ભારતીય સેનાના આ ફાઈટર પ્લેન છે તૈયાર, ખાસિયત જાણીને ડરી જાય છે દુશ્મન

ભારતીય વાયુસેના દ્વારા પાકિસ્તાનમાં ઘુસીને જૈશ-એ-મોહમ્મદના આતંકી ઠેકાણાઓને તબાહ કરીને સુરક્ષિત પાછા આવ્યા બાદ કોઈ પણ વ્યક્તિ ભારતીય સેનાના વખાણ કરી રહ્યો છે. આ એર સ્ટ્રાઈકે આખા વિશ્વમાં ભારતની પ્રતિષ્ઠા બુલંદ કરી છે, તો દેશના દુશ્મનોને સ્પષ્ટ શબ્દોમાં જણાવી દીધુ છે કે ભારતીય સેના કોઈ પણ મામલે ઉણી ઉતરે તેવી નથી.

ભારતે પોતાના આ ઑપરેશનને અસૈન્ય કાર્યવાહી જાહેર કરી છે, જેનો અર્થ છે કે વાયુસેનાએ પાકિસ્તાનની સેના અથવા નાગરીકો પર નહીં, પરંતુ ત્યાં સંચાલિત થતાં આતંકવાદીઓ પર હુમલો કર્યો હતો. આ કાર્યવાહીમાં મિરાજ-2000 વિમાનનો ઉપયોગ કરવામાં આવ્યો હતો. જોકે, મિરાજ જેવા જ ભારતની પાસે કેટલાંક અન્ય ફાઈટર જેટ છે, જેના નામથી જ દુશ્મન દેશની સેવાઓ ભય મહેસૂસ કરે છે અને મોટામાં મોટી મહાશક્તિ ભારત આ ફાઈટર જેટની મદદથી દુશ્મને દેશને ધૂળ ચટાડી શકે છે. જાણો ભારતની સામરિક શક્તિમાં બીજા ક્યા હથિયાર છે.

સુખોઈ 30 એમકેઆઈ-

ભારતીય વાયુસેનામાં સમાવેશ સુખોઈ 30 એમકેઆઈને સૌથી શક્તિશાળી અને મુખ્ય ફાઈટર જેટ માનવામાં આવે છે. સુખોઈ દુનિયાના સૌથી સારા ફાઈટર પ્લેનમાંથી એક છે. આ મલ્ટીરોલ ફાઈટર જેટને ભારત અને રશિયાએ મળીને વિકસિત કર્યુ છે. વર્તમાન સમયમાં ભારત અને રશિયા મળીને આ ફાઈટર જેટને વધુ વિકસિત સંસ્કરણને બનાવવાનું કામ કરી રહ્યાં છે.

જગુઆર-

જગુઆરનું નિર્માણ ફ્રાન્સ અને યુનાઈટેડ કિંગડમે મળીને કર્યુ હતું. જેની સૌથી મોટી ખાસિયત છે કે આ ફાઈટર પ્લેન દુશ્મન દેશને ઘણુ અંદરથી હુમલો કરવામાં માહેર છે. જેની બીજી સૌથી મોટી ખાસિયત છે કે આ ખૂબ ઓછી ઉંચાઈથી હુમલો કરવામાં સક્ષમ છે. જોકે, જે દેશોએ તેનું નિર્માણ કર્યુ નથી ત્યાં તેની સેવાઓ સમાપ્ત થઈ છે.

મિરાજ 2000-

આ મલ્ટીરોલ સિંગલ એન્જિન ફાઈટર પ્લેન છે, જેને ફ્રાન્સના ડસૉલ્ટ એવિએશને બનાવ્યું છે. ભારતે તેને 1982માં ખરીદ્યુ હતું. જેને ભારતે વજ્ર નામ આપ્યું છે. કારગિલ યુદ્ધમાં આ પ્લેને મહત્વપૂર્ણ ભૂમિકા અદા કરી હતી.

