પતિ તેની પ્રેમિકાને લઈને અચાનક ઘરે પહોંચ્યો, પતિ-પત્ની વચ્ચે ઝઘડો થતાં પ્રેમિકા સાથે મળીને તેની કરપીણ હત્યા કરી નાખી, કારણ ચોંકાવી દેશે

યૂપીના ફતેહપુર જિલ્લાના ખાગા વિસ્તારમાં કૂરા મજરે ગુલરિયનપર ગામમાં મોડી રાત્રે 25 વર્ષીય પરિણિતાની ધારદાર હથિયારથી ગળુ કાપીને નિર્મમ હત્યા કરી નાખવામાં આવી. આ હત્યા બાદ આખા ગામમાં ચકચાર મચી જવા પામી હતી. હત્યા બાદ ગામના લોકો ઘટના સ્થળે એકત્ર થયા હતા. આ ઘટનાની જાણ થતા પોલીસ કાફલો પણ ઘટના સ્થળે પહોંચ્યો હતો. પોલીસે આ મામલે ગુનો નોંધીને આગળની કાર્યવાહી હાથ ધરી હતી. એવું કહેવાય છે કે, મૃતક મહિલાના પતિએ તેની પ્રેમિકા સાથે મળીને આ ઘટનાને અંજામ આપ્યો હતો. ત્યારે પોલીસે બંને આરોપીઓને ઝડપી પાડીને પૂછપરછ હાથ ધરી છે.

વાત એવી છે કે, 21 ડિસેમ્બરના રોજ મૃતકનો પતિ તેની પ્રેમિકા નેહા વર્માને ગોરખપુરથી ખાઘા કસ્બામાં સાથે લઈને ઘરે આવ્યો હતો. આ વાત જાણીને મૃતક પત્ની અને પતિ વચ્ચે જોરદાર ઝઘડો થયો હતો. આ વાતથી પતિ ઉશ્કેરાઈ ગયો હતો. બાદમાં ગુસ્સામાં તેણે પત્ની યોગમાયાની ધારદાર હથિયારથી ગળુ કાપીને નિર્મમ હત્યા કરી નાખી હતી. પરિવારજનોના જણાવ્યા મુજબ, ઈંદ્રમોહન અને નેહા વર્મા ગોરખપુરમાં ભોજપુરી ફિલ્મમાં એક સાથે કામ કરતા હતા અને તેઓ પાંચ દિવસ પહેલાં જ ઘરે આવ્યા હતા.

જ્યારે પરિવારજનો સવારે તેના રૂમમાં પહોંચ્યા તો યોગમાયા લોહીથી લથ પથ સ્થિતિમાં પડેલી હતી. એ પછી ઘટનાની જાણકારી પોલીસને આપવામાં આવી હતી. પોલીસે લાશને કબજામાં લઈને મૃતકના ભાઈની ફરિયાદના આધારે આરોપી પતિ અને તેની પ્રેમિકા વિરૂદ્ધ હત્યાનો કેસ દાખલ કર્યો હતો. તો એસપીએ જણાવ્યું કે, મૃતકના ભાઈની ફરિયાદના આધારે ગુનો દાખલ કરવામાં આવ્યો છે અને બંને આરોપીઓને ઝડપી પાડીને પૂછપરછ કરવામાં આવી રહી છે. આ ઘટના બાદ આખા ગામમાં ચકચાર મચી જવા પામી હતી. લોકો પણ એવી ચર્ચા કરી રહ્યા છે કે આરોપી પતિ તેની પ્રેમિકાને લઈને ઘરે આવ્યો હતો. જે બાદ આ મામલાએ ઉગ્ર રૂપ લીધુ હતુ.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..