Patel News Network
Patel News Network

એક દિવસ સુથારને માર્ગમાં મોટું લાકડું મળ્યું. તે તેને ઘરે લાવ્યો. તે સિંહાસન બનાવવા માટે લાકડાને કાપવા લાગ્યો. આ દરમિયાન લાકડું બૂમો પાડવા લાગ્યું કે “મને ના કાપો, ખૂબજ દર્દ થાય છે” સુથારે તેને બહુ સમજાવ્યું કે થોડું દર્દ સહન કરી લે, પણ તે માન્યું નહીં. જાણો પછી શું થયું?

By admin on 12th July 2021

સુથાર એક દિવસ પોતાના ઘર તરફ પરત ફરી રહ્યો હતો. માર્ગમાં તેને મોટું લાકડું મળ્યું. તે તેને ઘરે લાવ્યો. સુથારે વિચાર્યું કે હું આ લાકડાંમાંથી રાજા માટે ભવ્ય સિંહાસન બનાવીશ. તે સિંહાસન બનાવવા માટે લાકડાને કાપવા લાગ્યો. આ દરમિયાન લાકડું બૂમો પાડવા લાગ્યું કે “મને ના કાપો, મને ના કાપો, ખૂબજ દર્દ થાય છે. મને આમ જ છોડી દો.” સુથારે તેને બહુ સમજાવ્યું કે થોડું દર્દ સહન કરી લે, પણ તે માન્યું નહીં. આથી સુથારે તે લાકડાંને એવી રીતે જ છોડી દીધું.

બીજા દિવસે સુથાર ફરી એક મોટા લાકડાંને ઘરે લાવ્યો. સુથારે આ લાકડાંમાંથી રાજા માટે ભવ્ય સિંહાસન બનાવવાનું શરૂ કરી દીધું. લાકડાંએ કોઈ પ્રતિક્રિયા ન આપી અને તે ચૂપચાપ સુથારના તમામ ઘાને સહન કરતું રહ્યું. થોડી વારમાં ભવ્ય સિંહાસન તૈયાર થઈ ગયું. સુથાર ઘણો ખુશ થયો.

થોડા દિવસ પછી સુથાર પાસે રાજા આવ્યા અને તેને આ સિંહાસન ખૂબ પસંદ પડ્યું. તેણે આ સિંહાસન લઈ રાજ દરબારમાં આવવાનું કહ્યું. પછી રાજ દરબારમાં એ સિંહાસન લાગી ગયું. રાજાએ સુથારને 100 સોનામહોર ભેટ આપ્યો.

સુથાર પરત ફરી રહ્યો હતો ત્યારે આ સિંહાસને કહ્યું કે નકામા લાકડાંમાંથી આટલું ભવ્ય સિંહાસન બનાવી મારા સન્માનમાં વધારો કરવા બદલ તમારો ખૂબ આભાર. આ સમયે સુથારને વિચાર આવ્યો કે પહેલાં લાકડાએ જો દર્દ સહન કરી લીધું હોત તો તે પણ આજે ભવ્ય સિંહાસન હોત. થોડા દિવસ પછી પહેલા લાકડાને સળગાવવાના કામ માટે લોકો લઈ ગયા. અફસોસ સાથે સુથારે કહ્યું હું તો તેને સિંહાસન બનાવવા માંગતો હતો પણ તે બન્યું નહીં, જેનું જેવું નસીબ હું શું કરું.

બોધપાઠ: સફળતાનો સ્વાદ ચાખવા માટે થોડું કષ્ટ પણ સહન કરવાનું થાય તો કરવું જોઈએ. મુશ્કેલીઓ સામે જે લડીને આગળ નિકળી જાય છે તે સફળતાને જરૂર મેળવે છે. મુશ્કેલીઓથી લડવાનું શીખો, યોગ્ય સ્થાન જરૂર મળશે

આ પણ વાંચજો:- એક મૂર્તિકાર એવી મૂર્તિઓ બનાવતો હતો કે તેની મૂર્તિઓને જોઈને સૌકોઈને એવું લાગતું કે જાણે મૂર્તિ જીવંત હોય, તેનો મૃત્યુ સમય નજીક આવતા તેણે એક યોજના બનાવી, યમદૂતોને ભ્રમિત કરવા માટે તેણે પોતાના જેવી જ હુબહૂ 10 મૂર્તિઓ બનાવી અને તે આ મૂર્તિઓની વચ્ચે જઈને બેસી ગયો. જાણો પછી શું થયું?