તેજસ-

તેજસ એક હલ્કા વજનવાળું ભારત દ્વારા વિકસિત કરવામાં આવેલુ ફાઈટર પ્લેન છે. આ એકસાથે બીજી ઘણી ભૂમિકાઓ નિભાવી શકે છે. જેનું નિર્માણ હિન્દુસ્તાન એરોનોટિક્સ લિમિટેડ (એચએએલ) દ્વારા વિકસિત કરાઈ રહ્યું છે. જેની ખાસિયત છે કે આ સિંગલ સીટ અને સિંગલ જેટ એન્જિનવાળું મલ્ટીરોલ લડાકૂ વિમાન છે. જેનુ નામકરણ ભારતના તત્કાલીન વડાપ્રધાન અટલ બિહારી વાજપેયીએ કર્યુ હતું.

મિગ-29કે- મિગ 29 કે એક સુપરસોનિક ફાઈટર પ્લેન છે, જેને ભારતીય નૌસેના માટે રશિયા પાસેથી ખરીદવામાં આવ્યું છે. જેનાથી બ્રિટનમાં નિર્મિત સી હૈરિયર ફાઈટર પ્લેનની જગ્યા લીધી છે. હવે ભારત અને રશિયા તેને મળીને બનાવવાની યોજના પર કામ કરી રહ્યાં છે.

મિગ 21- અહીં તમને જણાવવાનું કે મિગ 21 ભારતના સૌથી જૂના લડાકૂ વિમાનોમાંથી એક છે. ભારતે તેને રશિયા પાસેથી ખરીદ્યુ હતું, જે અમૂક તબક્કા પર પોતાની ક્ષમતા બતાવી ચૂક્યુ છે. જોકે, અહીં આ અંગે એ જાણવુ જરૂરી છે કે આ ફાઈટર એરક્રાફ્ટને ઉડતા તાબૂત પણ કહેવામાં આવે છે. જેને સેના ધીરે-ધીરે સક્રિય સેવાથી હટાવવાનુ કામ કરી રહી છે.

મિગ 27- અન્ય મિગ વિમાનોની જેમ પણ આ રશિયન લડાકૂ વિમાન છે, જેને ભારતે ખરીદ્યુ. જોકે મૂળરૂપથી તેનુ નિર્માણ સોવિયત સંઘમાં મિકોયાન-ગુરેવિચ બ્યૂરો દ્વારા પૂર્ણરૂપથી વિકસિત કરવામાં આવ્યું હતું. બાદમાં તેને એચએએલ લાઈસન્સ લઇને ભારતમાં જ બનાવવા લાગ્યું. આ ધરતીથી ધરતી પર હુમલો કરે છે અને વાયુસેનામાં કાર્યરત છે.

આઈએલ 76- આ ચાર એન્જિનવાળું મલ્ટીરોલ વ્યૂહરચનાવાળું એરલિફ્ટર વિમાન છે. આ રશિયાના ઇલ્ટિશન ડિઝાઈન બ્યૂરો દ્વારા નિર્માણ કરવામાં આવ્યું છે. જેનો પ્રયોગ મુખ્ય ભારતમાં હવામાં જ વિમાનોમાં ઑઈલ રિફ્યૂલિંગ માટે કરવામાં આવે છે.

સી-130 જે સુપર હરક્યૂલિસ- હરક્યૂલિસ ફાઈટર જેટને અમેરીકાના લૉકહીડ માર્ટિન દ્વારા બનાવવામાં આવ્યું છે. આ ચાર એન્જિનવાળું ટર્બોપ્રોપ સૈન્ય પરિવહન વિમાન છે. જેનું એક વિમાન વર્ષ 2014માં ગ્વાલિયરની પાસે દુર્ઘટનાગ્રસ્ત થયુ હતું.

બોઈંગ સી-17ગ્લોબમાસ્ટર- વિશ્વના મોટા માલવાહક જહાજોમાંથી એક બોઈંગ સી-17 ભારતીય વાયુ સેનામાં સ્કાઇલૉર્ડસ સ્કવાર્ડનના નામથી સામેલ છે. જેની મોટી ખાસિયત છે કે આ કોઈ પણ ઉંચાઈ અને જગ્યા પર સરળતાથી લેન્ડ કરી શકાય છે. જો તેના લેન્ડિંગમાં પરેશાની આવે તો તેમાં હાજર રીવર્સ ગિયર વિમાનની મદદ પણ કરે છે. આ વિમાનમાં ચાર એન્જિન હોય છે.