ભારતીય રાજા-મહારાજાઓનો ઈતિહાસ જેટલો તેમની વિરાસત અને શાન માટે ચર્ચામાં રહ્યો છે, તેટલો જ તેમના અસ્ત્રો અને શસ્ત્રોના કારણે ચર્ચામાં રહ્યો છે. ક્યારેક ચર્ચા મહારાણા પ્રતાપની તલવારની થઈ તો ક્યારેક ટીપૂ સુલતાનની તોપની. પરંતુ આજે તમને રાજસ્થાનના એક કિલ્લામાં સ્થિત એશિયાની સૌથી મોટી તોપ વિશે જણાવીશું જેના એક જ ગોળાના પ્રહારથી તળાવ બની ગયું.
આ તોપને જયપુરમાં જયગઢ કિલ્લા પર મૂકવામાં આવી છે. આ એશિયાની સૌથી મોટી તોપ છે. તેની સાઈઝ એટલી મોટી છે કે તેને જ્યારે એક વાર ફાયર કરવામાં આવી તો ગોળાથી 35 કિમી દૂર એક ગામમાં તળાવ બની ગયું.
તળાવમાં આજે પણ પાણી
ખાસ વાત એ છે કે આ તળાવમાં આજે પણ પાણી છે અને લોકો માટે પાણીનો મહત્વપૂર્ણ સ્ત્રોત છે.
અરાવલીના પહાડો પર બન્યો છે કિલ્લો
જયગઢનો કિલ્લો અરાવલીના પહાડો પર બનેલો છે અને તેનું નિર્માણ 1726માં થયું હતું.
50 ટન છે તોપનું વજન
આ તોપની નળી ખૂબ લાંબી છે અને તેનું કુલ વજન 50 ટન છે. આ તોપ જયગઢ કિલ્લાના ડુંગર દરવાજા પર મૂકવામાં આવી છે. તોપની નળીથી લઈને અંતિમ છેડા સુધીની લંબાઈ 31 ફૂટની છે.
8 મીટર લાંબા બેરલ મૂકવાની સુવિધા
આ તોપમાં 8 મીટર લાંબા બેરલ મૂકવાની સુવિધા છે. આ દુનિયાભરમાં સૌથી વધારે ચર્ચિત છે.