અમારી પોસ્ટ મેળવવા સબસ્ક્રાઈબ કરો

Related Posts

એક ડાકૂ લોકોને લૂટીને પોતાનું ઘર ચલાવતો હતો, એક દિવસ જંગલમાંથી નારદ મુનિ પસાર થતાં હતાં, તે નારદ મુનિને મારવા માટે આગળ વધ્યો ત્યારે નારદ મુનિએ તેને પૂછ્યું કે તું આ પાપ કોના માટે કરી રહ્યો છે. તેણે કહ્યું મારી પત્ની અને બાળકનું પેટ ભરવા માટે, તો જા પહેલાં તેમને પૂછીને આવ કે તે તારા પાપમાં તારા ભાગીદાર બનશે? જાણો પછી શું થયું?

એક શિષ્ય હતો. તેણે ગુરુને પુછ્યું સંસારમાં જીવન જીવવાની સાચી રીત કઈ છે? ગુરુએ કહ્યું કે એક બે દિવસમાં તને આનો જવાબ આપીશ. બીજા દિવસે ગુરુ પાસે એક વ્યક્તિ થોડાક ફળો અને મીઠાઈ લઈને આવ્યો. તેણે પ્રણામ કરી બધી વસ્તુઓ ગુરુ સામે રાખી. ગુરુએ તે વ્યક્તિ સાથે વાત પણ કરી નહીં. પીઠ ફેરવી બધા ફળ અને મીઠાઈ ખાઈ ગયા. આ જોઈને વ્યક્તિ આશ્ચર્યમાં પડી ગયો. જાણો પછી શું થયું?

એક વ્યક્તિ તેનું મહત્વનું કામ કરી કરી રહ્યો હતો પણ તેનું બાળક કામ નહોતું કરવા દેતું, ત્યારે પિતાએ વિચાર્યું આને વર્લ્ડ મેપના ટુકડા કરીને આપું, જોડવામાં 2-3 કલાક તો લાગશે, ત્યાં સુધી મારું કામ પૂરું થઈ જ જશે, પરંતુ બાળકે માત્ર 5 જ મિનિટમાં જોડી દીધો આખો મેપ, જાણો બાળકે કઈ રીતે આવું કર્યું?

એક વૃદ્ધા પાસે જે પણ હતું એ બધું જ ભગવાનને ચઢાવી દેતી, રોજ સવારે ઘરનો કચરો પણ ભગવાનને ધરાવી દેતી હતી અને કહેતી, તારું તને જ અર્પણ. ગામના લોકોએ જ્યારે આ જોયું ત્યારે કહ્યું, આ તો હદ જ કહેવાય. ફૂલ ચઢાવો, મિઠાઇ ચઢાવો, પરંતુ ભગવાનને કચરો કેવી રીતે ચઢાવાય? જાણો પછી શું થયું?

દેવતાઓની રક્ષા માટે મહર્ષિ દધિચીએ પોતાના શરીરનું બલિદાન આપી વજ્ર બનાવ્યું હતું જેનાથી ઈન્દ્રએ વૃત્રાસુરને મારી ફરી સ્વર્ગ મેળવ્યું હતું, દધિચીના પુત્ર પિપ્લાદ તેના માટે દેવતાઓને દોષિત માનતો હતો, તેણે ભોળાનાથની આકરી તપસ્યા કરીને વરદાન માંગ્યું કે તમે તમારું ત્રીજું નેત્ર ખોલી દેવતાઓને ભસ્મ કરી દો. જાણો પછી શું થયું?

એક દરજીને બાદશાહે પોતાના માટે તકિયા બનાવવા કાપડ આપ્યું, દરજીએ તે કાપડમાંથી ખોળ તૈયાર કરી અને તેમાં રૂ ભર્યું, અત્તર પણ ઉમર્યું અને ખૂબ જ સુંદર બે તકિયા બનાવ્યાં, એક તકીયું તેણે ભગવાનના રથમાં આપી દીધું અને બીજું તકીયું બાદશાહને આપ્યું જેથી બાદશાહે ક્રોધિત થઈને દરજીને જેલમાં પુરી દીધો, જાણો પછી શું થયું?

જંગલમાં એક સસલું રહેતું હતું. તે એવું માનતું હતું કે જંગલની અંદર બધા પ્રાણીઓ તેના મિત્ર છે અને બધા તેને સંકટ સમયે મદદ કરશે. એક દિવસ જંગલી કુતરું તેની પાછળ પડ્યું. તે હાથી, ઘોડા અને બકરા પાસે મદદ માંગવા ગયું પણ કોઈએ તેને બચાવ્યું નહીં, જાણો પછી શું થયું?