મધ્ય અને દક્ષિણ ભારતમાં હાલ વરસાદનો પ્રકોપ સર્જાયો છે. ગુજરાત, મહારાષ્ટ્ર, કેરળ સહિતના રાજ્યોમાં પૂરની સ્થિતિ સર્જાઈ છે. મહારાષ્ટ્રના સાંગલીમાં સ્થિતિ ખૂબ જ ખરાબ છે. સ્થાનિક સરકારના આંકડા મુજબ કોલ્હાપુર, સાંગલી, સતારા અને સોલાપુર જિલ્લામાં પૂરની સ્થિતિના કારણે 2.85 લાખ જેટલા લોકોને રેસ્ક્યુ કરવામાં આવ્યા હતા. જ્યારે 5 જિલ્લામાં કુલ 29 જેટલા લોકોના મોત થયા છે.
વીડિયો થયો સોશિયલ મીડિયામાં વાઈરલ
આ જિલ્લાઓમાં હજુ પણ સેંકડો લોકો પૂરના પાણીમાં ફસાયેલા છે અને તેમને બચાવવાની કામગીરી ચાલી રહી છે. ત્યારે સાંગલીમાં રેસ્ક્યુ મિશનનો એક વીડિયો સોશિયલ મીડિયામાં વાઈરલ થઈ રહ્યો છે. વીડિયોમાં એક મહિલા પોતાને રેસ્ક્યુ કરવા બદલ જવાનના ચરણ સ્પર્શ કરીને આભાર વ્યક્ત કરી રહી છે. આ દરમિયાન મહિલા ખૂબ જ ભાવુક થતી દેખાય છે.
પૂરમાં ફસાયેલા લોકો માટે જવાન બન્યા ભગવાન, મહિલાની આભાર વ્યક્ત કરવાની આ રીત તમારું દિલ જીતી લેશે
સાંગલીમાં નેવીની 12 ટીમો રેસ્ક્યુ કામગીરીમાં લાગેલી છે. શનિવારે મહારાષ્ટ્રના મુખ્યમંત્રી દેવેન્દ્ર ફડણવીસે કોલ્હાપુર અને સાંગલીના પૂરગ્રસ્ત વિસ્તારોની મુલાકાત લીધી હતી. હાલમાં આ જિલ્લાઓમાં કેન્દ્રિય એજન્સીઓ અને રાજ્યની જુદી જુદી એજન્સીઓ દ્વારા પૂરના પાણીમાં ફસાયેલા લોકોને રેસ્ક્યુ કરવામાં આવી રહ્યા છે.
જીવન બચાવનારનો આભાર. દરેકને આ બહેનની જેમ આભાર વ્યક્ત કરતા આવડે તો સેવા કરનારને ક્યારેય એના કામનો થાક ન લાગે. મદદ કરનારનો આભાર માનવાનું ક્યારેય ન ભૂલો. સહમત હોવ તો શેર કરજો..
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે નીચે આપેલી લીંક પર ક્લિક કરીને જોડાઈ જાઓ અમારી સાથે. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.