અમદાવાદ સિવિલ હોસ્પિટલના હેડ નર્સનું કોરોનાથી મોત, મહામારીની જંગમાં દર્દીઓની સેવા માટે પોતાનું જીવન સમર્પિત કર્યું

અમદાવાદ સિવિલની કોવિડ-19 હોસ્પિટલના હેડ નર્સ કેથરિન ક્રિશ્ચિયનનું કોરોનાથી મોત થયું છે. કોરોના સામેની જંગમાં લડત આપતા આખરે કેથરિનનું મોત થતા રાજ્યના આરોગ્ય વિભાગ અને સિવિલ હોસ્પિટલના સ્ટાફમાં શોકની લાગણી ફેલાઈ છે. ગુજરાતના આરોગ્ય મંત્રી અને ડેપ્યુટી સીએમ નીતિન પટેલે શોક વ્યક્ત કર્યો છે. નીતિન પટેલે સોશિયલ મીડિયા પર પોસ્ટ કરીને જણાવ્યું કે, ‘કોરોના મહામારીની જંગમાં અમૂલ્ય સેવાઓ આપી દર્દીઓની સેવાઓ માટે પોતાના જીવનને સમર્પિત કરનાર હેડ નર્સ કિશ્ચિયન કેથરિનબેનને સમગ્ર આરોગ્ય વિભાગ તરફથી હૃદયપૂર્વક શ્રદ્ધાંજલિ.’

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

પાર્થિવ શરીરને સેલ્યુટ કરતા કોરોના વોરિયર્સ

કેથરિનબેન સિવિલની કોવિડ-19 હોસ્પિટલમાં A-2 હેડ નર્સ તરીકે ફરજ બજાવતા હતા. તેઓ 26 માર્ચથી 3 મે સુધી હોસ્પિટલમાં ફરજ પર હતા. આ દરમિયાન તેઓ કોરોનાના દર્દીના સંપર્કમાં આવતા તેઓ પણ કોરોનાથી સંક્રમિત થયા હતા. ત્યારબાદ સિવિલ હોસ્પિટલમાં જ તેમની સારવાર ચાલી રહી હતી. ત્યારે આજે તેમનું મોત નીપજતા હોસ્પિટલનો સ્ટાફ અને પરિવારજનો દુ:ખી છે. સિવિલના કોરોના વોરિયર્સ દ્વારા કેથરિનના પાર્થિવ શરીરને સેલ્યુટ કરીને તેમનું સન્માન કર્યું હતું.

અમદાવાદમાં કોરોનાની સ્થિતિ

ગુજરાતમાં અમદાવાદ કોરોના વાયરસથી સૌથી ખરાબ રીતે અસરગ્રસ્ત થયું છે. સોમવાર સાંજ સુધી છેલ્લા 24 કલાકમાં કોરોનાના 263 નવા કેસ નોંધાયા છે જેના કારણે અમદાવાદમાં કુલ કેસની સંખ્યા 8,683 પર પહોંચી ગઈ છે. જ્યારે સતત બીજા દિવસે 31 લોકોના મૃત્યુ સાથે કુલ મૃત્યુઆંક 555 થઈ ગયો છે. અમદાવાદમાં અત્યાર સુધી 2,841 લોકો ડિસ્ચાર્જ થયા છે.

લોકડાઉન 4માં પશ્ચિમ અમદાવાદમાં છૂટછાટ મળી

રાજ્ય સરકાર દ્વારા પશ્ચિમ અમદાવાદમાં આજથી સલૂનો, દુકાનો તથા ઓફિસો ખોલવાની શરતી મંજૂરી આપવામાં આવી હતી. જેના અનુસંધાને શહેરમાં આજથી પશ્ચિન વિસ્તારોમાં સોશિયલ ડિસ્ટન્સિંગ જાળવવાની શરત સાથે શોપિંગ કોમ્પલેક્સ ઓડ-ઈવન પ્રમાણે દુકાનો, સલૂનો અને ઓફિસ ખોલવામાં આવ્યા છે. આ ઉપરાંત ફરસાણ અને પાન-પાર્લરની દુકાનો પર વહેલી સવારથી લોકોની લાઈનો લાગી ગઈ હતી. શહેરના કેટલાક વિસ્તારોમાં ટ્રાફિકજામના દ્રશ્યો પણ સર્જાયા હતા.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..