મસાલા પાપડ એક એવી ચીજ છે જે મોટાભાગના લોકો હોટેલમાં જાય ત્યારે મંગાવે જ છે. સામાન્ય રીતે હોટેલો એક પાપડના 50થી 60 રૂપિયા વસૂલતી હોય છે. આ જ પાપડ તમે ઘરે સાવ સરળતાથી, કોઈ મહેનત કર્યા વિના બનાવી શકો છો. વાંચો મસાલા પાપડ બનાવવાની સરળ રેસિપી.
મસાલા પાપડ માટે અડદની દાળના મરી વાળા પાપડ સૌથી શ્રેષ્ઠ વિકલ્પ છે. જો આ પાપડ ન હોય તો બીજા પણ વાપરી શકો. મસાલા પાપડ એક એવી વાનગી છે જે બને તેવી તરત જ સર્વ કરી દેવી જોઈએ નહિં તો પાપડ પોચો પડી જશે અને ખાવાની મજા નહિ આવે.
સામગ્રીઃ
- 2 કે 3 મોટી સાઈઝના પાપડ
- 1 મિડિયમ સાઈઝની ડુંગળી (ઝીણી સમારેલી)
- 1 મિડિયમ સાઈઝનું ટમેટુ (ઝીણું સમારેલુ)
- 2 ચમચા ઝીણી સમારેલી કોથમીર
- 1 ચમચી લીંબુનો રસ
- અડધી ચમચી લાલ મરચા પાવડર
- 1 ચમચી શેકેલો જીરા પાવડર
- 1 ચમચી ચાટ મસાલો
- સ્વાદાનુસાર નમક
- પાપડ તળવા માટે તેલ
સ્ટેપ 1
એક બાઉલમાં ઝીણી સમારેલી ડુંગળી, ટમેટા, લાલ મરચા પાવડર, શેકેલો જીરા પાવડર, ચાટ મસાલા પાવડર અને નમક મિક્સ કરો. તેમાં લીંબુનો રસ ઉમેરી બરાબર મિક્સ કરો. જરૂર પડે તો મસાલા કે લીંબુનો રસ ઉમેરી શકાય. પાપડ તળો તે પહેલા જ આ મિશ્રણ તૈયાર કરો.
સ્ટેપ 2
એક પેનમાં તેલ લઈને ગરમ તેલમાં પાપડ તળો. ચિપિયાનો ઉપયોગ કરશો તો પાપડ વળી નહિ જાય. થોડી જ સેકન્ડમાં પાપડ કડક થઈ જશે. પાપડને બ્રાઉન કરવાની જરૂર નથી. પાપડ તળાય એટલે તેને તરત જ કાઢી લો. તમારે પાપડ તળવો ન હોય તો તમે તેને બંને બાજુ તેલ લગાવીને તવા પર શેકી પણ શકો છો.
સ્ટેપ 3
આ પાપડને પેપર નેપકિન પર રાખી દો જેથી વધારાનું તેલ ચૂસાઈ જાય. હવે આ પાપડ પર મિશ્રણ પાથરી દો. તેના પર કોથમીર અને ચાટ મસાલો ભભરાવી તરત જ સર્વ કરો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..