ભારતમાં કોરોનાના કેસ આજે 16 લાખને પાર પહોંચી ગયા છે તો ગુજરાતમાં કોરોનાના કેસ 60 હજારને પાર પહોંચ્યા છે. જો કે, કોરોનાના વધતા કેસ વચ્ચે એક સારી બાબત એ પણ છે કે, કોરોનાના દર્દીઓનો રિકવરી રેટ પણ અન્ય દેશોની સરખાણીએ ભારતમાં વધારે છે. ગુજરાતમાં સૌથી વધુ કોરોનાનું સંક્રમણ સુરત, અમદાવાદ, વડોદરામાં વિશેષ છે. ત્યારે રાજ્યમાં છેલ્લા 24 કલાકમાં 1153 કોરોનાના કેસ નોંધાયા છે.
રાજ્યમાં આજે કોરોનાના 1153 કેસ નોંધાતા કુલ આંકડો 61,435 પર પહોંચ્યો છે. આજે 833 દર્દીઓ સાજા થતાં અત્યાર સુધીમાં કુલ 44,907 દર્દીઓએ કોરોનાને મ્હાત આપી છે. આ તમામને હોસ્પિટલમાંથી ડિસ્ચાર્જ કરવામાં આવ્યા છે. તો આમ ગુજરાતમાં સાજા થવાનો દર 73 ટકાથી વધુ છે. તો આ સાથે જ એક ચિંતાજનક બાબત એવી પણ છે કે, રાજ્યમાં સુરત અને અમદાવાદ બાદ હવે વડોદરામાં કોરોનાના કેસમાં ઉછાળો નોંધાઇ રહ્યો છે. વડોદરામાં ગત 24 કલાકમાં 94 નવા કેસ નોંધાયા છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
રાજ્યમાં કોરોનાએ છેલ્લા 24 કલાકમાં 23 દર્દીઓનો ભોગ લીધો છે. જેને લઇને અત્યાર સુધીમાં રાજ્યમાં 2,441 દર્દીઓના સારવાર દરમિયાન મોત નિપજ્યા છે. જેમાં સૌથી વધુ અમદાવાદમાં 1599 દર્દીઓના મોત થયા છે. મહત્વનું છે કે, ભારતમાં કોરોના વાયરસના કેસ 16 લાખને પાર થઇ ચૂક્યા છે. જ્યારે દેશમાં અત્યાર સુધીમાં દેશમાં 35,134 દર્દીઓના મોત થયા છે.
સુરતમાં કોરોનાનું સંક્રમણ વધી રહ્યું છે. અમદાવાદ બાદ સૌથી વધુ સુરતમાં કેસ નોંધાઇ રહ્યા છે. આજે સુરતમાં 284 નવા કોરોનાના કેસ નોંધાયા છે. જેમાં સુરત કોર્પોરેશનમાં 219 અને સુરત જિલ્લામાં 65 કેસ નોંધાયા છે. આ સાથે સુરતમાં કોરોનાનો કુલ આંકડો 13,069 પર પહોંચ્યો છે. સુરતમાં આજે 189 દર્દીઓ સ્વસ્થ થયા છે. જેથી કુલ સ્વસ્થ થયેલા દર્દીનો આંકડો 9,028 પર પહોંચ્યો છે. તો આજે સુરતમાં 11 દર્દીઓના મોત થયા છે. આ સાથે સુરતમાં અત્યાર સુધીમાં કુલ 414 દર્દીના મૃત્યુ થયા છે. સુરતમાં હાલ 3627 એક્ટિવ કેસ છે.
છેલ્લા 24 કલાકમાં અમદાવાદમાં 176 કેસ નોંધાયા છે. જેમાં અમદાવાદ કોર્પોરેશનમાં 140 અને અમદાવાદ જિલ્લામાં 36 કેસ નોંધાયા છે. આ સાથે અમદાવાદમાં કોરોનાનો કુલ આંકડો 26,517 પર પહોંચ્યો છે. અમદાવાદમાં આજે 112 દર્દીઓ સ્વસ્થ થયા છે. જેને લઇને કુલ સ્વસ્થ થયેલા દર્દીઓનો આંકડો 21,364પર પહોંચ્યો છે. અમદાવાદમાં આજે 4 દર્દીઓના મોત થયા છે, જેની સાથે અમદાવાદનો કોરોનાથી મૃત્યુઆંક 11,599 પર પહોંચ્યો છે. હાલ અમદાવાદમાં 3554 એક્ટિવ કેસ છે.
આજના કોરોના વાયરસના કેસની વિગત
| 31/07/2020 | પોઝિટિવ કેસ |
| અમદાવાદ | 176 |
| સુરત | 284 |
| વડોદરા | 94 |
| ગાંધીનગર | 40 |
| ભાવનગર | 44 |
| બનાસકાંઠા | 14 |
| આણંદ | 11 |
| રાજકોટ | 79 |
| અરવલ્લી | 2 |
| મહેસાણા | 40 |
| પંચમહાલ | 21 |
| બોટાદ | 4 |
| મહીસાગર | 12 |
| ખેડા | 14 |
| પાટણ | 13 |
| જામનગર | 42 |
| ભરૂચ | 21 |
| સાબરકાંઠા | 11 |
| ગીર સોમનાથ | 16 |
| દાહોદ | 14 |
| છોટા ઉદેપુર | 0 |
| કચ્છ | 20 |
| નર્મદા | 9 |
| દેવભૂમિ દ્વારકા | 0 |
| વલસાડ | 26 |
| નવસારી | 16 |
| જૂનાગઢ | 20 |
| પોરબંદર | 9 |
| સુરેન્દ્રનગર | 36 |
| મોરબી | 29 |
| તાપી | 2 |
| ડાંગ | 0 |
| અમરેલી | 26 |
| અન્ય રાજ્ય | 5 |
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..