માંગવા ગયું પણ કોઈએ તેને બચાવ્યું નહીં, જાણો પછી શું થયું?