ભાવનગરઃ પાલિતાણા પંથકની યુવતી સાથે પરિચય કેળવી ઝેરોક્ષની દુકાનના માલિકે દુષ્કર્મ આચરી તેના નગ્ન ફોટા વાયરલ કરી દેવાની ધમકી દઈ પરાણે લગ્ન કર્યા હતા. બની બેસેલા પતિએ હવે ડિવોર્સ આપવા માટે 10 લાખની માંગણી કરતો હતો અને ઘરમેળે સમાધાન નહીં કરતા યુવતિએ પોલીસની મદદ માંગી હતી. પાલિતાણા પંથકની એક યુવતી પોતાના કામ અર્થે પાલિતાણાના કોર્ટ રોડ પર આવેલી મારૂતિનંદન ઓનલાઈનની દુકાનમાં ડોક્યુમેન્ટ્સની પ્રિન્ટ કાઢવા માટે ડોક્યુમેન્ટ વોટ્સએપ વેબથી આપ્યા હતા જેથી તેમનો નંબર દુકાનદાર જગદીશ વલ્લભભાઈ જાદવ પાસે આવી ગયો હતો.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
જેણે આશરે બે માસ સુધી યુવતી સાથે ફોનમાં વાતચીત કરી તેના પ્રેમમાં ફસાવી હતી અને ગત તા. 20 ફેબ્રુઆરીના રોજ જગદીશ તેને બાઈક પર ઓમકારનગર સોસાયટીમાં આવેલા તેમના દાદાના દિકરાના ઘરે લઈ જઈ દુષ્કર્મ આચર્યું હતું અને નગ્ન ફોટા પાડ્યા હતા. યુવતીએ આ બનાવની ઘરે કોઈને વાત કરી નહોતી જે બાદ આ યુવકે તા. 3 માર્ચના રોજ યુવતી પોતાની નોકરીએ જતી હતી ત્યારે ઉક્ત યુવકે તેને હેદરશા-તળાજા રોડ પર ઉતરી જવાનું કહેતા તે ત્યાં ઉતરી જતાં જગદીશે ત્યાં આવીને કહેલ કે તું મારી સાથે લગ્ન કરી લે નહીતર તારા નગ્ન ફોટા વાઈરલ કરી દઈશ અને તારા ભાઈ અને પિતાને મારીશ.
જેથી યુવતીએ તેની સાથે નગરપાલિકામાં જઈ લગ્ન નોંધણી કરાવી હતી અને હવે જબરદસ્તીથી બની બેસેલા પતિ જગદીશ યુવતીને ડિવોર્સ આપવા માટે સામેથી 10 લાખની માંગણી કરી રહ્યો છે. આ મામલે જ્ઞાતિ લેવલે સમાધાનની વાતચીત ચાલતી હતી પરંતુ તેમાં કોઈ નક્કર પરિણામ નહી મળતા અંતે મહિલાએ જબરદસ્તીથી બની બેસેલા પતિથી છુટકારો મેળવવા પાલિતાણા ટાઉન પોલીસમાં અરજી કરી હતી. જ્યારે આ મામલે તપાસ ચાલી રહી છે. બંન્ને પક્ષો તરફથી નિવેદનો લેવાની કાર્યવાહી ચાલી રહી હોવાનું પાલિતાણા પીઆઈ એન.એમ.ચૌધરીએ જણાવ્યું હતું.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..