ભારતમાં કોરોના વાયરસના કેસમાં સતત વધારો થઇ રહ્યો છે પરંતુ રાહતની વાત કહી શકાય કે મૃત્યુદર ભારતમાં બે ટકાથી પણ ઓછો છે. ગુજરાતમાં પણ કોરોના વાયરસના નવા કેસમાં કોઈ ઘટાડો નોંધાયો નથી એવામાં છેલ્લા 24 કલાકમાં વાયરસના નવા 1282 કેસ સામે આવ્યા છે.
ગુજરાતમાં કોરોના વાયરસના નવા કેસ દિવસેને દિવસે વધી રહ્યા છે જોકે સાજા થવાનો દર પણ સતત 80 ટકાની આસપાસ રહે છે ત્યારે છેલ્લા 24 કલાકમાં રાજ્યમાં રેકોર્ડબ્રેક 1282 નવા કોરોના વાયરસના કેસ સામે આવ્યા છે. જ્યારે એક જ દિવસમાં 1111 દર્દીઓએ કોરોના વાયરસને મ્હાત આપી. રાજ્યનાં 13 દર્દીઓ કોરોના વાયરસના કારણે મૃત્યુ પામ્યા છે.
કોરોના વાયરસના કારણે સાજા થવાના રિકવરી રેટમાં ગુજરાત 80 ટકાની આસપાસ રહે છે ત્યારે આજે 1111 દર્દીઓએ કોરોના સામે જંગ જીત્યા બાદ હાલમાં રાજ્યમાં કોરોના વાયરસથી સાજા થવાનો દર 80.59 % છે. અત્યાર સુધીમાં 75, 662 દર્દીઓ કોરોના વાયરસથી સાજા થયા છે.
કોરોનાનાના ચેપના ફેલાવાના ગ્રાફમાં આજે સુરત કોર્પોરેશન 181, અમદાવાદ કોર્પોરેશન 143, સુરત 92, વડોદરા કોર્પોરેશન 89, જામનગર કોર્પોરેશન 88, રાજકોટ કોર્પોરેશન 79, ભાવનગર કોર્પોરેશન 36, રાજકોટ 36, વડોદરા 35, પંચમહાલ 34, કચ્છ 28, મોરબી 28, અમરેલી 25, ભાવનગર 25, ગીર સોમનાથ 22, અમદાવાદ 21, ભરૂચ 21, ગાંધીનગર 21, મહેસાણા 20, પાટણ 19, બનાસકાંઠા 18, દાહોદ 18, ખેડા 16, જુનાગઢ કોર્પોરેશન 15, ગાંધીનગર કોર્પોરેશન 14, જામનગર 14, જુનાગઢ 13, સુરેન્દ્રનગર 13, વલસાડ 13, તાપી 12, અરવલ્લી 11, નવસારી 11, આણંદ 10, છોટા ઉદેપુર 10, દેવભૂમિ દ્વારકા 9, નર્મદા 9, સાબરકાંઠા 9, મહીસાગર 8, બોટાદ 7, પોરબંદર 5, ડાંગ 4 કેસો મળી કુલ 1282 કેસો મળ્યા છે.
કોરોના વાયરસને રોકવા માટે વધુમાં વધુ ટેસ્ટ કરવા ખૂબ આવશ્યક છે ત્યારે રાજ્યમાં એક દિવસમાં 74, 234 કોરોના ટેસ્ટ કરવામાં આવ્યા છે જ્યારે 1142.06 ટેસ્ટ પ્રતિ મિલિયન વસ્તી પર થઇ રહ્યા છે. રાજ્યમાં અત્યાર સુધી આશરે 22 લાખ કોરોના વાયરસ ટેસ્ટ કરવામાં આવ્યા છે.
ગુજરાતમાં કોરોના વાયરસના કારણે 15, 230 એક્ટિવ કેસ છે. જ્યારે કુલ 2991 લોકોએ જીવ ગુમાવ્યા છે. હાલમાં 89 દર્દીઓને વેન્ટિલેટર પર રાખવામાં આવ્યા છે.
આરોગ્ય વિભાગની અખબારી યાદીમાં વિતેલા 24 કલાકમાં અમદાવાદ કોર્પોરેશન 3, રાજકોટ કોર્પોરેશન 2, સુરત કોર્પોરેશન 2, અમરેલી 1, ગીર સોમનાથ 1, મહેસાણા 1, મોરબી 1, જામનગર કોર્પોરેશન 1, વડોદરા કોર્પોરેશન 1 વ્યક્તિએ દમ તોડયો હતો. આમ આજે વિતેલા 24 કલાકમાં કુલ 13 લોકોના મોત નિપજ્યા છે. ગુજરાતમાં કૂલ મૃત્યુઆંક વધીને 2991એ પહોંચ્યો છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..